儲錢 大計

「食飯 喇 ！」

今日 係 今年 最後 一 日 返學 ，同學仔 食飯 嘅 時候 ，黃 老師 問 大家 唔使 返學 會 做 啲 咩 。

「我 會 日日 踢波 ，我 要 好似 啲 港超 足球員 一樣 咁 叻 ！」

「我 要 整 好多 玩具 出嚟 ！」

「我 就 要 食 好多 好多 嘢 ，雞蛋仔 、燒賣 、魚蛋 、啄啄糖 我 都 要 食 ！」

「我 要 去 海洋 公園 玩 ！」

當 同學仔 都 好 開心 噉 講緊 去 邊度 玩 嘅 時候 ，突然 聽到 思思 話 想 去 海洋 公園 ，大家 都 好 興奮 ！ 因為 大家 都 好 想 去 海洋 公園 玩 ！

「嗰度 可以 玩 過山車 ，又 可以 玩 水 ！」

「又 可以 睇 到 好多 唔同 嘅 動物 ！」

「係 囉 ！ 我 都 想 一齊 玩 啊 ！」

佢哋 一 人 一 句 ，睇嚟 大家 真係 好 開心 ，

直到 琪琪 講 咗 句 ：「不過 ，啲 飛 好 貴 喎 ……」

然後 大家 就 望 住 思思 ，話 ：「思思 你 就 好 啦 ，咁 有錢 可以 去 海洋 公園 。」

思思 就 話 ：「我 都 係 用 我 自己 儲 嘅 錢 買 飛 㗎 咋 ！」

「冇 錯 ，我哋 個個 都 可以 去 海洋 公園 玩 ！ 」黃 老師 笑住 講 ：「如果 我哋 都 好似 思思 噉 ，每 日 儲 少少 錢 ，就 會 夠 錢 去 海洋 公園 㗎 喇 ！」

就 係 噉 ，大家 都 開始 咗 儲錢 大計 ！

有 同學 整 玩具 同 公仔 ，再 賣 畀 朋友 ；有 同學 幫 小朋友 補習 ；

有 同學 就 食 少 啲 雪糕 ，將 屋企人 畀 佢 嘅 零用錢 儲 起 ；有 同學 就 幫 親 人 照顧 狗仔 ——大家 都 揾 咗 好多 錢 ，再 全部 儲 起 ！ 為 嘅 都 係 同 一 個 目標 ，就 係 一齊 去 海洋 公園 ！

暑假 話 咁 快 就 完 咗 ，同學 帶 咗 自己 儲 到 嘅 零用錢 返嚟 數 下 。

黃 老師 話 ：「睇 嚟 大家 都 儲 咗 好多 錢 ，應該 可以 一齊 去 海洋 公園 喇 ！」

所有人 都 開心 到 跳起 ，不過 小明 就 好似 唔係 咁 開心 。

琪琪 走 過去 問 佢 點解 唔 開心 。

原來 小明 冇 儲 到 錢 ，唔 可以 同 佢哋 一齊 去 海洋 公園 。 因為 佢 隻 狗仔 最近 病 咗 ，佢 拎 咗 筆 錢 帶 佢 睇 醫生 ……

同學仔 聽 到 小明 話 佢 去 唔 到 ，一時 唔 知 講 咩 好 ——因為 大家 本身 係 諗住 成 班 一齊 去 嘅 ……

過咗 一陣 ，思思 話 ：「不如 我哋 每 人 再 儲 多 少少 錢 ，幫 小明 買 飛 吖 ？」

全班 同學 都 話 好 。

終於 ，大家 可以 一齊 去 海洋 公園 喇 ！

個個 都 玩得 好 開心 ！

開心 ，唔只 因為 可以 去 海洋 公園 ，仲 因為 可以 全 班 一齊 去 ，一個 都 冇 少 ！

好多 時候 ，只要 人人 都 行 多 一步 ，好多 問題 都 可以 輕易 解決 ！