塞車
我 住 屯門 ， 不過 唔 近 西鐵站 ， 而係 喺 碼頭 嗰邊 。 屯門 對 我 嚟講 算 係 幾 方便 ， 設施 齊全 ， 有 幾 個 大型 商場 畀 人 行街 買嘢 之餘 ， 仲 有 唔少 公園 同 遊樂場 ， 啱 晒 一家大細 。 呢度 仲 有 好多 單車徑 ， 我 有時 都 會 沿住 屯門河 踩 單車 。 行 遠 少少 又 有 海灘 同 郊野 公園 ， 可以 約 埋 一 班 朋友 去 游水 行山 。 前排 仲 有 套 戲 係 用 屯門 做 背景 ， 拍 到 我 屋企 周圍 嘅 風景 好 靚 —— 其實 我 都 幾 鍾意 屯門 。
話說 我 啱啱 開始 喺 一 間 廣告 公司 做 平面 設計師 ， 平時 主要 喺 辦公室 畫 圖 ， 不過 間唔中 都 要 陪 老細 見客 ， 聽 對方 意見 。 雖然 有 少少 忙 ， 但係 我 幾 享受 我 做 緊 嘅 呢啲 嘢 ， 而且 我 嘅 人工 都 唔錯 。 只不過 有 樣 嘢 我 唔係 咁 滿意 ， 甚至 係 討厭 ： 就係 要 喺 觀塘 返工 。
觀塘 啲 馬路 設計 得 好 鬼 差 ， 搞 到 成日 塞車 。 而且 呢度 有 太 多 工廠 ， 街 上面 長期 有 大量 貨車 出入 唔同 大廈 ， 結果 啲 路 更加 塞 。 噉 當然 ， 觀塘 出名 交通 唔 好 ， 所以 我 揾 呢 份 工 嗰陣 都 有 晒 心理 準備 ， 預 咗 要 每 日 塞車 。 之但係 ， 我 未 到 正式 返工 嗰 日 都 估唔 到 ， 阻 住 我 返工 嘅 仲 有 屯門 公路 ！
我 讀 嘅 小學 、 中學 都 係 喺 屋企 附近 ， 行路 就 到 ； 之後 我 讀 中文 大學 ， 返學 我 會 搭 小巴 到 上水 再 轉 火車 ， 所以 一直 唔使 點樣 用到 屯門 公路 。 就算 有時 搭 巴士 出 九龍 經過 ， 我 都 唔 覺得 有 咩 特別 。 但 當 開始 返工 ， 日日 搭 巴士 要 行 屯門 公路 之後 ， 我 先 發覺 呢度 成日 有 交通 意外 ！ 雖然 多數 都 只係 小 case ， 但係 每 次 都 會 搞 到 條 路 大塞車 。
結果 我 每 日 來回 屯門 同 觀塘 ， 平均 都 要 用 三四 個 鐘 嚟 搭車 ， 仲要 大部分 時間 係 嘥 咗 嚟 塞車 ， 真係 搞 到 個 人 好 忟憎 。 我 要 準時 七點鐘 出 門口 ， 坐 七點二 嗰 班 巴士 ， 先 有 信心 趕得切 九點鐘 返 到 公司 。 雖然 未必 日日 塞車 —— 順利 嘅話 ， 其實 八點四 就 會 到 觀塘 ， 仲有 少少 時間 畀 我 食 早餐 —— 但係 我 都 係 唔 敢 遲 過 七點鐘 出 門口 。
尋日 放工 搭 巴士 ， 又 塞 喇 ， 仲要 係 最 壞 情況 ： 觀塘 塞 完 到 屯門 塞 。 成 程 車 耐 到
我 喺 巴士 瞓 醒 兩 次 ， 都 未 落 得 車 。 「 救命 啊 ！ 塞 到 人 都 癲 喇 ！ 」 我 忍唔住 post 咗 個 story 上 I nstagram 。 冇 幾耐 就 有 同事 覆 我 ： 「 點解 唔 搭 地鐵 ？ 」 佢 住 北角 ， 我 忍 住 唔怪 佢 ： 「 我 住 得 唔近 西鐵站 ， 轉 兩 次 車 有啲 麻煩 …… 」
但 最 難 忍 嘅 係 ， 忽然 有 另 一 個 friend 喺 I nstagramtag 我 ： 「 見 字 記得 飲水 ！ 」 大佬 ， 我 急 緊 尿 吖 嘛 ！ 最後 ， 我 一 落車 就 衝 咗 入 巴士站 公廁 ， 好彩 冇事 —— 我 決定 以後 放工 前 都 唔會 再 飲 咁 多 水 ！
