恐龍 樂園

大家 好 ，我 叫 阿魚 ，今日 啱啱 十 歲 。 我 之前 晚晚 都 會 發 一 個 好 真 嘅 夢 ，好似 真 係 去 咗 一 個 地方 ，我 叫 嗰 個 地方 做 恐龍 樂園 ，入面 有 好多 唔 同 嘅 恐龍 。 我 第一 次 去 嗰 陣 仲 係 得 七 歲 ，第一 眼 係 見 到 隻 恐龍蛋 。 突然 ，有 隻 恐龍 喺 蛋 入面 走出 嚟 ，我 驚 到 嗌 咗 一 聲 ！ 但 睇 見 隻 恐龍 傻傻 望住 我 個 樣 ，我 忍 唔 住 笑 咗 。

隻 恐龍 仔 咁 細 隻 ，我 估 我 BB 嗰 陣 都 應該 大隻 過 佢 。 我 同 佢 講 ：「不如 我 叫 你 恐龍 仔 啦 。」 佢 好 開心 。

我 又 望 下 四周 ，原來 呢 度 仲 有 好多 唔 同 恐龍 ，有 啲 識 飛 ，有 啲 識 游水 。 佢 哋 唔 會 打交 ，仲 會 好 開心 噉 一齊 玩 。 如果 我 有 架 車 或者 識 飛 就 好 喇 ！ 噉 我 就 可以 再 行 遠 啲 ，睇 多 啲 。 之後 我 晚晚 都 會 夢 到 同 恐龍 仔 一齊 玩 。

一 年 之後 ，恐龍 仔 變 咗 大 恐龍 ，我 估 佢 仲 大 過 一 架 車 。

我 估 佢 差 少 少 就 會 大過 一 架 飛機 。 我 以為 我 同 佢 會 一直 開開心心 噉 玩 落 去 ，點知 到 我 九 歲 嗰 年 ……

我 爬 咗 上 恐龍 仔 個 頭 ，好 開心 噉 同 佢 講 ：「恐龍仔 ，我 過 埋 今日 就 十 歲 ，大個 仔 喇 ！」 點知 平時 成日 笑 嘅 恐龍 仔 ，呢 次 聽 完 粒 聲 都 唔 出 。

恐龍 仔 諗 咗 一陣 ，終於 走 咗 去 蘋果樹 度 ，笑 住 噉 拎 咗 個 蘋果 畀 我 。 我 好 開心 噉 同 恐龍 仔 講 ：「多謝 ！ 我 最 鍾意 食 蘋果 ！」 突然 ，我 聽到 頭上 有 把 聲 講 ：「阿魚 。」 我 嚇 咗 一 跳 ，望 一 望 原來 係 恐龍 仔 ！ 我 仲 諗住 問 佢 係 幾時 學識 講 嘢 ，佢 就 先 一步 話 ：「呢 次 可能 係 我 哋 最後 一 次 見 喇 。」

「吓 ！ 點解 呀 ？」 我 即刻 問 。 佢 話 ：「因為 你 已經 大個 仔 喇 。 每 個 小朋友 心入面 都 有 一 個 樂園 ，到 佢 哋 十 歲 就 會 消失 …… 包括 我 。 好 開心 喺 呢 三 年 識 到 你 ，呢 三 個 蘋果 就 送 畀 你 啦 。」 「鈴鈴 ……」鬧鐘 響起 ，我 一 起身 就 望 到 床邊 有 三 個 蘋果 。 自此 之後 我 就 冇 再 見過 恐龍 仔 。 如果 有人 問 我 嘅 好 朋友 係 邊個 ，我 會 答 ：「恐龍 仔 。」