新 同事

「咁多 位 同事 ，放 一 放低 手頭上 嘅 嘢 ，望 一 望 過嚟 先 。」 阿頭 無啦啦 嗌 停 晒 我哋 。

「企 我 隔籬 嘅 呢 位 ，係 我哋 嘅 新 同事 阿文 。 佢 係 新加坡 人 ，啱啱 喺 分公司 嗰邊 調 過嚟 。 噉 我 而家 交 時間 畀 佢 介紹 下 自己 。」

我 喺 一 間 報社 做 ，而 我 個 部門 負責 報導 國際 新聞 。 公司 一路 想 請 個 普通話 流利 嘅 人 嚟 幫手 處理 國際 新聞 ，估唔到 佢哋 最後 會 喺 新加坡 調 人 過嚟 。

「大家 好 ，多多 指教 ，大家 可以 嗌 我 做 阿文 ，或者 叫 返 我 英文名 Vincent ，因為 我 同 香港 人 一樣 咁 興 用 英文名 。」

我 聽 完 之後 呆 咗 ， 坐 我 側邊 嘅 Carmen 更加 忍 唔 住 講 咗 句 ： 「 你 啲 廣東話 … 好 好 啊 ！」

「哈哈 ，普普通通 啦 。」 阿文 摸摸 個 頭 ，少少 怕醜 噉 笑 。

呢個 時候 阿頭 仲要 加 把 口 ：「就 係 因為 阿文 廣東話 好 ，公司 先 會 調 佢 嚟 幫手 啊 ！ 我 而家 就 去 book 樓下 間 酒樓 ，等陣 我哋 食晏 就 飲 住 茶 歡迎 阿文 加入 ，我 請 ！」

「吓 ？ 唔使 嘅 ，邊 好 意思 啊 ！」 阿頭 拍拍 阿文 膊頭 ，講笑 噉 話 ：「公司 規矩 ，新人 就要 畀 人 請 飲茶 。」

阿頭 安排 阿文 坐 Carmen 隔籬 ，我哋 三 個 坐 同 一 行 。

「 Hello 阿文 ，我 都 係 叫 阿文 啊 ，不過 係 『卡文 』，中文名 係 嘉敏 。」

「你 好 啊 Carmen 。」

「你啲 廣東話 真係 好好 喎 ，點 學 返嚟 㗎 ？」 Carmen 係 成 個 部門 最 八卦 、最 多口 嘅 人 。

「我 啲 廣東話 一般 㗎 咋 。 而 我 點解 識 講 ，有 三 個 原因 嘅 ：一 係 大學 嗰陣 我 嚟 過 香港 交換 半 年 ；二 係 我 鄉下 其實 係 廣州 ，爺爺 嫲嫲 都 有 教 我 講 下 。」

「哦 ，唔怪得之 啦 。 噉 第 三 個 原因 呢 ？」

「三 就 係 我 好 鍾意 周星馳 嘅 戲 。」

「我 都 係 喎 ！」

「『乜 咁 啱 啊 』！ 周星馳 喺 海外 好 紅 㗎 ： 《 食神 》 啊 、 《 九品 芝麻官 》 啊 、 《 唐伯虎 》 啊 ， 呢 啲 戲 嘅 台詞 ， 我 個個 朋友 都 識 背 咁 滯 。 我 估 有 唔少 人 學 廣東話 都 真係 因為 佢 ，至少 我 女朋友 係 其中 之一 。」

「吓 …乜 你 有 女朋友 㗎 嗱 …」

「係啊 ，只係 冇 同 我 一齊 過嚟 香港 。」 我 喺 側邊 聽 到 都 覺得 尷尬 。

最初 知 公司 會 請 個 講 普通話 嘅 新 同事 嗰 陣 ， 其實 我 真 係 好 擔心 ， 因為 我 啲 普通話 講 得 真 係 好 差 好 差 ， 我 好 驚 日日 都 要 講 。 我 不停 記起 中學 畢業 旅行 同 一 班 朋友 去 上海 玩 ，我 開 親口 講 普通話 ，啲 人 好似 都 聽 唔 明 我 講 咩 噉樣 …不過 見到 阿文 嘅 廣東話 咁 叻 ，總算 鬆 一 口 氣 ，一天 都 光 晒 ！