我 愛 睇 書 ！

「 阿欣 ， 夠鐘 沖涼 喇 ！」

「 阿欣 ， 快 啲 食飯 ！」

「 阿欣 ， 再 唔 返學 就 趕唔切 喇 ！」

「 阿欣 ， 巴士 到 咗 喇 ！」

「 阿欣 ， 做 晒 功課 未 啊 ？」

阿欣 成日 都 唔 應 媽媽 ， 呢 次 都 一樣 。 媽媽 行出 廳 ， 淨 係 見到 阿欣 嘅 功課 放 咗 喺 枱 ， 佢 自己 就 唔 見 人 。

「 阿欣 去 咗 邊度 呢 ？」

媽媽 心入面 問 。 不過 ， 諗 諗 下 ， 媽媽 估 到 阿欣 去 咗 邊 喇 ……

媽媽 入去 阿欣 間 房 ， 果然 見到 佢 又 喺 床上 睇 書 。 阿欣 之前 成日 都 匿 喺 床上 睇 書 ， 所以 呢 次 一定 又 係 睇 書 睇 到 唔 記得 做 功課 啦 ！

阿欣 最 鍾 意 睇 書 ， 每 日 都 不斷 睇 書 。 喺 屋企 、 學校 、 公園 都 會 不停 睇 書 。 每 次 睇 書 嘅 時候 ， 佢 都 會 好 專心 ， 聽 唔 到 媽媽 叫 佢 。 阿欣 睇 完 一 本 又 一 本 ， 佢 希望 睇 晒 世界 上 所有 嘅 書 ！

之前 ， 有 同學 問 阿欣 點解 咁 鍾 意 睇 書 ？ 打機 仲 好 啦 ！

阿欣 話 因為 睇 書 好 開心 ！ 睇 書 可以 睇 到 好多 好靚 嘅 公仔 ， 又 可以 學到 好多 字 。 啲 字 有 好多 唔 同 意思 ， 唔 同 字 又 會 組成 唔 同 句子 ， 而 句子 組成 嘅 故事 就 係 書 ！ 睇 書 可以 睇 到 好多 故事 ， 好似 去 咗 另 一 個 世界 噉 ！

不過 有 一 日 ， 阿欣 終於 發現 一 個 睇 書 大 問題 —— 就 係 學校 圖書館 入面 所有 嘅 書 ， 都 已經 俾 佢 睇 晒 喇 ！ 佢 好 想 再 睇 多 啲 書 ， 佢 係 噉 揾 、 係 噉 揾 ， 想 睇 下 仲 有 冇 書 係 佢 未 睇 嘅 ……

揾 嚟 揾 去 ， 佢 都 唔 見 有 新書 。 阿欣 好 唔 開心 ， 忍 唔 住 喊 咗 出 嚟 。

喊 喊 下 ， 佢 岳高 頭 ， 突然 發現 書櫃 最 上 幾 層 仲 有 好多 書 ！ 啲 書 全部 都 放 得 好 高 ， 所以 佢 之前 都 冇 為意 到 。 嗰 度 啲 書 都 係 佢 未 睇 過 嘅 ， 佢 即刻 開心 返 晒 ！

但 而家 問題 係 佢 唔 夠 高 拎 嗰 度 啲 書 。 阿欣 諗 ： 我 要 點 先 可以 拎 到 上面 啲 書 呢 ？

喺 呢 個 時候 ， 阿欣 見到 阿明 同 阿文 入 咗 圖書館 。 佢 諗 起 以前 同 媽媽 玩 騎膊 馬 ， 就 即刻 叫 佢 哋 嚟 幫手 ！ 阿文 抱 起 阿明 ， 阿明 抱 起 阿欣 ， 一 個 抱 一 個 噉 ， 阿欣 就 嚟 拎 到 上面 啲 書 喇 ……

「 哎 吔 ！」 阿文 好 快 就 冇 力 抬 佢 哋 ， 佢 同 阿明 都 跌 咗 落 地 ！ 好彩 阿欣 及時 捉住 書櫃 邊 ， 冇 跌 到 落 去 ， 但 都 仲 係 好 驚險 ！

「 小心 啊 ！」 突然 ， 好 高 好 高 嘅 高 老師 出現 ， 佢 捉住 阿欣 ， 將 佢 放返 落 地 。

「 你 冇 事 吖 嘛 ？ 你 頭先 做 咩 上 到 咁 高 啊 ？」 高 老師 問 阿欣 。

阿欣 指 住 上面 啲 書 ， 話 好 想 拎 嗰 啲 書 睇 。

然後 ， 高 老師 二話不說 就 又 抱 起 阿欣 ， 阿欣 好 開心 噉 拎 咗 好多 書 落 嚟 。

之後 ， 阿欣 滿 手 係 書 噉 問 高 老師 點解 可以 生 得 咁 高 。

高 老師 話 佢 以前 都 唔 高 ， 係 後尾 佢 食 多 咗 飯 ， 飲 多 咗 水 ， 做 多 咗 運動 ， 先 變 到 而家 咁 高 咋 ！

不過 阿欣 好似 冇 聽 到 高 老師 講 嘢 ， 因為 佢 又 開始 好 專心 噉 睇 書 喇 ！