小雲 同 小吉

小雲 同 小吉 係 一對 好 朋友 。 小雲 係 一個 好 要面 嘅 女仔 ，而 小吉 就 內向 啲 ，佢 好 鍾意 跟住 小雲 ，小雲 做 咩 ，小吉 都 會 跟住 做 。

今日 ，小吉 嚟 小雲 屋企 ，小雲 一 開 門 就 聽到 小吉 笑到 見牙 唔 見 眼 噉 話 ：「聽日 係 母親節 ，你 睇 下 我 準備 咗 咩 禮物 畀 媽媽 ？」

正當 小 雲 都 想 拎 佢 份 禮物 出 嚟 嗰 陣 ， 小吉 拎 咗 一 條 頸巾 出 嚟 。

小吉 笑住 問 ：「係咪 好 靚 呀 ？ 係 我 自己 織 㗎 ！」

小雲 即刻 收 返埋 自己 份 禮物 ，心入面 有啲 驚訝 ：又 真係 幾 靚 喎 ！

小雲 就 攬住 個 肚 笑 小吉 ：「哈 ！ 笑 死 我 喇 ，仲 衰 過 街邊 嘢 ，噉 嘅 嘢 送 畀 我 都 唔 要 啦 ！」

小吉 忍 唔 住 大聲 話 ：「使 唔 使 噉 講嘢 呀 ？ 嬲 死 你 呀 ！」 跟住 就 好 嬲 噉 走 咗 。

留低 小雲 一 個 人 喺 屋 入面 。

第二 日 ，小雲 起身 返學 ，行 到 一半 ，發覺 唔 記得 拎 手錶 ，即刻 跑 返去 拎 ，仲 因為 噉 而 遲到 。

返 到 學校 ，小吉 一 見到 小 雲 就 擰 歪 面 。 小雲 心諗 ：我 就 睇 你 一陣 會唔會 嚟 揾 我 食飯 。

終於 食飯 喇 ，但係 小吉 揾 咗 其他 同學 一齊 食 。

小雲 望 住 隻 手錶 ，有啲 眼濕濕 ：「你 有 八 個 鐘 冇 同 我 講嘢 喇 ！ 仲要 嬲 到 幾時 啊 ？」

放學 喇 ，小雲 期待 小吉 揾 佢 一齊 返 屋企 嘅 畫面 都 係 冇 出現 。 小雲 一 個 人 返到 屋企 ，睇住 隻 手錶 ，好 冇 心機 ：「唉 ！ 又 話 過 嚟 一齊 玩 嘅 ？ 我哋 有 12 個 鐘 冇 傾偈 喇 ！」

過 咗 一陣 ，小雲 開始 諗 ：「我 係咪 過份 咗 呢 ？ 係咪 應該 道歉 ？ 面子 真係 咁 緊要 咩 ？」

呢個 時候 ，小雲 突然 諗起 啲 嘢 ！ 佢 即刻 揾 咗 條 木梯 想 出去 ，但係 唔 夠 力 拎 。 咁 啱 佢 細佬 喺 後面 ，佢 就 叫 細佬 ：「細佬 ，過 嚟 幫 家姐 搬 條 梯 出去 ，返 嚟 請 你 食 蛋糕 ！」

細佬 流晒 口水 話 ：「 收到 ！」

細佬 問 ：「家姐 ，我哋 要 去 邊 呀 ？」

小雲 話 ：「如果 冇 估 錯 ，佢 一定 係 去 咗 嗰度 ！ 跟 我 嚟 ！」

佢哋 嚟到 一 個 公園 ，見到 小吉 坐 咗 喺 樹 上面 。

小雲 記得 佢哋 次次 有 咩 唔 開心 都 會 嚟 呢度 。

小雲 喺 樹 下面 叫 咗 小吉 幾 次 ，小吉 都 冇 理 佢 。

小雲 決定 先 爬上 隔籬 棵 樹 。 佢 爬 嗰時 有 一 下 差啲 甩手 ，小吉 見 到 好 緊張 ，好彩 有 小雲 細佬 喺 後面 捉住 佢 至 冇事 。

終於 嚟到 樹 上面 ，小雲 同 細佬 將 條 梯 嘅 另 一 邊 擺 去 小吉 嗰度 。

小 雲 大叫 ： 「 小吉 ， 我 有 嘢 想 同 你 講 ， 你 等 我 ， 我 依家 行 過 嚟 …… 」

小吉 即刻 話 ：「傻 嘅 咩 ！ 唔好 呀 ！」

但係 小雲 已經 慢慢 行 緊 過去 喇 ！

有 驚 無 險 ，小雲 終於 同 小吉 坐 返 埋 一齊 喇 ！

小吉 唔知 好 嬲 定 笑 好 ：「你 係咪 傻 㗎 ！」

小雲 話 ：「我 知 你 一定 會 捉 實 條 梯 嘅 ！ 同埋 琴日 對 唔 住 呀 ……其實 你 條 頸巾 好 靚 ，不過 因為 ……」

未 等 佢 講 完 ，小吉 突然 問 ：「咦 ！ 你 戴 緊 嗰 隻 ……」

小 雲 畀 咗 佢 隻 手錶 小吉 睇 ，小吉 有 啲 感動 ：「估 唔 到 你 仲 戴 住 我 幾 年 前 送 畀 你 嘅 手錶 ……」

「錶 上面 有 嚿 『雲 』，更 重要 嘅 係 ，入面 有 我 同 你 嘅 合照 呀 嘛 ……」

小雲 同 小吉 就 係 噉 你 一 句 我 一 句 ，和好 返 喇 ！