婆婆 嚟 咗 ！？

「吓 ！ 婆婆 會 過嚟 ？ 唔係啩 ！」 阿聰 慘叫 咗 聲 。

阿聰 嘅 爸爸 媽媽 要 出去 做嘢 ，於是 揾 咗 婆婆 嚟 睇住 阿聰 。 阿聰 淨係 細細個 嗰陣 見 過 婆婆 幾 次 ，對 佢 唔係 好 熟 。

一 朝早 ，阿聰 就 喺度 埋怨 婆婆 ：「返學 要 遲到 喇 ！ 點解 唔 叫 我 起身 啊 ？」

婆婆 望 一 望 電話 ，今日 係 十二 號 ，本身 想 講 啲 嘢 ，最後 都 係 話 ：「哦 ……對唔住 呀 ，噉 我哋 依家 出去 啦 ！」

佢哋 行 咗 陣 ，見到 有 兩 條 路 。 婆婆 想 行 上面 條 路 ，點知 阿聰 話 ：「唔係 呀 ！ 係 下面 條 路 先 啱 ，信 我 啦 ！」

婆婆 笑住 答 ：「好啦 ，聽 你 講 。」 其實 阿聰 都 係 第一 次 行路 返學 ，平時 都 係 坐 車 。

行行 下 ，阿聰 覺得 有啲 唔對路 ，心諗 ：「點解 會 嚟 咗 呢度 嘅 ？ 唔通 我 行 錯 咗 ？」

阿聰 見到 有 間 麵包店 ，肚仔 就 開始 叫 喇 ……佢 今朝 咩 都 冇 食 就 出咗 門 。

婆婆 聽見 就 笑住 話 ：「我 有啲 肚餓 ，幫 我 買 個 包 得唔得 呀 ？ 」阿聰 好 開心 噉 話 ：「好 ！」

阿聰 買 咗 幾 個 麵包 返嚟 ，見到 婆婆 拎 住 一 張 被 。

阿聰 咬 住 個 包 ，問 ：「做咩 要 買 被 嘅 ？」

婆婆 答 ：「屋企 嗰 張 係時候 要 換 喇 。」

突然 ，有 幾 隻 狗仔 走咗 過嚟 ！ 阿聰 陪 佢哋 玩 咗 陣 ，就 拉 住 婆婆 走 ，因為 佢 仲要 趕 返學 啊 ！

行 咗 一陣 ，佢哋 嚟到 戲院 ，見到 好多 人 。 阿聰 心諗 ：「今日 咁 怪 嘅 ？ 人 多 到 好似 星期六 噉 ！」

婆婆 突然 喺 一 間 幼稚園 前 停 咗 落嚟 。

阿聰 有啲 無奈 噉 講 ：「婆婆 ，我 大個 喇 ，而家 唔係 讀 呢 間 學校 喇 ……」

婆婆 終於 話 ： 「 好 啦 好 啦 ， 我 哋 走 。 」

佢哋 行 行 下 ，見 到 地下 有啲 數字 。 阿聰 唔肯定 噉 話 ：「不如 我哋 跟住 啲 數字 行 吖 ？」

婆婆 望 一 望 上面 個 牌 ，笑 住 答 ：「好 ！」

原來 頭先 個 牌 係 指住 一 間 餐廳 ，餐廳 隔籬 有 好多 小朋友 喺度 玩 。 阿聰 心諗 ：「啲 小朋友 唔使 返學 嘅 咩 ？」

婆婆 見到 路邊 長櫈 上 有 位 老人家 就噉 瞓 咗 喺度 ，就 將 頭先 買 返嚟 嘅 被 畀 咗 佢 冚 ，等 佢 冇 咁 凍 。

喺 另 一邊 ，阿聰 就 靜雞雞 分 咗 少少 麵包 畀 一 隻 流浪貓 。

過 咗 冇耐 ，佢哋 嚟到 一 間 圖書館 ，聽到 門口 有 人 話 ：「今日 係 十二 號 星期六 ，最 啱 出嚟 行 下 …… 」阿聰 先 知 發生 咩 事 ！

「喵 ！」 呢個 時候 ，啱先 路邊 隻 貓仔 跟 咗 過嚟 。

婆婆 摸摸 貓仔 ，笑笑口 同 阿聰 講 ：「冇所謂 啦 ！ 放假 咪 仲 開心 ！」

佢哋 繼續 行 ，終於 嚟到 學校 外面 嘅 公園 。

「到 喇 ！ 呢 次 真係 到 學校 喇 ！」 阿聰 好 興奮 。

婆婆 笑住 話 ：「好 叻 喎 ，真係 識 路 返學 ！」

「哈 ……」其實 阿聰 知道 自己 之前 行 錯 咗 路 。

佢哋 喺 公園 揾 咗 個 空地 。

正當 婆婆 諗 住 坐低 嗰陣 ，阿聰 突然 叫 住 佢 ：「咪 住 ！ 尋日 落雨 嚟 ，地下 可能 仲未 ……」

話口 未完 ，就 聽到 隔籬 有 人 嗌 ：「啊 ！ 條 褲 濕 晒 喇 ，早知 唔 坐 呢度 ……」

最後 佢哋 揾 咗 個 冇 咁 濕 嘅 地方 坐 。

「婆婆 ，點解 你 會 信 我 識路 去 學校 嘅 ？」 阿聰 問 。

婆婆 笑 住 話 ：「『條條大路通羅馬 』，可能 你 條路 會 近 啲 呢 ？ 同埋 係 你 令 我 知道 ，大人 講 嘅 嘢 唔 一定 啱 晒 。 最 重要 係 ，今日 係 星期六 ，冇所謂 啦 ！」

「哦 ！ 原來 你 一早 就 知 嘅 ，仲 搞到 我 咁 驚 ……」阿聰 扮 晒 嬲 噉 講 。

「 好 喇 ， 係 我 唔 啱 ， 係 我 唔 着 喇 …… 」

之後 兩 個 人 就 搭 住 膊頭 噉 返 屋企 喇 ！