藍藍 同 黃色 大門
星期六 上晝 ， 藍藍 喺 屋企 做 緊 功課 。
爸爸 話 ： 「 爸爸 瞓 一陣 。 我 起身 嗰 陣 ， 你 要 做 好 晒 功課 㗎 ！」
藍藍 繼續 做 功課 。 做 下 做 下 ， 佢 開始 覺得 眼瞓 。
呢 個 時候 ，黃色 書包 變 得 越 嚟 越 大 ，最後 仲 出現 咗 一 道 黃色 大門 ！
藍藍 諗 住 開門 入去 睇 下 ……
點知 跌 咗 入 一 個 又 黑 又 深 嘅 地方 ！
「 哎 吔 ！ 救命 呀 ！ 有 冇 人 啊 ？」
突然 ，喺 藍藍 面前 出現 咗 一 隻 會 講 人 話 、踩 住 單車 嘅 兔仔 。
藍藍 好 驚 噉 話 ：「 唔 好意思 呀 ！ 我 都 唔 知 點解 自己 會 嚟 咗 呢 度 ！」
原來 隻 兔仔 係 呢 度 嘅 國王 。
國王 話 ：「 你 係 第 一 個 聽到 我 講 嘢 嘅 小朋友 。 不如 我 帶 你 四圍 行 下 喇 。 上車 ！」
藍藍 覺得 呢 度 好 靚 。
雀 仔 話 ：「 兔 國王 早晨 ！」
國王 話 ：「 早晨 ， 今日 想 唱 咩 歌 呀 ？」
雀 仔 話 ： 「 不如 唱 《 有 隻 雀 仔 跌 落 水 》 ？
頭先 有 隻 雀 仔 BB 學 飛 嗰 陣 跌 咗 落 水 。」
龜仔 話 ：「 係 呀 ！ 不過 冇 『 被 水 沖 去 』！ 我 哋 有 救返 佢 上 嚟 。」
國王 話 ：「 你 哋 好 叻 喎 ！」
跟 住 佢 哋 見到 兩 隻 貓仔 喺 度 打交 。
白貓 指 住 啡 貓 話 ：「 佢 想 食 我 個 蛋糕 呀 ！」
國王 話 ：「 我 哋 唔 可以 冇 問過 就 拎 人 哋 啲 嘢 食 ，
都 唔 可以 打交 ， 要 做好 朋友 呀 。」
啡 貓 話 ：「 哦 …… 噉 我 哋 一 人 一半 啦 ！」
豬仔 話 ：「 國王 早晨 ！ 我 好 肚餓 ， 但 係 我 冇 錢 買 嘢 食 ...... 」
國王 話 ：「 我 有 紅蘿蔔 ， 請 你 食 吖 。」
豬仔 話 ：「 多謝 你 呀 ！」
國王 話 ：「 唔 使 客氣 ！」
國王 帶 藍藍 嚟 到 一 個 大 箱 前 ， 問 藍藍 想 唔 想 飛
「 飛 ？」
「 係 呀 ， 飛 ！」
一 眨眼 ， 佢 哋 就 上 咗 天 喇 ！
藍藍 話 ：「 原來 飛 係 咁 自由 ， 咁 開心 㗎 ！ 多謝 你 呀 ！」
國王 話 ：「 唔 使 客氣 ！」
突然 一 陣 大風 吹 埋 嚟 ， 吹 跌 咗 藍藍 ，
藍藍 跌 咗 入 隧道 。
原來 藍藍 喺 書 檯 上 瞓 着 咗 ， 黃色 大門 變 返 做 黃色 書包 。
爸爸 問 ：「 你 做 晒 啲 功課 未 呀 ？」
藍藍 話 ：「 我 頭先 見到 好多 動物 ， 隻 隻 都 識 講 嘢 ！」
爸爸 話 ：「 你 一定 係 發 白日夢 ， 快 啲 做 埋 啲 功課 啦 ！」
藍藍 好 掛住 黃色 大門 入面 嘅 世界 ， 一 個 和平 、 自由 、 開心 、 令 佢 永遠 記得 嘅 美好 世界 ！
