族譜

爸爸 曾經 講 過 ，佢 細個 嗰 陣 返 過 一 次 鄉下 ，但 之後 就 冇 再 返 過 。 所以 佢 成日 都 話 ，咁 大 個人 都 唔 太 清楚 鄉下 發生 過 咩 事 。

而 我 呢 ，就 喺 香港 出世 ，唔 使 講 ，我 從來 都 冇 返過 鄉下 啦 。 但 記得 爸爸 講 過 我 哋 鄉下 有 本 族譜 ，記載 咗 好多 代 人 嘅 資料 ，好似 話 最 早 可以 追溯 到 宋朝 ，即 係 話 本 族譜 已經 有 八百 年 以上 歷史 ，仲 早 過 中國 四 大 名著 呀 ！

至於 本 族譜 而家 係 點 ，爸爸 話 唔 清楚 。 但 佢 喺 爺爺 臨終 前 應承 過 爺爺 ，話 會 帶 我 返去 鄉下 睇 下 ，可以 話 係 尋根 ，亦 好 想 將 我 個 名 寫入 族譜 ——之 不過 我 係 女仔 ，爸爸 都 冇 十足 嘅 把握 可以 噉 做 ，但 我 係 佢 唯一 嘅 後代 ，所以 佢 決定 帶 我 返 鄉下 試 一 鋪 。

我 剩 係 記得 佢 話 ︰ 「 咪 試 下 囉 ， 唔 得 都 起碼 叫做 帶 過 你 返 鄉下 睇 下 吖 ！ 」

我 哋 避開 新年 去 ，因為 內地 每逢 過年 都 有 春運 ， 全 國 啲 人 都 會 返 鄉下 ， 到 時 內地 各 種 交通 工具 啲 位 賣 哂 ， 我 哋 返 唔 返 到 去 都 會 成 問題 ，所以 我 哋 揀 咗 六月 去 ，噉 返去 就 有 大 把 交通 選擇 嘞 。

返到 去 鄉下 ，村口 係 一 棵 幾 層 樓 高 嘅 榕樹 ，後面 有 個 中式 牌坊 ， 再 後面 就 係 一 條 路 。 沿 住 條 路 兩邊 矗立 咗 新 同 舊 屋 ，舊 嗰 啲 舊 到 清朝 、類似 四合院 嘅 都 有 ，而 新 嗰 啲 就 似 係 呢 幾 年 先 起 好 落成 、有 幾 層 高 嘅 瓷磚 外牆 屋 。

我 哋 行 到 去 村長 間 屋 ，爸爸 喺 門口 自我 介紹 一 番 ，又 攞 出 佢 細個 同 爺爺 影 嘅 相 ，再 寒喧 一陣 ，村長 就 請 我 哋 入去 ，話 要 熱情 招待 我 哋 。 但 爸爸 話 大家 同鄉 ，簡簡單單 就 得 啦 ——結果 村長 嗰 晚 親自 下廚 ，請 我 同 爸爸 食飯 。

嗰 晚 我 哋 傾 咗 鄉下 咁 多 年 嚟 發生 嘅 事 ，村長 講到 城市化 係 點樣 令到 鄉下 啲 後 生仔 出 晒 城 ，搞 到 條 村 剩 返 啲 老年人 。 不過 出 城 嘅 人 每 年 都 會 畀 少 少 錢 幫 條 村 搞 翻新 ，或者 定時 返 嚟 幫手 夾 錢 維修 。 席間 ，爸爸 都 有 講到 族譜 嘅 事 ，村長 話 本 族譜 仲 喺 度 ，一直 都 有 更新 ；但 對於 爸爸 話 想 加 我 個 名 落 去 ，村長 就 話 有 保留 。 但 佢 話 有 其他 同鄉 都 係 生 獨女 ，亦 提出 過 類似 諗 法 ，所以 佢 會 再 認真 諗 諗 ，如果 真 係 成事 就 通知 我 哋 。

我 哋 喺 嗰 度 留 咗 一 晚 ，第二 日 就 啟程 返 香港 。 直到 今日 ，爸爸 都 仲 等 緊 村長 嘅 電話 。 希望 有朝一日 ， 我 個 名 可以 出現 喺 本 族譜 度 啦 ！