我哋 大個 喇

阿風 同 屋企人 搬 咗 嚟 香港 住 都 有 六 年 喇 ，慢慢 佢哋 都 開始 融入 香港 嘅 一啲 文化 ，特別 係 食 團年飯 ！

年年 嘅 年三十晚 ，阿風 媽媽 都 會 請 十 幾 個 親戚 嚟 屋企 一齊 食 團年飯 ，而 準備 嘅 次次 都 係 媽媽 。 阿風 都 想 幫手 㗎 ，但 媽媽 都 會 笑 住 同 佢 講 ：「你 仲 細 ，等 你 大個 啲 先 啦 ！」

今年 嘅 年三十 又 到 喇 ！ 阿風 約 咗 朋友 晏晝 去 打波 。

但 佢 同 細妹 起 咗 身 好 耐 ，媽媽 都 仲未 起身 。 細妹 覺得 有啲 唔對路 ，就 去 摸 下 媽媽 個 頭 ，有啲 㷫 。 佢 即刻 話 畀 阿風 知 ，阿風 見 媽媽 咁 唔 舒服 ，決定 今日 留 喺 屋企 。

佢 打 電話 畀 隊長 ：「喂 ，阿魚 啊 ，我 想 講 ……」

「阿風 ！ 咁啱 我 都 想 打畀 你 ，今日 場 比賽 我哋 一定 要 贏 ！ 到時 你 記得 mark 住 …… 」

「 唔 係 呀 ， 阿魚 ， 唔 好意思 呀 ！ 其實 我 想 講 我 屋企 突然 有啲 事 ，今日 嚟 唔到 比賽 呀 ……」

阿魚 先係 呆 咗 下 ，然後 好 嬲 噉 話 ：「吓 ，你 依家 先 嚟 講 ？ 我哋 之前 仲 練 咗 咁 耐 ……」

阿風 終於 話 ：「我 媽媽 病咗 。」

「哦 ……噉 冇 辦法 啦 ，你 照顧 好 伯母 ……波 幾時 都 有得 打 ，但 媽媽 就 淨係 得 一 個 ……」跟住 佢哋 就 收咗線 。

其實 阿風 比 任何 人 都 想 去 比賽 ……

阿風 望 一 望 細妹 ，有 少少 苦笑 噉 講 ：「呢 次 到 我哋 幫手 準備 今晚 嘅 團年飯 喇 ！」

阿風 開 雪櫃 ，見到 媽媽 已經 一早 準備 好 晒 食材 ，心都定啲 。

但 阿風 見到 一 個個 大大小小 嘅 煲 就 嚇 咗 一 跳 ：咁 多 個 煲 ，係咪 各 有 唔同 用法 㗎 ？

佢 望 一 望 床上 嘅 媽媽 ，細細聲 同 自己 打氣 ：「唔理 喇 ！ 由細到大 睇 媽媽 整 過 咁多 次 ，你 一定 做 到 嘅 ，阿風 ！」

揀 咗 啲 啱 用 嘅 煲 之後 ，依家 要 處理 食材 。 細妹 寫低 食材 同 份量 ，阿風 就 跟住 放 落 煲 ……

過 咗 幾 個 鐘 ，突然 ，房 入面 傳出 媽媽 嘅 叫聲 ：「死 喇 ！ 我 仲未 整 團年飯 呀 ！」

「叮噹 、叮噹 ！」 媽媽 聽到 門鐘 聲 ，就 即刻 起身 去 開門 ，門 外面 已經 嚟 咗 好多 親戚 喇 ！ 媽媽 唯有 坦白 話 ：「唔好意思 呀 ！ 我 仲未 ……」

「好 香 呀 ！ 辛苦 你 準備 咁多 嘢 食 喇 ！」 啲 親戚 聞 得 飯香 嚟 ，都 唔 理得 媽媽 想 講 咩 喇 ！

媽媽 見到 阿風 同 細妹 煮 嘅 飯 ，即刻 跑 過去 攬住 佢哋 ，同 親戚 講 ：「辛苦 我 兩

個 仔女 先 啱 ，呢 餐 係 佢哋 整 㗎 ！」

阿風 有啲 唔好意思 ，細細聲 話 ：「唔辛苦 ，我哋 大個仔 大個女 喇 嘛 ！」

阿風 突然 覺得 ，幫 到 媽媽 手 嘅話 ，打 少 一 場 波 ，其實 都 冇 咩 嘢 吖 ！