唔 再 驚 蜜蜂

「 嗡 嗡 嗡 嗡 嗡 嗡 」 係 咩 聲 嚟 呢 ？

希希 開 眼 ，望 一 望 ，佢 見到 黃色 、黑色 、間條 、六 隻 腳 。

「啊 ！ 蜜蜂 啊 ！ 好 驚 啊 ！」

蜜蜂 先生 問 ：「希希 唔好驚 ，不如 你 同 我 一齊 飛 吖 ？」

希希 諗 ：「飛 ？ 我 又 唔 識 飛 。」

「你 望 吓 自己 ？」

希希 望望 自己 ，佢 見 到 黃色 、黑色 、間條 、六 隻 腳 。

「啊 ！ 我 係 隻 蜜蜂 啊 ！」

「跟住 我 ！」 蜜蜂 先生 同 希希 一齊 飛 到 去 公園 度 。

去 到 公園 ，唔 係 玩 ，而 係 去 同 啲 花 講 早晨 。

「早晨 花花 。」 「早晨 花花 。」 「早晨 花花 。」

去 完 一 度 ，又 一 度 ，又 一 度 。 有時 蜜蜂 先生 仲 會 錫 啲 花 。

「蜜蜂 先生 ，你 腳 上面 黃色 一 點 一 點 嗰 啲 係 咩 嚟 㗎 ？」

蜜蜂 先生 答 ：「呢啲 係 花粉 。」

「花粉 有 咩 用 㗎 ？」

「我哋 拎住 啲 花粉 去 其他 花 ，佢哋 先 會 生 啲 果實 出 嚟 ，然後 果實 又 會 生 啲 花 出 嚟 。」

「果實 ？ 即係 蘋果 都 要 ？」

「係呀 ，好多 食物 都 要 㗎 。」

「噉 如果 冇 晒 蜜蜂 係 咪 會 冇 晒 食物 㗎 ？」

「係 呀 。 冇 蜜蜂 就 會 冇 晒 植物 ，又 會 冇 晒 食物 㗎 喇 。」

希希 同 蜜蜂 先生 一齊 飛 返 屋企 ，見 到 好多 小朋友 。 啲 小朋友 變 到 好 大 好 大 。

呢啲 咁 大 嘅 小朋友 見到 黃色 、黑色 、間條 、六隻 腳 嘅 希希 同 蜜蜂 先生 。

佢 哋 即刻 大 嗌 ：「啊 ！ 蜜蜂 啊 ！」

有 幾 個 小朋友 追 住 佢 哋 跑 ，想 打 佢 哋 。

蜜蜂 先生 同 希希 一齊 飛 高 ，避開 咗 啲 小朋友 。

「頭先 佢 哋 再 追 近 啲 ，我 就 會 用 條 尾 支 針 㗎 喇 。 我哋 只 可以 用 一 次 。」

「我 知道 ，老師 都 有 講過 ，蜜蜂 有 支 針 ，所以 我 本來 先 咁 驚 你 。 點解 淨 係 可以 用 一 次 嘅 ？」

「 如果 小朋友 追 我 哋 ， 我 哋 好 驚 先 會 針 人 ， 因為 針 到 人 之後 我 哋 會 死 。 」

「哦 ...如果 啲 小朋友 好 驚 你 針 佢 哋 ，可以 點 做 好 ？」

「佢 哋 可以 企 喺 度 唔 郁 ，慢慢 等 我 哋 飛 走 。 噉 就 得 㗎 喇 。」

飛 到 返 屋企 ，蜜蜂 先生 同 希希 講 拜拜 。

希希 望望 自己 ， 黃色 、 黑色 、 兩 隻 手 、 兩 隻 腳 。

希希 同 自己 講 ，之後 都 會 好 多謝 蜜蜂 ，唔 會 再 驚 蜜蜂 喇 。