講故人

從前 有 一 個 好 大 、好 靚 嘅 地方 。 呢 度 有 好多 人 ，個個 人 都 好 唔 同 。 阿欣 就 係 住 喺 呢 度 ，佢 最 鍾 意 聽 故仔 ，特別 係 同 呢 個 地方 有關 嘅 故仔 。

不過 ，呢 度 嘅 人 都 好 忙 。 有人 忙 住 返工 揾 錢 ， 有人 忙 住 温書 ， 有人 忙 住 吃喝玩樂 。 阿欣 試 過 叫 媽媽 、爸爸 、同學 、老師 講 故仔 畀 佢 聽 。

不過 ，佢 哋 全部 都 話 唔 得閒 ，仲 叫 返 阿欣 有 時間 不如 去 温書 做 功課 。

直到 有 一 日 ，佢 遇上 一 個 姐姐 。 呢 個 姐姐 好 靚 ，笑 得 好 甜 ，仲 有 一 把 靚 聲 。

阿欣 問 佢 可 唔 可以 講 故仔 畀 佢 聽 ，姐姐 笑 住 話 可以 ，仲 問 返 阿欣 想 聽 咩 故仔 。 阿欣 就 話 咩 故仔 都 想 聽 。

跟住 佢 哋 坐低 ，一個 講故 ，一個 聽 故 。

講 完 幾 個 故仔 之後 ， 本身 喺 隔籬 玩 緊 嘅 小朋友 見 到 阿欣 好 開心 噉 聽 故仔 ， 覺得 好 好奇 ， 就 走 晒 埋 嚟 一齊 聽 ……

姐姐 講 完 一 個 又 一 個 故仔 ，埋 嚟 聽 佢 講 故仔 嘅 人 越 嚟 越 多 。 原來 佢 講 嘅 故仔 全部 都 同 佢哋 住 緊 嘅 地方 有關 —— 雖然 佢哋 住咗 喺 度 好 耐 ，佢哋 唔 知 嘅 事 都 仲 有 好多 —— 好彩 有 姐姐 ，佢哋 先 可以 發現 同 重拾 返 呢啲 大大小小 嘅 軼事 。

之後 ，阿欣 同 其他 小朋友 日日 都 嚟 聽 姐姐 講 故仔 。 去 到 後來 ，佢 哋 唔 止 聽 故 ，仲 學 埋 點樣 講 故 ！ 大家 講故 嘅 時候 都 會 加 唔 同 嘢 ，所以 個個 講 嘅 故仔 都 唔 同 。

一傳十 ，十傳百 ，好快 連 啲 大人 都 聽到 佢哋 嘅 故仔 。 啲 大人 而家 先 知 原來 喺 佢 哋 忙 緊 嘅 時候 ，喺 小朋友 中間 已經 興起 咗 講故 聽 故 嘅 潮流 ！

冇 幾耐 ，佢哋 都 好似 啲 小朋友 噉 ，開始 聽 更 多 人 嘅 故仔 ，仲 同 其他 人 講 自己 嘅 故仔 ……

漸漸 噉 ，呢 個 地方 啲 人 放慢 手上 嘅 工作 ，花 多 咗 時間 停低 聽 故 講故 。 個個 人 都 開心 咗 好多 。

但 係 市長 就 唔 係 咁 開心 喇 ——因為 佢 覺得 啲 人 做 嘢 慢 咗 ！ 佢 即刻 叫 晒 啲 高官 嚟 開會 。

佢 哋 諗 咗 好 耐 ，都 諗 唔 明 點解 啲 人 做 嘢 會 慢 咗 咁 多 。 過 咗 好 耐 之後 ，佢 哋 終於 諗 通 ，原因 係 阿欣 同 姐姐 搞 到 大家 掛住 聽 故 講故 而 冇 心 做 嘢 ！

佢 哋 叫 咗 阿欣 同 姐姐 嚟 問話 。

「你哋 點解 要 講 咁多 故仔 ，搞到 啲 人 掛住 聽 故仔 唔 做 嘢 ？」 市長 問 。

阿欣 見到 呢 度 啲 人 全部 都 好 嬲 噉 望住 佢 ，就 好 驚 噉 捉住 姐姐 隻 手 ，細細 聲 話 ：「我 哋 只不過 講 返 自己 喺 呢 個 地方 嘅 成長 經歷 …… 」

姐姐 接住 話 ：「大家 都 將 自己 嘅 故事 講 出 嚟 ，先 會 知道 呢 個 地方 發生 過 咩 事 ，然後 更加 鍾 意 呢 個 地方 。 市長 咁 想 知道 大家 點解 咁 鍾意 講 故仔 ，不如 試 下 出 街 聽 下 大家 嘅 故仔 ？ 話 唔 定 你 聽 完 ，都 會 想 講 下 自己 嘅 故仔 ，做 個 講 故人 呢 ？」

一 個 月 後 ，市長 又 叫 阿欣 同 姐姐 嚟 。 不過 呢 次 唔 係 問話 ，而 係 要 佢 哋 聽 市長 講 故仔 呀 ！