حياة عيلتنا: وين بدهم يعيشوا الولاد؟؟
أنا جاهز
جاهز لشو؟
أنا رايح أنام عند عامر
و بابا قال لي أوك
البابا قال لك أوك
بس أنا ما قلت أوك
إحنا كنا متفقين إنوا مافي نوم برا البيت
لا عند عامر ولا عند غيره
ماما أنا صرت قايله إنّي جاي
بابا شوف الماما
خلص يا دينا بس هالمرة
أبو عامر حكى معي و أحرجني
و قلت له أوك
عادي أنا بحلها .. مافي مشكلة
ماما... ايش عم تعملي؟
ألو، مرحبا أم عامر
آسفة كثير حبيبتي بس ما رح نقدر نجيب سند اليوم
أوك أوك ، سلام
بسيطة
هيك يعني بتكسري كلامي قدام الأولاد و قدام العالم
ماشي يا دينا، ماشي
الله معك
روح يلا بسرعة فضّي شنطتك
سند، إحنا كلنا بورطة
أنا كمان هيك حاسس
عيلتنا رح تتغير للأبد
بس انتي كيف عرفتي؟
في مؤشرات خطيرة عم بشوفها بهاذا البيت
لسا قبل أكمن يوم
من متى ينام البابا برا و يتغطى بحرامه؟
و أنا قبل بضعة أيام دخلت الحمام
هيييه!
أول مرة بشوف البابا بشلح خاتمه
من وقت ما صارت هديك القصة كل شيء تغير
ما تخاف حبيبي، أنا رح أعمل كل جهدي
ان نبقى أنا وياك مع ماما بس يتركوا بعض
و أنا؟
إنتا أكيد مع البابا
لأ، البابا طول نهاره بالشغل و بعدين ما بيعرف يطبخ
و لا بعرف يعمل أي إشي بالبيت
طيب...شو رأيك نقترح عليهم
أربعة أيام عند الماما و ثلاثة أيام عند البابا
و هيك منضلنا أنا وياك و سامر مع بعض
اتفقنا
بابا ، شو عم بتعمل؟
بدي أسافر يومين مع الشغل
بابا، انتا من متى بتسافر مع الشغل؟
ولا عمرك سافرت
أبو سند، بدك تأخذ معك هذا الجاكيت؟
مش عارف.. خلص حطيه، يمكن أحتاجه
أيوا أبو سليم، آه آه سامعك
ماما، إحنا مش صغار و إحنا فاهمين كل إشي
بابا وين رح يعيش؟
كيف يعني وين رح يعيش؟
يعني بس تتركوا بعض انتي و البابا
وين هو رح يروح؟
نترك بعض!!
من قال إنو إحنا رح نترك بعض؟
انتوا من وقت ما تخانقتوا
عشان كنت بدي أروح عند عامر بطلتوا تحبوا بعض
و أنا عندي إثباتات
شفت البابا بنام برا و عرفنا إنو شلح خاتمه
يعني ما بتقدري تخبي علينا
إحنا بدنا نتطمن على مستقبلنا
خلص حبيبتي غلبتك معي
وجد أبو سليم جواز سفره و رح يسافر
شكرني كثير إني كنت رح أسافر بداله
و هيو يقوم بتحضير نفسه
يعني خلص ، ما رح تترك البيت و تعيش لحالك؟
شو بتحكي!
و بالنسبة للإثباتات يا ست سالي
البابا غفي و هو بتفرج عالتلفاز ذاك اليوم
و أنا ما حبيت أفيقه و غطيته بنص الليل
و الخاتم يا سيد سند، هيو معي
شلحه البابا لأنه صار صغير عليه
و طلب مني أكبرله اياه
معلش حدا يفهمني شو عم بصير؟
أنا فكرت إني أنا السبب
يعني إنتو لسا بتحبوا بعض؟
إنت أبداً مش السبب
و الأهل مرات كثير بتخانقوا و بتزاعلوا
بس برجعوا بتصالحوا
و بعدين أنا و البابا منحب بعض كثير
إذا تزاعلنا مرة، ما بعني إنو بطلنا نحب بعض
و إحنا منعتذر لأنو زي ما تزاعلنا قدامكم
كان لازم نتصالح قدامكم كمان
آه هههههههههههههه
هلأ فهمت
حبايبي، أمكم بنفس اليوم بعد ما رجعت بالليل
باست على راسي و راضتني
و إحزروا شو عملتلي؟
قلاية بندورة
كيف عرفتوا! هههههههههههههههههه
يعني بتصير إنو الواحد بتسكر معه
و بيتطاوش مع زوجته قدام الاولاد
بس الأحسن إنو يمسك أعصابه
بلاش يروح فكرهم لبعيد
و إذا صار، الصُلحة خليها كمان قدامهم
هو أنا بقدر أستغني عنك يا أم سند!
