望夫石
我 呢個 學期 參加 咗 大學 一 個 同 留學生 做 朋友 嘅 計劃 ， 負責 帶 佢哋 遊覽 香港 同埋 認識 香港 文化 。 我 嗰 組 有 個 美國 人 竟然 想 我 遲啲 帶 佢哋 去 睇 「 A mah R ock 」 。 唔 知 邊度 嚟 ？ 我 都 唔 知 啊 ！ 聽到 嗰 下 真係 呆 咗 ， 唔 識 畀 反應 ， 心諗 ： 乜嘢 「 阿媽石 」 啊 ？ 到 我 G oogle 完 先 知 ： 原來 「 阿媽石 」 即係 望夫石 。
望夫石 係 喺 沙田 獅子山 郊野 公園 入面 ， 近 大圍 嗰邊 。 要 去 嘅話 ， Google 話 可以 首先 搭 火車 去 大圍 ， 再 轉 巴士 入 郊野 公園 ； 又 或者 喺 大圍 落車 之後 直接 行 去 公園 ， 大概 行 半 個 鐘 。 到 咗 公園 入口 ， 就 可以 跟住 啲 指示牌 行 上去 睇 望夫石 —— 嗱 ， 戴 返 頭盔 先 ， 係 Google 教 㗎 咋 。
望夫石 其實 就 係 一 嚿 好 大 嘅 石頭 ， 然後 形狀 睇落 好似 一 個 孭 住 BB 嘅 媽媽 ， 所以 英文 就 叫 佢 做 「 阿媽石 」 。 而 廣東話 之所以 會 叫 佢 做 「 望夫石 」 ， 就 同 一 個 傳說 有關 ： 相傳 好 耐 好耐 以前 ， 有 一 家 三 口 住 喺 沙田 ； 當時 嘅 香港 人 大多數 仲 係 漁民 。 有 一 日 ， 爸爸 出海 捕魚 之後 就 冇 再 返 屋企 ， 瀨 低 咗 媽媽 同 佢哋 啱啱 出世 嘅 仔 。 媽媽 好 擔心 自己 老公 嘅 安危 ， 於是 每 日 都 孭 住 囝囝 上 獅子山 望 海 ， 盼望 老公 安全 返嚟 。
可惜 爸爸 原來 真係 遇上 風暴 ， 葬身 大海 ； 但係 媽媽 唔 知道 ， 繼續 日日 孭 囝囝 上山 等 老公 。 結果 媽媽 嘅 恆心 感動 咗 天后 ， 於是 天后 將 佢哋 兩 母子 嘅 靈魂 帶 咗 去 爸爸 身邊 ， 等 佢哋 一家團聚 。 而 兩 母子 嘅 身體 就 變 咗 做 石頭 ， 永遠 留 喺 獅子山 上面 。 從此 ， 呢 嚿 石 就 叫做 「 望夫石 」 ： 盼 「 望 」 老公 （ 即係 「 夫 」 ） 返嚟 嘅 「 石 」 頭 。 當然 ， 呢個 只 係 傳說 ， 係 假 嘅 ， 如果 唔係 嘅話 ， 我 會 覺得 個 仔 好 慘 囉 ， 出世 冇耐 就 死 咗 ……
點 都 好 啦 ， 搞掂 ！ 揾 咗 路線 ， 知道 點 去 ， 又 揾 埋 個 名 嘅 來源 ， 可以 講 下 故仔 。 跟住 要 諗 嘅 就 係 去到 有 咩 做 …… 大佬 啊 ！ 望夫石 真係 一 嚿 石 嚟 㗎 咋 ， 除咗 同 佢 影相 ， 真係 冇 嘢 好 做 呀 ！ 都 仲 可以 喺 山上 俯瞰 埋 沙田 嘅 景色 嘅 …… 希望 班 美國 學生 上 到 去 之後 唔會 失望 啦 。 不過 會 揀 正 喺 香港 又 濕 又 焗 嘅 五月 嚟 行山 ， 而 唔係 等到 十月 秋高氣爽 嘅 日子 先 去 ， 我 驚 我哋 會 頂唔順 ， 中暑 啊 ......
