疫情 系列
[ 故事 1 ]
今日 銀包 哥哥 終於 見 到 護照 細佬 。
哥哥 : 「 七八 個 月 冇 見 喇 , 你 咩 事 , 去咗 邊 啊 ? 」
細佬 : 「 我 喺 個 櫃 入面 , 今日 先 出嚟 一陣 …… 係 喇 , 我 件 衫 少 咗 好多 印仔 , 你 話 主人 係 唔係 唔 要 我 喇 ? 」
哥哥 : 「 你 噉 講 , 我 個 肚 入面 都 少 咗 好多 銀紙 , 得 credit卡 、 ID卡 同 Octopus卡 , 搞 到 我 成日 都 好 肚餓 。 」
細佬 : 「 呢個 我 知 , 聽講 啲 銀紙 好 污糟 , 主人 係 驚 你 食 到 肚痛 啫 …… 」
哥哥 : 「 你 唔使 驚 啦 , 你 不如 幫 我 諗 下 點 氹返 主人 啦 」
瞓覺衫 細佬 : 「 哥哥 , 呢排 主人 上晝 、 下晝 、 夜晚 都 着 住 我 , 我 見 人 多 咗 好多 , 你 話 我 叻 唔 叻 ? 」
西裝 哥哥 : 「 知 喇 知 喇 , 你 叻 晒 喇 」
哥哥 喺 個 櫃 入面 諗 嚟 諗 去 都 唔 明 。
哥哥 : 「 我 又 冇 短咗 舊咗 , 點解 主人 唔着 我 ? 」
細佬 : 「 不如 你 學 下 我 啦 , 包 你 聽日 一定 出 到 櫃 」
哥哥 : 「 …… 」
伯伯 喺 社區 中心 有 好多 好 朋友 , 嗰度 仲 有 個 婆婆 同 佢 好 啱傾 。 佢 成日 講 笑話 畀 個 婆婆 聽 。 佢 今日 一 朝早 又 行路 去 中心 揾 個 婆婆 。 但 佢 唔見 婆婆 , 到 咗 下晝 , 都 係 唔見 婆婆 。 第二 日 , 佢 喺 嗰度 有 三四 個 朋友 都 唔見 咗 。 之後 佢 有 十四 日 返 咗 去 屋企 坐 。
原來 大家 都 隔離 咗 。
第 十五 日 應該 見 到 喇 啩 。
[ 故事 2 ]
豬 家姐 : 「 今日 咩事 , 啲 人 係唔係 未 起身 ? 」
豬 細妹 : 「 係 喎 , 成 條 街 都 冇 人 𠸏 …… 諗諗 下 , 好似 呢排 已經 係 噉 」
豬 家姐 : 「 呢 次 條 街 仲 唔係 畀 我哋 行 晒 ? 」
豬 細妹 : 「 不過 人 少咗 , 嘢食 都 少佐 啊 …… 」
豬 家姐 : 「 你 都 係 同 我 叫 醒 返 啲 人 啦 。 」
[ 故事 3 ]
呢排 好多 人 都 驚 個 肺 有事 。
A : 「 你 有冇 事 ? 」
B : 「 冇事 冇事 , 我 唔多 去街 , 點 會 有事 ? 你 又 點 ? 」
C : 「 我 個 肺 好咗 喎 ! 」
B : 「 冇 可能 ! 你 日日 都 喺 出面 㗎 ? 」
C : 「 因為 我 係 地球 ! 啲 人 做 少 咗 嘢 , 空氣 污染 就 少 咗 , 我 個 肺 咪 好 咗 囖 。 但 而家 到 我 個 肚 有事 …… 」
A : 「 你 個 肚 有 咩事 啊 ? 」
C : 「 啲 人 食 咁多 飯盒 …… 」
阿狗 : 「 啲 人 都 有 今日 喇 ! 之前 佢哋 仲 成日 揾 嘢 包 住 我 個 口 , 而家 到 佢哋 受 喇 ! 今次 仲 唔 到 我 做 佢哋 主人 ? 」
阿貓 : 「 哦 。 」
細佬 : 「 阿狗 ! 」
阿狗 即刻 跑 去 細佬 度 。
細佬 : 「 坐坐 、 手手 、 轉圈圈 ! 」
阿狗 即刻 坐坐 、 畀 手手 、 轉圈圈 。
阿狗 : 「 喂 阿貓 ! 你 仲 等 啲 咩 , 快 啲 過嚟 一齊 做 啦 , 做 咗 會 有 好 嘢 食 㗎 ! 」
阿貓 : 「 …… 」 ( 乜嘢 都 唔使 做 噉 食 緊 細佬 畀 嘅 好 嘢食 )