媽媽 幾點 返 屋企 ？

媽媽 幾點 返 屋企 ？

我 屋企 有 個 老爺鐘 ，一 個 鐘 響 一 次 。

噹 、 噹 、 噹 、 噹 、 噹 、 噹 ！

6點鐘 ，媽媽 又 要 返工 ，我 好 唔開心 。

媽媽 話 ：「我 會 喺 你 瞓覺 之前 返 屋企 。」

我 問 ：「噉 即係 幾點 呀 ？」

媽媽 話 ：「今 晚 個 鐘 響 9 下 之前 ，我 就 返 到 嚟 㗎 喇 。 你 要 乖乖 聽 爸爸 、爺爺 話 呀 。」

我 同 媽媽 講 ：「好 ！ 我 會 乖 㗎 喇 ！」

我 好 掛住 媽媽 ，我 寫 咗 個 6 字 ，倒轉 佢 ，再 畫 返 個 鐘面 ，希望 上晝 6 點 可以 快 啲 變 夜晚 9 點 。

爸爸 叫 我 飲 奶 ，我 話 要 等 媽媽 返嚟 先 飲 。 但 我 望 下 個 掛牆鐘 ，而家 只係 8點 。 我 好 肚餓 ，又 記得 自己 話 過 會 聽話 ，所以 我 有 乖乖 食 早餐 ，淨 係 冇 飲 奶 。

應用題 (1)：

你 知道 時鐘 上 的 紅色 和 黑色 指針 分別 是 甚麼 嗎 ？ 時針 ？ 分針 ？

爺爺 話 ，出 下 街 ，時間 就 會 快 啲 過 ，我 就 跟 佢 去 街市 買 菜 。 我 想 食 嗰啲 紫色 一條條 嘅 蔬菜 。 「呢啲 叫 矮瓜 。」 街市 叔叔 講完 ，就 拎咗 個 大 矮瓜 畀 我 。

應用題 (2)：

你 知道 現在 的 時間 嗎 ？ 請 你 從 圖中 圈出 時間 。

噹 ！

「汪 ！」

「知道 喇 ，吠 一 下 即係 1點鐘 吖 嘛 。 就 開飯 㗎 喇 。」 爺爺 摸摸 狗狗 ，洗 過 手 就 去 廚房 煮飯 。

「汪 ！汪 ！」 我 學 狗狗 噉 大叫 9 下 ，媽媽 係咪 就 會 快 啲 返 屋企 ？

砵砵砵 ！

3 點鐘 ，黃 巴士 到站 ，我 接 家姐 放學 。

仲 有 6 個 鐘 就 可以 見 到 媽媽 ，我 同 家姐 都 好 心急 呀 ！

應用題 (3)：

除了 時鐘 、手錶 ，還有 甚麼 地方 可以 看到 時間 ？ 請 你 從 圖畫 中 圈 出 可 看到 時間 的 地方 。

我哋 行 返 屋企 ，整埋 個 好好食 嘅 水果 沙律 下午茶 ，前後 只係 用 咗 半 個 鐘 ！

應用題 (4)：

你 可以 在 鐘面 上 ，畫出 三 時 半 的 時間 嗎 ？

噹 、 噹 、 噹 、 噹 、 噹 ！

每 次 我 同 爸爸 帶 狗狗 嚟到 狗 公園 ，個 大 笨鐘 都 會 響 5 下 。 同 狗狗 玩 下 ，就 唔知 時日 過 啦 ！

唔經唔覺 ……你哋 知 唔 知 而家 幾點鐘 ？ 係 7點 呀 ！ 我 食完 晚飯 ，就 到 狗狗 食飯 。

應用題 (5)：

媽媽 還有 多久 才 回到 家 ？

咇 咇 、 咇 咇 ……

鬧鐘 響 ，8點半 ，媽媽 仲未 返 屋企 ，我 好 唔開心 。

爸爸 話 ：「乖 ，媽媽 就 返 㗎 喇 ，等 我 講 個 故仔 你 聽 ，聽聽 下 媽媽 就 返 㗎 喇 。 喺 好 耐 以前 ，有 個 敲鐘人 ，佢 每 日 嘅 工作 就 係 數住 時間 嚟 敲鐘 ，後嚟 有 隻 公雞 嚟 挑戰 佢 ……」

應用題 (6)：

你 可以 在 鐘面 上 ，畫出 八 時 半 的 時間 嗎 ？

啪嗒 啪嗒 。

「汪 ！」

「媽媽 ！」 我 即刻 跑 去 開門 。

望 下 個 鐘 ，邊個 最 叻 ，知道 媽媽 今晚 有冇 準時 返到 屋企 呢 ？

應用題 (7)：

你 知道 現在 幾時 幾分 嗎 ？

應用題 (8)：

還有 多久 就 到 九 時 正 ？

我 即刻 開心 返 晒 ！ 我 話 畀 媽媽 知 ，我 今日 過得 好 充實 呀 ！

媽媽 抱抱 我 ，又 讚 我 乖 ！ 你 今日 又 乖 唔 乖 呀 ？

答案 ：

(1)紅色 是 時針 ，黑色 是 分針 。

(2)十 時 （圈 出 叔叔 的 手錶 。)

(3)手提 電話 (圈 出 手提 電話 )

(4)（見 下圖 )

(5)兩 小時

(6)（見 下圖 )

(7)八 時 五十 分

(8)十分鐘