×

We use cookies to help make LingQ better. By visiting the site, you agree to our cookie policy.


image

Ancient worlds, التماثيل statue 6 (2/2)

التماثيل statue 6 (2/2)

الشكل البيضاوي أو الاهليجي .. أو الايليبس المفترض أنه .. بدأ في اليونان حوالي 400 ق.م على ايد علماء الاغريق زي أرشميدس وبروكلس

رسمه مش صعب، بس مش سهل وأرشميدس ابتكر آلة علشان يرسمه بتتحرك على محاور عمودية

بعد كده وصلنا لمعادلات ترسمه

ودلوقتي بالكمبيوتر طبعا بنرسمه بسهولة

لكن الفكرة في التاج الأبيض .. مش أنه جزء من اهليج مرسوم .. ولا حتى منقوش .. لا ده نحت مجسم

في وقت المفترض ان مكانش فيه أدوات متاحة .. فلازم كان يبقى عندهم حاجه تنحت مسارات في الجرانيت الشكل ده

والموضوع مكرر بحافيره في تيجان تماثيل اخرى مختلفة

ففي النهاية انت بتحس انك واقف قدام منتج متفوق .. اتعمل له تصميم .. وتنفيذ .. بأدوات وتقنيات ومعارف متطورة

ممكن بعد شوية حتبدأ عينك تلاحظ الدقة اللي في نحت التماثيل، وحتلاحظ التماثيل الأصلية من المرممة

يعني تمثال رمسيس الثاني اللي على اليمين .. أول ما شفته قلت التاج بتاعه ده أكيد مترمم لأن التاج مش على استقامة الجسم

وفعلا لما رجعت لصور أقدم لقيت التاج مش على الرأس، فواضح انه اترفع حديثا، لكنه مترفعش في وضعه الأصلي

أنا مش بقلل من أعمال الترميم، بس بقول ان التمثال كان بيخرج من تحت ايد اصحابه حاجه مختلفة

في ودان التماثيل .. حتلاقي نفس الجيوميترية

ودي اللي احنا بنعمها في الماكينات الحالية .. باسم كونتورز

تصحيحا لمعلومة، في صورة لودن امونحتب الثالث في المتحف البريطاني منتشرة على الفيسبوك وعليها تعليق انه لا يمكن نحتها بالماكينات الحديثة

الحقيقة ، الكلام ده مش حقيقي .. لأننا نقدر ننحت زيها النهارده بالمكن وحنشوف بعد شويه نماذج لنحت متطور

بص لأي حاجه حواليك

شكل اللمبة

شاشات التلفيزيون

تروس المكن

تكرار الأشكال الهندسية المعروفة زي الدايرة، والمستطيل والمربع

بيقول بكل وضح أن فيه آلات واقفة ورا الصناعات دي

نفس المبدأ ده مُكرر في الحضارة المصرية .. مش في التماثيل بس .. لكن في معظم آثار مصر القديمة

في كلام مراجع المصريات عن التماثيل أنه حصل فيها تطور على مدار 3000 سنة

لكن التطور اللي حصل في نحت التماثيل مقابلوش تطور في أدوات النحت

يعني معظم المراجع الرسمية بتقول لنا أن منحوتات الأسرات الأولى أو اللي قبلها كانت صغيرة الحجم وعددها قليل وبتتعمل بالحجارة والأزاميل

طيب وتماثيل الدولة الحديثة الجراينيتة العملاقة ؟

برضه كانت بتتنحت بالحجارة والأزاميل وكأن محصلش أي تطور في الأدوات المستخدمة على مدار 3000 آلاف سنة

لو جبنا رسام وطلبنا منه يرسم لوحة فنية ملونة .. وادينا له قلم رصاص حيكون رده التلقائي ان مش حينفع .. وأنه محتاج ألوان

حنقول له خد الوقت اللي انت عايزه في الرسم .. طيب حنجيب ناس تساعدك

برضه مش حينفع .. كل الحاجات دي ملهاش أي قيمة .. حتى لو هو اعظم فنان حتى لو هو عبقري

موهبته ومهارته مش حيبقى ليها لازمة من غير الأدوات .. لازم الأدوات .. لازم يجيب ألوان علشان يأدي بيها المهمة

طبق نفس المبدأ على أي مجال تاني مكانش حينفع نبني ناطحات سحاب إلا لما تخترع الصلب علشان نعرف نصل لارتفاعات عالية

علشان نعرف ننقب عن البترول اخترعنا حفارات .. هل ينفع أنقب على البترول بجاروف مثلا أو بايدي ؟

ونقعد نحفر في البيرالواحد 20 سنة بقا

ولذلك فالمنطق أن النحات يقول لحظة واحده أنا مش حعرف اعمل التمثال ده النهارده

لكني حبتكر أدوات ومعدات تساعدني اني أعمله

زي أرشميدس .. معرفش يرسم الشكل البيضاوي.. إلا لما ابتكر له آلة ترسمه

ده الفكر البشري الطبيعي

عندنا نقش من مقبرة كا-ام-ريحو في سقارة، نحاتين بتنحت تمثال بشاكوش وأزميل

طيب انت عمال تقول لنا أدوات متقدمة، وتكنولوجيا، ومش عارف ايه .. في حين أن النقوش قدامنا اهي ازميل وشاكوش

في كذا نقطة هنا محتاجين نوضحها

أولا قدماء المصريين مدونوش على الملأ كل حاجه

مدونوش أسرارهم مدونوش علومهم، وإلا يبقوا ناس ساذجه

هما اختاروا حاجات معينة ودونها، مفيش دولة بتنشر أسرارها وعلومها قدام العالم كده و أي حد معدي يقدر يشوفها، هم اختاروا حاجات معينة ودونوها

يعني مثلا انت عمرك ما حتلاقي تصاميم الطيارات والعربيات اللي أمريكا بتعملها منشورة في أي حتة دي بتُحاط بسرية بالغة من أجل المحافظة عليها

وحتى حاجات أقل من كده زي تصميمات دوائر السيليكون للموبيلات أو الكمبيوتر

دي أسرار شركات كلها غير متاحة غير للناس اللي شغال جوا الشركة، وغير مسموح بنشرها

ده كمان وبيتم تجريم النشر ده علشان تحافظ على التكنولوجيا بتاعتها

فهل انت منتظر تلاقي أسرار بنا الأهرامات ونحت المسلات والتماثيل كده على الملأ ؟ .. أكيد لأ طبعا

ممكن التمثال اللي قدامنا يكون من حجر رملي .. فممكن يتنحت بالأزاميل،

زي مثلا تمثال زوسر في المتحف المصري ده ممكن جدا يتنحت يدوي لكن وجود نقوش زي دي لا ينفي وجود أساليب أخرى نُحتت بيها التماثيل الجرانيتية أو الحجرية الكبيرة

عندنا برضه رسوم في مقبرة رخميرع وزير تحتمس الثالث لمجموعة نحاتين شغالين على تماثيل لونها أحمر وفي الأغلب دي جرانيت

والبعض بيستنتج من النقوش دي ان النحت للجرانيت يدوي أهو لكن لو دققت حتلاقي النقوش مفهاش أزاميل ولا شواكيش

واللي بيعملوه في الغالب عملية التنضيف والتلميع النهائية اللي هي بيبقى اسمها البوليشينج للتمثال أو عملية تلوين أوإزالة أثار الأدوات

ودي حاجات لحد النهارده احنا بنعملها برضه يدوي

قدماء المصريين مدونوش على الملأ كل حاجه هم عملوها

خطوات النحت اللي مبتناة رسميا .. متحف ميونخ شارحها كالآتي

بيتم جلب القطعة الحجرية ..وبيتم رسم خطوط عليها

وبعدين نحتها تدريجيا لحد ما توصل للشكل النهائي

وبرضه مفيش مشكله ان دي تكون الطريقة في بعض التماثيل الصغيرة لكن تنفيذ التماثيل الجرانيتية عالية الدقة مش حينفع تبقى بالطريقة دي

احنا النهارده بننحت التماثيل على الأقل بـ 4 طرق

نحت يدوي بأزاميل للتماثيل الخشبية أو الحجر الطري

نحت بأدوات كهربائية صغيرة الحجم

والتالته نحت بماكينات سي ان سي … والطريقة الرابعة نحت بأذرع روبوت 5 محاور

كل الطرق دي موجودة النهارده .. كوني بقى انشر صورتي وانا بنحت بالأزميل .. لا ينفي وجود طرق تانية للنحت

خلينا نلخص الجزء اللي فات .. لو قدماء المصريين مكانش عندهم غير الأدوات اليدوية البدائية اللي بتتعرض في المتاحف .. فالمفروض التماثيل دي متكونش موجودة النهارده

محتاجين دلوقتي نشوف تجارب مشابهة لنحت التماثيل في العصور الحديثة، ازاي عملوها وأصحابها وصلوا لإيه

والهدف اننا نوصل لإجابة لسؤال .. هل ممكن اننا ننحت تماثيل بالمستوى ده يدويا ولا لأ

تمثال نهضة مصر للفنان محمود مختار اللي اتنحت في أوائل القرن العشرين، واحد من أشهر التماثيل الحديثة

على شكل إمرأة مصرية وتمثال لأبو الهول .. وكان بيعبر عن واقع المصريين في الفترة دي

التمثال فنيا في منتهى الجمال .. معمول من الجرانيت الأحمر، وتفاصيله في منتهى الدقة والروعة ونقدر نقول انه في نفس المستوى الفني لتمثايل مصر القديمة

لكن في كذا نقطة عايزين نوضحها

أولا..التمثال متنحتش من قطعة واحدة لكن من عدة قطع وخطوط اللحام واضحة في التمثال

التمثال أخذ ما يقرب من 6 شهور للإنتهاء منه، وتم استعمال آلات حديثة وكهرباء لنحته

ولما وصل لمرحلة الصقل اتبعت ايطاليا يتعمل له صقل هناك .. علشان النوع ده من معدات الصقل مكانش متوفر في مصر

طيب هو محمود مختار معمولش ليه صقل صحيح بالرمل والأحجار زي ما قالوا لنا

بدل ما يتشحن ويروح إيطاليا وفلوس وسفر

شوية رمل كده وصنفر لحد ما ينعم

معلش كده ليه بقا ؟

علشان هو عارف ان موضوع الصقل بالرمل ده كلام فارغ .. وغير قابل للتنفيذ

وممكن تقارن بين تمثال نهضة مصر الفريد اللي خلد اسم صاحبه

وآلاف التماثيل التي نُحتت في عهد الحضارة المصرية واللي بعض التماثيل فيها بيوصل وزنه لـ 700 و 800 طن للقطعة واحدة

رسالة بعتها أحد النحاتين لكريس دن نشرها في كتابة بيقول

مدينة الأقصر مشهورة بورش الأحجار، بيكون اسمها مصانع الألابستر

المصانع دي بتصنع حاجات زي اللي قدماء المصريين كانوا بيصنعوها وبنفس الخامات

يعني بتلاقي تماثيل جرانيتية وبازلت، بتلاقي أواني من الألابستر، وجداريات ونقوش

واحدة من ورش الالابستر لقيت التمثالين دول

طول التمثال الواحد حوالي 2 متر .. واحد جرانيت أحمر وواحد جرانيت رمادي

ولقيت الراجل اللي عملهم .. اسمه عم حسان

اتعرفنا شوية كده .. بعدين سألته عن كيفية نحتها

فقال لي بيتجيلنا قطع من المحاجر، وبعدين يشتغل عليها الأول بالصاروخ الكهرباء

بعدين يبدا يحدد في تفاصيلها بمجموعة آلات أصغر

والتفاصيل الدقيقة زي ملامح الوجه أو الودن بتتعمل بآلة بيسوها ألماظة حاجة زي الشنيور كده

العملية كلها من أولها لآخرها بتم بمكن بيشتغل بالكهربا وقواطع ماس، مفيش صلب حتى، كله ماس

لازم الحاجتين دول كهربا .. وماس .. وبيشتغل معاه 4 أو 5 بيساعدوه وممكن تمثال زي ده على كلامه ياخد حوالي 3 أسابيع شغل

كان السؤال .. هل ممكن نعمل تمثال زي ده يدوي من غير أي كهرباء أو آلات؟

قال لي : لا .. لو جرانيت مش حينفع، ناشف اوي مش حينفع اشتغل فيه يدوي

طيب أمال ازاي تماثيل قدماء المصريين كانت بتتعمل ؟

فقال لي وهو بيضحك كده . ملناش دعوة بيهم الناس غير الناس، والصحة غير الصحة … ومكانش فيه إجابة كاملة على السؤال ده

زرت 4 ورش واتكلمنا مع اصحابها الإجابات كلها بلا استثناء قالوا لي مابننحتش جرانيت بايدينا ومنعرفش حد بينحت بايديه

طبعا ممكن واحد يقول لي يعني انت سبت النحاتين اللي دارسين نحت بشكل احترافي ورايح تسأل العامل البسيط اللي في ورش الأقصر

أنا جبت المثال ده ليه ..لأني كل ما كنت أسأل صديق في الآثار أقوله : هل التماثيل الجرانيت دي كانت بتنحتت يدوي ؟

يقول لي اه طبعا .. ولو رحت ورش الأقصر حتلاقيهم بينحتوا التماثيل يدوي

طيب ادينا روحنا ورش الأقصر .. فين بقا النحت اليدوي للجرانيت

لو رجعنا لكلام بلزوني عن التماثيل .. وشهادته مهمة لأنه كان موجود في وقت قبل الثورة الصناعية

فمكانش فيه كهربا ولا محركات ..وبلزوني أساسا كان متخصص في تركيب المعدات الهيدروليكية

وجه مصر لتركيب واحده من معدات رفع المياه دي في قصر محمد علي .. وبعدين اتجه للتنقيب عن الآثار

الكلام ده نشره في كتابه سنة 1819 .. يعني من 200 سنة .. قال ايه لما شاف تماثيل الأقصر الجرانيت

بعض الناس بتقول أن الحضارة الرومانية وعصر النهضة كان ليهم انتاج ضخم من التماثيل الرخامية المصنوعة يدويا

فايه المانع أن الحضارة المصرية يكون ليها انتاج ضخم يدوي برضه من التماثيل الجراينيتة

والرد أن الرخام صلادته 3.5 والتماثيل اتنحتت بواسطة ازاميل حديد في العهد الروماني الحديد 5.5، فالحديد يقدر ينحت الرخام ويشكله وينعمه

لكنه ميقدرش ينحت الجرانيت ..أو على أقصى تقدير نحت خارجي بس بدون التفاصيل

لأن الجرانيت أو الديوريت صلادتهم أعلى فمحتاجة ماس.. والماس اُكتشف بس في القرن 19

في متحف الفاتيكان .. في 4 تماثيل من الجرانيت الأحمر

الـ 4 تماثيل دول منحوتين حديثا بمكن ومعدات تكنولوجية

الطلاينة بارعين جدا في النحت

لكن انا عايزك تقارن بين صقل الماكينات الحديثة ..اللي شايفينه قدامنا ده

والصقل اللي من آلاف السنين لتمثايل زي امونحتب الثالث

أوتمثال الرأس الأخضر في برلين

يعني الرأس الخضرا ده … يخلي عقلك يشت من شدة نعومته

بص عليه واحكم بنفسك .. على مستوى الأدوات اللي كان عندهم

من ضمن الفرضيات الموضوعة على التماثيل انها معمولة من حجارة مصنوعة .. مش منحوتة

الطريقة دي بالعفل اسمها (الجيوبوليمر) وبيسموها في ورش الألابستر في الأقصر.. تماثيل خلطة أو بودرة

يعني ده الاسم الدارج

وبتبقى عبارة انه بيجيب بودرة الجرانيت اللي هي نتجت عن نحت تمثال قبل كده

وبيخلطوا معاها مجموعة مواد تانية بتخليه متماسك وبعدين بيعالجها بالحرارة فيطلع تمثال أو حجر متعرفش تفرقه عن التمثال العادي

دول تمثالين من البازلت .. أنوبيس ورمسيس

أنوبيس الطويل ده نحت ..ورمسيس معمول جيوبوليمر.. .. متعرفش تفرقهم عن بعض

.طبعا الجيوبوليمر بيبقى أرخص بكتير

فالسؤال هنا .. هل استعمل قدماء المصريين الجيوبوليمر ؟

الحقيقية مش دي الطريقة اللي استخدموها .. وفيه دليلين على الأقل على الموضوع ده

الأول عندنا في محجر أسوان نفسه .. ومنحوت فيه المسلة الناقصة وفيه منحوتة تانية غير مكتملة وواضح جدا انه نحت .. مش مصنوع من عجينة أو من خلطة

الدليل التاني أن موضوع الجيوبوليمبر بيخلي التمثال كله لون واحد لأنه معمول من عجيبنة متجانسة

لكن لو بصيت بقا على التماثيل في المتاحف حتلاقي انها مش متجانسة .. هي دي صورة الجرانيت الموجود في الطبيعة

طيب احنا عندنا خلاف دلوقتي

ناس بتقول أدوات بدائية موجودة في المتاحف هي اللي عملت التماثيل وناس تانية بتقول لا الأدوات دي لا يمكن تكون هي اللي نحتت التماثيل

طيب نحسم الموضوع ده ازاي

الحل ان حد يتطوع وينحت لنا تمثال من الألف للياء بالمستوى ده بالأدوات البدائية ..

وساعتها كلنا حنقتنع

فإجابة على السؤال اللي سألناه في الأول ..إذا كان ممكن ننحت تماثيل مشابهة بنفس الدقة والجمال من الجرانيت

الإجابة أيوه ممكن ننحت تمثايل النهارده بنفس السيميترية بنفس الدقة بنفس الجمال والصلادة

ولكن طبعا بألات منطورة مش بدائية

لكن حيتبقى حاجه أعتقد أننا مش حنعرف نعملها زيها

أننا نعمل تماثيل بنفس الأوزان والأحجام العملاقة

دي مثلا قائمة بالتماثيل الأطول في العالم ومعظمها معمول في دول شرق أسيا .. زي الصين .. اليابان.. .. تايلاند ..الهند

أحجامها ضخمة جدا بالفعل..بس التماثيل دي مش كتلة صخرية واحده

معظمها مصنوع من قطع حجرية مجمعة أو مسبوك من معادن زي البرونز والدهب والفضة أو معمول من خلطة زي الخلطة الأسمنتية .. يعني متنحتش

النحت من كتلة واحده ده مش موجودة غير في الحضارات القديمة بس

الحضارة المصرية، العراق، الهند، بيرو، شيلي

اللي هما المفترض كانوا بينحتها يعني بالأزاميل والشواكيش

تماثيل امونحتب الثالث، ورمسيس الثاني في الرامسيوم نماذج على حاجات عندي شك اننا نقدر نعمل زيها النهارده

العقلية اللي بنت الأهرامات، هي نفسها اللي نحتت المسلات والتماثيل

الأهرامات دايما تحت الأضواء علشان ضخامتها ..لكن زي ما احنا بنمر على الحلقات، كل الآثار لا تقل عظمة أو اعجاز

لو عندك لك الفرصة انزل المتاحف، اتفرج على التماثيل اللي فيها


التماثيل statue 6 (2/2) statue 6 (2/2) heykel 6 (2/2)

الشكل البيضاوي أو الاهليجي .. أو الايليبس المفترض أنه .. بدأ في اليونان حوالي 400 ق.م على ايد علماء الاغريق زي أرشميدس وبروكلس The oval or elliptical shape .. or the ellipses is supposed to have .. began in Greece around 400 BC at the hands of Greek scholars such as Archimedes and Proclus

رسمه مش صعب، بس مش سهل وأرشميدس ابتكر آلة علشان يرسمه بتتحرك على محاور عمودية

بعد كده وصلنا لمعادلات ترسمه

ودلوقتي بالكمبيوتر طبعا بنرسمه بسهولة

لكن الفكرة في التاج الأبيض .. مش أنه جزء من اهليج مرسوم .. ولا حتى منقوش .. لا ده نحت مجسم

في وقت المفترض ان مكانش فيه أدوات متاحة .. فلازم كان يبقى عندهم حاجه تنحت مسارات في الجرانيت الشكل ده

والموضوع مكرر بحافيره في تيجان تماثيل اخرى مختلفة

ففي النهاية انت بتحس انك واقف قدام منتج متفوق .. اتعمل له تصميم .. وتنفيذ .. بأدوات وتقنيات ومعارف متطورة

ممكن بعد شوية حتبدأ عينك تلاحظ الدقة اللي في نحت التماثيل، وحتلاحظ التماثيل الأصلية من المرممة

يعني تمثال رمسيس الثاني اللي على اليمين .. أول ما شفته قلت التاج بتاعه ده أكيد مترمم لأن التاج مش على استقامة الجسم

وفعلا لما رجعت لصور أقدم لقيت التاج مش على الرأس، فواضح انه اترفع حديثا، لكنه مترفعش في وضعه الأصلي

أنا مش بقلل من أعمال الترميم، بس بقول ان التمثال كان بيخرج من تحت ايد اصحابه حاجه مختلفة

في ودان التماثيل .. حتلاقي نفس الجيوميترية

ودي اللي احنا بنعمها في الماكينات الحالية .. باسم كونتورز

تصحيحا لمعلومة، في صورة لودن امونحتب الثالث في المتحف البريطاني منتشرة على الفيسبوك وعليها تعليق انه لا يمكن نحتها بالماكينات الحديثة

الحقيقة ، الكلام ده مش حقيقي .. لأننا نقدر ننحت زيها النهارده بالمكن وحنشوف بعد شويه نماذج لنحت متطور

بص لأي حاجه حواليك

شكل اللمبة

شاشات التلفيزيون

تروس المكن

تكرار الأشكال الهندسية المعروفة زي الدايرة، والمستطيل والمربع

بيقول بكل وضح أن فيه آلات واقفة ورا الصناعات دي

نفس المبدأ ده مُكرر في الحضارة المصرية .. مش في التماثيل بس .. لكن في معظم آثار مصر القديمة

في كلام مراجع المصريات عن التماثيل أنه حصل فيها تطور على مدار 3000 سنة

لكن التطور اللي حصل في نحت التماثيل مقابلوش تطور في أدوات النحت

يعني معظم المراجع الرسمية بتقول لنا أن منحوتات الأسرات الأولى أو اللي قبلها كانت صغيرة الحجم وعددها قليل وبتتعمل بالحجارة والأزاميل

طيب وتماثيل الدولة الحديثة الجراينيتة العملاقة ؟

برضه كانت بتتنحت بالحجارة والأزاميل وكأن محصلش أي تطور في الأدوات المستخدمة على مدار 3000 آلاف سنة

لو جبنا رسام وطلبنا منه يرسم لوحة فنية ملونة .. وادينا له قلم رصاص حيكون رده التلقائي ان مش حينفع .. وأنه محتاج ألوان

حنقول له خد الوقت اللي انت عايزه في الرسم .. طيب حنجيب ناس تساعدك

برضه مش حينفع .. كل الحاجات دي ملهاش أي قيمة .. حتى لو هو اعظم فنان حتى لو هو عبقري

موهبته ومهارته مش حيبقى ليها لازمة من غير الأدوات .. لازم الأدوات .. لازم يجيب ألوان علشان يأدي بيها المهمة

طبق نفس المبدأ على أي مجال تاني مكانش حينفع نبني ناطحات سحاب إلا لما تخترع الصلب علشان نعرف نصل لارتفاعات عالية

علشان نعرف ننقب عن البترول اخترعنا حفارات .. هل ينفع أنقب على البترول بجاروف مثلا أو بايدي ؟

ونقعد نحفر في البيرالواحد 20 سنة بقا

ولذلك فالمنطق أن النحات يقول لحظة واحده أنا مش حعرف اعمل التمثال ده النهارده

لكني حبتكر أدوات ومعدات تساعدني اني أعمله

زي أرشميدس .. معرفش يرسم الشكل البيضاوي.. إلا لما ابتكر له آلة ترسمه

ده الفكر البشري الطبيعي

عندنا نقش من مقبرة كا-ام-ريحو في سقارة، نحاتين بتنحت تمثال بشاكوش وأزميل

طيب انت عمال تقول لنا أدوات متقدمة، وتكنولوجيا، ومش عارف ايه .. في حين أن النقوش قدامنا اهي ازميل وشاكوش

في كذا نقطة هنا محتاجين نوضحها

أولا قدماء المصريين مدونوش على الملأ كل حاجه

مدونوش أسرارهم مدونوش علومهم، وإلا يبقوا ناس ساذجه

هما اختاروا حاجات معينة ودونها، مفيش دولة بتنشر أسرارها وعلومها قدام العالم كده و أي حد معدي يقدر يشوفها، هم اختاروا حاجات معينة ودونوها

يعني مثلا انت عمرك ما حتلاقي تصاميم الطيارات والعربيات اللي أمريكا بتعملها منشورة في أي حتة دي بتُحاط بسرية بالغة من أجل المحافظة عليها

وحتى حاجات أقل من كده زي تصميمات دوائر السيليكون للموبيلات أو الكمبيوتر

دي أسرار شركات كلها غير متاحة غير للناس اللي شغال جوا الشركة، وغير مسموح بنشرها

ده كمان وبيتم تجريم النشر ده علشان تحافظ على التكنولوجيا بتاعتها

فهل انت منتظر تلاقي أسرار بنا الأهرامات ونحت المسلات والتماثيل كده على الملأ ؟ .. أكيد لأ طبعا

ممكن التمثال اللي قدامنا يكون من حجر رملي .. فممكن يتنحت بالأزاميل،

زي مثلا تمثال زوسر في المتحف المصري ده ممكن جدا يتنحت يدوي لكن وجود نقوش زي دي لا ينفي وجود أساليب أخرى نُحتت بيها التماثيل الجرانيتية أو الحجرية الكبيرة

عندنا برضه رسوم في مقبرة رخميرع وزير تحتمس الثالث لمجموعة نحاتين شغالين على تماثيل لونها أحمر وفي الأغلب دي جرانيت

والبعض بيستنتج من النقوش دي ان النحت للجرانيت يدوي أهو لكن لو دققت حتلاقي النقوش مفهاش أزاميل ولا شواكيش

واللي بيعملوه في الغالب عملية التنضيف والتلميع النهائية اللي هي بيبقى اسمها البوليشينج للتمثال أو عملية تلوين أوإزالة أثار الأدوات

ودي حاجات لحد النهارده احنا بنعملها برضه يدوي

قدماء المصريين مدونوش على الملأ كل حاجه هم عملوها

خطوات النحت اللي مبتناة رسميا .. متحف ميونخ شارحها كالآتي

بيتم جلب القطعة الحجرية ..وبيتم رسم خطوط عليها

وبعدين نحتها تدريجيا لحد ما توصل للشكل النهائي

وبرضه مفيش مشكله ان دي تكون الطريقة في بعض التماثيل الصغيرة لكن تنفيذ التماثيل الجرانيتية عالية الدقة مش حينفع تبقى بالطريقة دي

احنا النهارده بننحت التماثيل على الأقل بـ 4 طرق

نحت يدوي بأزاميل للتماثيل الخشبية أو الحجر الطري

نحت بأدوات كهربائية صغيرة الحجم

والتالته نحت بماكينات سي ان سي … والطريقة الرابعة نحت بأذرع روبوت 5 محاور

كل الطرق دي موجودة النهارده .. كوني بقى انشر صورتي وانا بنحت بالأزميل .. لا ينفي وجود طرق تانية للنحت

خلينا نلخص الجزء اللي فات .. لو قدماء المصريين مكانش عندهم غير الأدوات اليدوية البدائية اللي بتتعرض في المتاحف .. فالمفروض التماثيل دي متكونش موجودة النهارده

محتاجين دلوقتي نشوف تجارب مشابهة لنحت التماثيل في العصور الحديثة، ازاي عملوها وأصحابها وصلوا لإيه

والهدف اننا نوصل لإجابة لسؤال .. هل ممكن اننا ننحت تماثيل بالمستوى ده يدويا ولا لأ

تمثال نهضة مصر للفنان محمود مختار اللي اتنحت في أوائل القرن العشرين، واحد من أشهر التماثيل الحديثة

على شكل إمرأة مصرية وتمثال لأبو الهول .. وكان بيعبر عن واقع المصريين في الفترة دي

التمثال فنيا في منتهى الجمال .. معمول من الجرانيت الأحمر، وتفاصيله في منتهى الدقة والروعة ونقدر نقول انه في نفس المستوى الفني لتمثايل مصر القديمة

لكن في كذا نقطة عايزين نوضحها

أولا..التمثال متنحتش من قطعة واحدة لكن من عدة قطع وخطوط اللحام واضحة في التمثال

التمثال أخذ ما يقرب من 6 شهور للإنتهاء منه، وتم استعمال آلات حديثة وكهرباء لنحته

ولما وصل لمرحلة الصقل اتبعت ايطاليا يتعمل له صقل هناك .. علشان النوع ده من معدات الصقل مكانش متوفر في مصر

طيب هو محمود مختار معمولش ليه صقل صحيح بالرمل والأحجار زي ما قالوا لنا

بدل ما يتشحن ويروح إيطاليا وفلوس وسفر

شوية رمل كده وصنفر لحد ما ينعم

معلش كده ليه بقا ؟

علشان هو عارف ان موضوع الصقل بالرمل ده كلام فارغ .. وغير قابل للتنفيذ

وممكن تقارن بين تمثال نهضة مصر الفريد اللي خلد اسم صاحبه

وآلاف التماثيل التي نُحتت في عهد الحضارة المصرية واللي بعض التماثيل فيها بيوصل وزنه لـ 700 و 800 طن للقطعة واحدة

رسالة بعتها أحد النحاتين لكريس دن نشرها في كتابة بيقول

مدينة الأقصر مشهورة بورش الأحجار، بيكون اسمها مصانع الألابستر

المصانع دي بتصنع حاجات زي اللي قدماء المصريين كانوا بيصنعوها وبنفس الخامات

يعني بتلاقي تماثيل جرانيتية وبازلت، بتلاقي أواني من الألابستر، وجداريات ونقوش

واحدة من ورش الالابستر لقيت التمثالين دول

طول التمثال الواحد حوالي 2 متر .. واحد جرانيت أحمر وواحد جرانيت رمادي

ولقيت الراجل اللي عملهم .. اسمه عم حسان

اتعرفنا شوية كده .. بعدين سألته عن كيفية نحتها

فقال لي بيتجيلنا قطع من المحاجر، وبعدين يشتغل عليها الأول بالصاروخ الكهرباء

بعدين يبدا يحدد في تفاصيلها بمجموعة آلات أصغر

والتفاصيل الدقيقة زي ملامح الوجه أو الودن بتتعمل بآلة بيسوها ألماظة حاجة زي الشنيور كده

العملية كلها من أولها لآخرها بتم بمكن بيشتغل بالكهربا وقواطع ماس، مفيش صلب حتى، كله ماس

لازم الحاجتين دول كهربا .. وماس .. وبيشتغل معاه 4 أو 5 بيساعدوه وممكن تمثال زي ده على كلامه ياخد حوالي 3 أسابيع شغل

كان السؤال .. هل ممكن نعمل تمثال زي ده يدوي من غير أي كهرباء أو آلات؟

قال لي : لا .. لو جرانيت مش حينفع، ناشف اوي مش حينفع اشتغل فيه يدوي

طيب أمال ازاي تماثيل قدماء المصريين كانت بتتعمل ؟

فقال لي وهو بيضحك كده . ملناش دعوة بيهم الناس غير الناس، والصحة غير الصحة … ومكانش فيه إجابة كاملة على السؤال ده

زرت 4 ورش واتكلمنا مع اصحابها الإجابات كلها بلا استثناء قالوا لي مابننحتش جرانيت بايدينا ومنعرفش حد بينحت بايديه

طبعا ممكن واحد يقول لي يعني انت سبت النحاتين اللي دارسين نحت بشكل احترافي ورايح تسأل العامل البسيط اللي في ورش الأقصر

أنا جبت المثال ده ليه ..لأني كل ما كنت أسأل صديق في الآثار أقوله : هل التماثيل الجرانيت دي كانت بتنحتت يدوي ؟

يقول لي اه طبعا .. ولو رحت ورش الأقصر حتلاقيهم بينحتوا التماثيل يدوي

طيب ادينا روحنا ورش الأقصر .. فين بقا النحت اليدوي للجرانيت

لو رجعنا لكلام بلزوني عن التماثيل .. وشهادته مهمة لأنه كان موجود في وقت قبل الثورة الصناعية

فمكانش فيه كهربا ولا محركات ..وبلزوني أساسا كان متخصص في تركيب المعدات الهيدروليكية

وجه مصر لتركيب واحده من معدات رفع المياه دي في قصر محمد علي .. وبعدين اتجه للتنقيب عن الآثار

الكلام ده نشره في كتابه سنة 1819 .. يعني من 200 سنة .. قال ايه لما شاف تماثيل الأقصر الجرانيت

بعض الناس بتقول أن الحضارة الرومانية وعصر النهضة كان ليهم انتاج ضخم من التماثيل الرخامية المصنوعة يدويا

فايه المانع أن الحضارة المصرية يكون ليها انتاج ضخم يدوي برضه من التماثيل الجراينيتة

والرد أن الرخام صلادته 3.5 والتماثيل اتنحتت بواسطة ازاميل حديد في العهد الروماني الحديد 5.5، فالحديد يقدر ينحت الرخام ويشكله وينعمه

لكنه ميقدرش ينحت الجرانيت ..أو على أقصى تقدير نحت خارجي بس بدون التفاصيل

لأن الجرانيت أو الديوريت صلادتهم أعلى فمحتاجة ماس.. والماس اُكتشف بس في القرن 19

في متحف الفاتيكان .. في 4 تماثيل من الجرانيت الأحمر

الـ 4 تماثيل دول منحوتين حديثا بمكن ومعدات تكنولوجية

الطلاينة بارعين جدا في النحت

لكن انا عايزك تقارن بين صقل الماكينات الحديثة ..اللي شايفينه قدامنا ده

والصقل اللي من آلاف السنين لتمثايل زي امونحتب الثالث

أوتمثال الرأس الأخضر في برلين

يعني الرأس الخضرا ده … يخلي عقلك يشت من شدة نعومته

بص عليه واحكم بنفسك .. على مستوى الأدوات اللي كان عندهم

من ضمن الفرضيات الموضوعة على التماثيل انها معمولة من حجارة مصنوعة .. مش منحوتة

الطريقة دي بالعفل اسمها (الجيوبوليمر) وبيسموها في ورش الألابستر في الأقصر.. تماثيل خلطة أو بودرة

يعني ده الاسم الدارج

وبتبقى عبارة انه بيجيب بودرة الجرانيت اللي هي نتجت عن نحت تمثال قبل كده

وبيخلطوا معاها مجموعة مواد تانية بتخليه متماسك وبعدين بيعالجها بالحرارة فيطلع تمثال أو حجر متعرفش تفرقه عن التمثال العادي

دول تمثالين من البازلت .. أنوبيس ورمسيس

أنوبيس الطويل ده نحت ..ورمسيس معمول جيوبوليمر.. .. متعرفش تفرقهم عن بعض

.طبعا الجيوبوليمر بيبقى أرخص بكتير

فالسؤال هنا .. هل استعمل قدماء المصريين الجيوبوليمر ؟

الحقيقية مش دي الطريقة اللي استخدموها .. وفيه دليلين على الأقل على الموضوع ده

الأول عندنا في محجر أسوان نفسه .. ومنحوت فيه المسلة الناقصة وفيه منحوتة تانية غير مكتملة وواضح جدا انه نحت .. مش مصنوع من عجينة أو من خلطة

الدليل التاني أن موضوع الجيوبوليمبر بيخلي التمثال كله لون واحد لأنه معمول من عجيبنة متجانسة

لكن لو بصيت بقا على التماثيل في المتاحف حتلاقي انها مش متجانسة .. هي دي صورة الجرانيت الموجود في الطبيعة

طيب احنا عندنا خلاف دلوقتي

ناس بتقول أدوات بدائية موجودة في المتاحف هي اللي عملت التماثيل وناس تانية بتقول لا الأدوات دي لا يمكن تكون هي اللي نحتت التماثيل

طيب نحسم الموضوع ده ازاي

الحل ان حد يتطوع وينحت لنا تمثال من الألف للياء بالمستوى ده بالأدوات البدائية ..

وساعتها كلنا حنقتنع

فإجابة على السؤال اللي سألناه في الأول ..إذا كان ممكن ننحت تماثيل مشابهة بنفس الدقة والجمال من الجرانيت

الإجابة أيوه ممكن ننحت تمثايل النهارده بنفس السيميترية بنفس الدقة بنفس الجمال والصلادة

ولكن طبعا بألات منطورة مش بدائية

لكن حيتبقى حاجه أعتقد أننا مش حنعرف نعملها زيها

أننا نعمل تماثيل بنفس الأوزان والأحجام العملاقة

دي مثلا قائمة بالتماثيل الأطول في العالم ومعظمها معمول في دول شرق أسيا .. زي الصين .. اليابان.. .. تايلاند ..الهند

أحجامها ضخمة جدا بالفعل..بس التماثيل دي مش كتلة صخرية واحده

معظمها مصنوع من قطع حجرية مجمعة أو مسبوك من معادن زي البرونز والدهب والفضة أو معمول من خلطة زي الخلطة الأسمنتية .. يعني متنحتش

النحت من كتلة واحده ده مش موجودة غير في الحضارات القديمة بس

الحضارة المصرية، العراق، الهند، بيرو، شيلي

اللي هما المفترض كانوا بينحتها يعني بالأزاميل والشواكيش

تماثيل امونحتب الثالث، ورمسيس الثاني في الرامسيوم نماذج على حاجات عندي شك اننا نقدر نعمل زيها النهارده

العقلية اللي بنت الأهرامات، هي نفسها اللي نحتت المسلات والتماثيل

الأهرامات دايما تحت الأضواء علشان ضخامتها ..لكن زي ما احنا بنمر على الحلقات، كل الآثار لا تقل عظمة أو اعجاز

لو عندك لك الفرصة انزل المتاحف، اتفرج على التماثيل اللي فيها