叮叮
「上 唔 到 咪 等 下 一班 囉 ，『叮叮 』係 咁 慢 㗎 啦——」
「一早 講 咗 搭 巴士 ，你 又 係 都 要 坐 電車。」
「我 哋 又 唔 係 趕時間 ，咁 急 做 咩 啫。」
其實 佢 噉 講 又 冇 錯 嘅 ，電車 本身 就 好慢 ，如果 趕時間 我 哋 一早 坐 咗 巴士 啦……
叮 ──叮──
我 哋 由 鰂 魚 涌 出發 ，一直 坐 到 去 西 營盤。 阿莎 又 好似 平時 噉 上去 上層 坐 車尾 個位。 電車 冇 窗 ，啲 風 係 噉 由 外面 吹入 嚟 ，撞 正 夏天 ，啲 風 係 熱 嘅 ，而且 我 成日 覺得 電車 入面 有 浸 罨 味 ，但 又講 唔 出 具體 係 咩 味。 呢 架 老 嘢 真 係 好慢 ，我 哋 放工 已經 六點 幾 ，由 公司 行到 電車站 已經 熱到 我 成件 恤衫 濕晒。 望住 窗外 一架 一架 巴士 喺 身邊 駛過 ，我 開始 燥燥 地。
「喂 ，嚟 吖 ，我 幫 你 影張 相。」 阿莎 走 咗 去 我 對面 坐低 ，然後 拎 起 菲林 相機 對 住 我。
「又影 呀？ 你 啲 技術 得 唔 得 㗎……」
「畀 啲 反應 先 啦 你 ，你 啲 動作 好 遲鈍 呀。」
「配合 返架 電車 啫。」
咔嚓──
其實 我 一直 都 唔 知 佢 影 成 點 ，因 為 佢 影 咁 耐 相 ，一張 都 冇 俾 我 睇 過。 每次 問 佢 拎 返 嚟 睇 ，佢 都 話 未 拎 去 曬。 不過 睇 佢 揸 機 個 動作 就 知 唔 會 影得靚 ——佢 連 自己 隻 手指 入 咗 鏡 都 唔 知。
影完 我 之後 ，阿莎 又 好 快轉 返身 ，對住 條街 亂影 一通。 我 由 細到 大都 好憎 坐 電車 ，不過 阿莎 就 好 鍾 意。 我 哋 都 係 住 西 營盤 ，以前 基本上 日日 都 坐 電車 返學 ，就算 就 嚟 遲到 都 好 ，阿莎 都 要 坐 電車 ，佢 對 電車 有種 奇怪 嘅 執著。
「你 唔 覺得 電車 係 香港 嘅 清泉 嚟 嘅 咩？ 個個 做 乜 都 趕住 去 投胎 噉 ，係 得 佢 堅持 慢慢 行 ，細細 欣賞 身邊 嘅 事物。」
「係 呀 係 呀 ，就連 啲 阿伯 都 係 香港 嘅 清泉 添。 今日 實 遲到 喇 ，我 哋 留堂 班 見 啦 八婆。」
出 嚟 做 嘢 之後 ，咁 啱 我 哋 又 係 喺 鰂 魚 涌 返工 ，於是 又 變返 中學 嗰 陣 噉 成日 一齊 坐車 ，只不過 今 次 唔 係 返學 ，而 係 放工。 諗 落 原來 我 哋 由 小學 開始 ，計計 埋 埋 都 識 咗 十幾年 ，周圍 嘅 人 都 以 為 我 哋 拍 緊 拖 ，但 其實 我 哋 只 係 住 得 近 ，加上 我 阿媽 又 係 阿莎 阿媽 啲 雀友 ，我 哋 先 成日 一齊。
叮 ──叮──
電車 終於 到 站 ，呢 段時間 嘅 西 營盤 好多 人 ，成條 街 都 好 逼。 落車 之後 ，阿莎伸 咗 隻 食 指出 嚟 對 住 我 ——呢 個 係 我 哋 細 個 嗰 陣 嘅 慣性 動作 ，因為 阿莎 小學 嗰 陣 好 細粒 ，試 過 喺 條 街 度 逼 逼 下 唔 見 咗 人 ，返到 屋企 之後 我 俾 阿媽 鬧到 痴線 ，話 我 做 咩 唔 睇 住 佢。 於是 後來 就 出現 咗 呢 個 拉 食指 嘅 動作 ，以防 佢 走失。
我望 咗 望 ，冇 畀 反應。
「喂 ，唔 好 咁 遲鈍 得 唔 得？ 」阿莎 長嘆 一口氣。
「仲細 呀？ 」我 表示 嫌棄。
「唔 拉 就算。」 阿莎好 快收 返起 隻 手。
而家 諗 返起 ，自從 中學 之後 我 哋 就 再 冇 噉 做。 最令 我 後悔 嘅 係 ，當時 嘅 我 冇 意識 到 ，原來 嗰 日 係 我 最後 一次 機會 可以 拉 住 佢 隻 手。 幾年 之後 ，我 收到 阿 莎 喺 英國 寄返 嚟 嘅 信 ，係 之前 影 落 嘅 菲林 相 ——同 我 預期 嘅 一樣 ，全部 out 晒 fo，而且 每張 都 影 到 佢 隻 手指。 同埋 可能 因為 少 咗 隻 腳 ，我 阿媽 呢 幾年 打少 咗 麻雀 ；我 放工 之後 都 冇 再 搭過 電車 返 屋企 ——因為 「叮叮 」真 係 好慢 ，而 時間 係 快 到 唔 等 人 㗎……
