數學 ？難 我 唔 到 啦 ！

家姐 好 專心 噉 做緊 功課 。

突然 ，門 「碰 」一 聲 打開 ！

「家姐 ，好 悶 呀 ！ 我 唔做 功課 喇 ，數學 都 冇用 嘅 ，我 想 出去 玩 呀 ！」 阿佑 大 發脾氣 。

「唔可以 唔做 功課 㗎 ！ 而且 數學 其實 好 有用 ，到 你 大個 就 會 明 㗎 喇 。」

阿佑 見 家姐 個 樣 咁 認真 ，有啲 心虛 ：「噉 ……真係 冇用 吖 嘛 。」

「你 覺得 冇用 嘅話 ，不如 我 同 你 比賽 ，如果 你 贏咗 我 ，你 今日 就 唔使 做 功課 啦 ！」 家姐 笑 住 同 阿佑 講 。

「嗱 ！ 你 講 㗎 ，唔 可以 講大話 。」 阿佑 精神 即刻 返 晒 嚟 ！

家姐 同 阿佑 去 咗 公園 。

「阿佑 ，我哋 一路 行 ，一路 揾 下 有 直角 嘅 嘢 ，最快 揾到 三 個 就 當 贏 。」 家姐 笑 住 話 。

阿佑 搖 晒 頭 ，唔 明 家姐 講 嘅 直角 係 咩 。

「嗱 ，即係 好似 『 L 』字 噉 呀 ！ 你 望 下 架 車 後面 個 『 L 』字 。」 家姐 講 。

「哦 ，簡單 啦 ！ 尋日 老師 好似 有 講過 ，我 一定 會 揾得 多過 你 ！」 阿佑 講 完 就 即刻 唔見 影 。

「唉 ，呢個 阿佑 吖 ！」 家姐 有啲 無奈 。

佢哋 嚟到 教堂 。

家姐 正 想 指 住 上面 個 十字架 ，諗 諗 下 都 係 放低 手 。

阿佑 即刻 指 住 教堂 個 十字架 ，大叫 ：「揾 到 喇 ！ 係 直角 呀 ！ 一 比 零 ！」

「咦 ！ 係喎 ，噉 都 俾 你 揾到 先 。」 家姐 笑 住 話 。

阿佑 心諗 ：贏 咗 就 唔使 做 功課 喇 ！

阿佑 繼續 跑 ， 邊 跑 邊 指 住 啲 燈柱 ： 「 又 有 喇 ！ 二 比 零 ！」

家姐 話 ：「好啦 ！ 噉 你 都 見到 嘅 ？」

阿佑 心諗 ：二 比 零 喇 ！ 呢個 比賽 好似 都 幾 好玩 喎 ！

佢哋 跑 到 一 個 沙灘 。

家姐 指 住 張 沙灘櫈 話 ：「我 都 揾 到 喇 ！」

阿佑 笑 住 話 ：「嗰啲 都 唔係 直角 嚟 嘅 ，老師 話 呢啲 叫 『鈍角 』！」

「咦 ，係 叻 喎 ，鈍角 你 都 識 ，呃唔到 你 添 ！」 家姐 覺得 有啲 欣慰 。

阿佑 心諗 ：好彩 尋日 有 聽 到 老師 講 ，原來 唔同 嘢 真係 有 唔同 角度 㗎 喎 ！

跟住 佢哋 跑 咗 去 球場 。

家姐 即刻 指 住 個 球網 話 ：「呢 次 到 我 揾 到 喇 ！ 二 比 一 ！」

「唓 ！ 呢 次 你 好彩 啫 ……」

阿佑 心諗 ：下次 一定 係 我 先 ！

玩 咗 半 日 ，太陽 開始 落山 。

家姐 望 住 鐘樓 想 知 依家 幾點 ，突然 發現 啲 嘢 ，就 指 住 個 鐘 ，笑 住 同 阿佑 講 ：「我 又 揾 到 喇 ！ 依家 六點 十五 分 ，啱啱好 一 個 直角 ！ 二 比 二 喇 。」

阿佑 望 住 個 鐘 ，兩 眼 發光 話 ：「係 喎 ，啱先 六點 嗰陣 仲未 係 直角 ，依家 就 變 咗 直角 ，好 神奇 ！」

阿佑 心諗 ：原來 唔同 時間 ，啲 嘢 都 會 出現 唔同 角度 㗎 喎 ！

返到屋企 ，兩 個 人 拎 咗 啲 切好 嘅 蛋糕 出嚟 食 。

阿佑 一 見到 就 好 興奮 ：「家姐 ，連 啲 蛋糕 都 有 直角 呀 ！」

「係 喎 ！」 家姐 邊 食 邊 講 ：「睇嚟 你 真係 好 想 贏 場 比賽 噉 喎 ……」

「家姐 ，我 食完 喇 ！ 我 去 做 數學 功課 先 ！」 阿佑 講 完 就 跑 咗 入 房 。

望住 阿佑 嘅 背影 ，家姐 忍唔住 笑咗 ……

唔 知 你 今日 又 揾 到 幾多 個 直角 呢 ？