阿仔

今日 係 星期六 唔 使 返工 ，咪 諗 住 喺 屋企 瞓 返 一 個 上晝 。 點知 老婆 好 早 醒 咗 ，佢 喺 牀 上 郁 嚟 郁 去 ， 跟 住 突然 拍拍 我 隻 手 ：「老公 ！ 老公 ！ 好 起身 啦 ！」

我 仲未 瞓 夠 ，唔 係 好 想 理 佢 ：「咩 事 啊 老婆 ？ 幾點 啊 而家 ……」

「仲 問 我 幾點 ？ 十一點 都 嚟緊 喇 ！」 噉 又 點 啊 ……」

「你 唔 記得 阿仔 等陣 兩點 返到 香港 咩 ？ 我哋 要 去 機場 接 佢 啊 ！ 你 再 唔 起身 ，我 嬲 㗎 喇 ！」

聽到 佢 話 會 嬲 ，我 即刻 醒 返 啲 啲 ， 但 係 諗 兩 諗 覺得 唔 對 路 ：「老婆 ，阿仔 好似 係 聽日 先 返 喎 ……」

「咦 ？係 喎 ……噉 不如 我哋 諗 下 聽日 答 巴士 定 係 地鐵 去 機場 吖 ？」

我 哋 阿仔 二十一 歲 ，十八 歲 去 咗 英國 讀書 ，去 咗 三 年 。 而家 佢 讀 完 書 喇 ，今日 喺 英國 答 飛機 ，聽日 返 到 香港 。 唔 知 佢 而家 點 呢 ？ 係 肥 咗 定 係 瘦 咗 ？ 有 冇 高 到 ？ 有 冇 識 返 個 女朋友 ？ 聽日 佢 會 唔 會 同埋 個 女仔 嚟 香港 㗎 ？ 佢 三 年 嚟 少 咗 講 廣東話 ，唔 知 仲 記 唔 記得 點 講 廣東話 呢 ？ 佢 會 唔 會 同 我 哋 講 英文 㗎 ？ 我 同 老婆 啲 英文 好 水皮 ，一 啲 都 唔 叻 㗎 。 老婆 成日 鬧 我 唔 錫 阿仔 ，我 覺得 係 佢 唔 明白 阿爸 對 阿仔 嘅 愛 啫 。 我 都 好 掛住 阿仔 ，好 想 快 啲 到 聽日 㗎 ！