婆婆 嘅 香蕉

婆婆 有個 好 靚 嘅 花園 ，種滿 晒 啲 高粱 ，小米 同埋 木薯 ， 但 係 咁 多 嘢 入面 最 好 嘅 就 係 香蕉 。 婆婆 雖然 有 好多 孫仔 孫女 ，但 係 我 心 入面 知道 佢 最 鍾意 我 㗎 。 佢 時時 都 會 請 我 嚟 佢 屋企 玩 ， 講 啲 小 秘密 俾 我 聽 。 但係 有 一個 秘密 佢 從來 都 冇 試過 同 我 講 ，就係 佢 催熟 香蕉 嘅 辦法 。

有 一日 ，我 見到 婆婆 放 咗 一個 巨大 嘅 草籃 喺 門外 。 我問 婆婆 呢 個 係 攞 嚟 做 咩 嘢 嘅 ， 但 係 婆婆 就 單單 話 ：「 呢 個 係 我 嘅 神秘 籃仔 。」 喺 籃 仔 一邊 放 咗 幾塊 香蕉葉 ，婆婆 間 中 都 會 去 翻轉 啲 葉 幾下 。 我 好 好奇 ， 就問 婆婆 ：「 呢 啲 葉 係 攞 嚟 做 咩 嘢 嘅 ？ 」 但 係 婆婆 只 係 應 咗 一句 ：「 呢 啲 係 我 嘅 神秘 葉仔 。」

我 好好奇 噉 睇住 婆婆 、香蕉 、香蕉葉 仲 有 嗰 個 巨大 嘅 草籃 。 但係 婆婆 就 打發 咗 我 去 媽咪 嗰 便 幫手 。 我 噅 住 婆婆 就 話 ：「俾 我 留 响度 睇 吓 啦 ！ 」但係 婆婆 就 堅持 話 ：「唔好 咁 硬頸 啦 ，小朋友 ，照 我 講 嘅 去 做 啦 。」 我 唯有 走開 囉 。

到 我 返 嚟 嗰 陣 時 ，婆婆 正 坐 喺 外 便 唞 吓 ，但 係 就 唔 見 個 籃 同 香蕉 ！ 我 就 問 婆婆 ：「個 籃 去 咗 邊度 呀 ？ 香蕉 去 咗 邊度 呀 ？ 仲 有 嗰 啲 ……」 但 係 婆婆 只 係 應 咗 一句 ：「 佢 哋 都 喺 一個 神秘 嘅 地方 。」 我 好 失望 ！

過 咗 兩日 時間 ，婆婆 就 叫 我 由 佢 間 房 度 攞 佢 支 士 的 嚟 俾 佢 。 我 一 打開 道門 ，就 聞到 朕 熟 香蕉 嘅 味道 。 原來 婆婆 嘅 神秘 籃仔 就 擺 响 佢 間 房 度 ！ 上面 𢫏咗 條 舊 毛氈 ，我 揭開 條 毛氈 ，大力 噉 聞 嗰 朕 香噴噴 嘅 味道 。

婆婆 嗌 我 嘅 時候 ，嚇 咗 我 一 跳 ：「你 喺 度 做緊 乜嘢 ？ 快啲 攞 我 支 士 的 嚟 。」 我 趕緊 攞咗 支 士 的 出去 俾 婆婆 。 婆婆 睇 住 我 ，就 問 ：「你 喺 度 笑 緊 乜嘢 呀 ？ 」我 先至 意識到 ，我 仲 喺 度 因為 發現 咗 呢個 神奇 嘅 秘密 而 偷笑 緊 。

第二日 呢 ，婆婆 嚟 睇 我 媽咪 ，我 又 走 到 婆婆 屋企 去 偷 睇 嗰 啲 熟 香蕉 。 有 一 梳 香蕉 已經 非常 之 熟 嘞 。 我 摘 咗 一條 香蕉 ，收埋 咗 佢 喺 我 條 裙仔 度 。 𢫏返 好個 籃仔 之後 ，我 就 走 到 間 屋 後面 ，偷偷 噉 食 咗 條 香蕉 ：呢 個 絕對 係 我 食過 最好 味 嘅 香蕉 嚟 ！

第二日 ，我 趁 婆婆 喺 花園 度 摘 蔬菜 嘅 時候 ，又 偷偷 走入 佢 間 房 去 睇 嗰 啲 香蕉 。 啲 香蕉 差 唔 多 全部 都 熟 晒 嘞 。 我 就 頂唔順 誘惑 ，攞咗 四條 香蕉 。 我 趷 高腳 離開 佢 間 房 ，就 聽到 婆婆 喺 度 咳 緊 。 我 收埋 啲 香蕉 喺 條 裙 仔 下 底 ，好似 乜 都 冇 發生 過 噉 就 走開 咗 。

第二日 係 婆婆 趁墟 打 市 嘅 日子 。 婆婆 好 早就 起身 ，佢 將 成熟 咗 嘅 香蕉 同 木薯 運到 墟 場 度 去 賣 。 我 嗰 日 冇 急住 去 睇 佢 ， 但 係 我 知道 ，我 冇 可能 永遠 避開 婆婆 。

嗰 日 挨 晚 ，我 被 爹哋 媽咪 同埋 婆婆 叫 咗 過去 。 我 知道 佢哋 點解 搵 我 。 嗰 日 晚上 ，當 我 上床 瞓覺 嘅 時候 ，我 知道 我 再 又 唔 會 偷 嘢 啦 ，唔 偷 婆婆 嘅 ，唔 偷 爹哋 媽咪 嘅 ，邊個 啲 嘢 都 唔 可以 再 偷 。