新手 父母
二零一五 年 呢 條 𡃁仔 啱啱 出世
一 對 新手 父母 騰 晒 雞 連 奶 都 唔 識 餵
尿片 奶粉 醫療 保險 條 數 大 到 唔 識 計
佢哋 死慳死抵 ， 為 你 做 嘅 一切 一切
睇 住 你 一 日 一 日 長大 就 將 你 一 日 一 日 寵壞
個 責任 落 喺 膊頭 冇得 後悔 亦都 冇得 抵賴
由 你 擘大 眼 開始 到 你 終於 戒片 戒奶
讀書 識字 到 大學 畢業 都 係 一 身 兒女 債
二零一六 年 呢 條 𡃁仔 啱啱 一 歲
睇 佢 由 爬 下 爬 下 到 扶 住 梳化 起身 放膽 行 出去
行 前 兩 步 就 會 坐 低 牙牙學語 一 句 一 句
無論 幾 難 都 要 堅持 學習 因為 不進則退
二零一七 年 你 兩 歲 幾 要 準備 入 幼兒班
成 個 區 要 周圍 遞表 話之 佢 有 幾多 間
身水身汗 逐 間 面試 總之 阿仔 要 有得 返
唔 理 上 下午 班 你 返學 我 先 偷得浮生半日閒
二零一八 年 你 讀 K1 開始 識 到 朋友仔
每 日 放學 聽 到 你 同 邊個 同學 一齊 傾 下 計
邊個 同學 有啲 曳 ， 邊個 坐 唔 定 喺 位
邊個 上堂 賴尿 拎 返 屋企 邊個 同 佢 洗
二零一九 年 你 升 K 2 本來 都 係 開心 嘅
突如其來 一 個 新冠 肺炎 香港 瀨 咗 嘢
搶 油 搶 米 搶 鹽 搶 口罩 冇 就 要 問 人 借
憂柴憂米 憂 自己 家人 接觸 帶病者
二零二零 年 嘅 K3 可以 話 係 冇 返 一半 學
停工 停課 火車 遊輪 飛機 唔畀 起飛 與 降落
一 個 疫情 影響 全 世界 呢 鋪 真係 夠 大鑊
我哋 小市民 仲要 驚 住 失業 加倍 咁 頻撲
二零二一 年 你 升 小學 希望 疫情 有 好轉
你 問 我 點解 身邊 咁 多 同學 移民 移 到 咁 鬼 遠
嚟緊 嘅 日子 點樣 過 ， 將來 應該 點 打算
我 話 傻豬 唔使 驚 ， 無論如何 ， 爸爸 都 會 畀 到 你 温暖
