حارات نابلس القديمة - الجزء 1 | حارة الغرب | يلا معانا ع فلسطين

السلام عليكم. مرحبا بكم متابعينا الكرام في قناة يلا

معنا ع فلسطين. اهلا وسهلا فيكم في حلقة جديدة من حلقاتنا من

ربوع فلسطين. احنا اليوم راح ناخدكم في جولة مميزة ورائعة في

مدينة نابلس. جبل النار. راح ناخدكم جولة في ازقتها. وفي

البلدة القديمة لحتى نتعرف عتاريخها. واهم الحارات في

البلدة القديمة. خليكم معنا. واهلا وسهلا فيكم. ويلا معانا

ع فلسطين

هذه الحلقة برعاية قصر الابواب. الخليل طريق

بئر المحجر مقابل جمعية الاحسان. متابعينا الكرام. مرحبا فيكم من

جديد. راح نبلش معكم. جولتنا في البلدة القديمة في مدينة نابلس.

راح ندخل من الجهة الغربية في البلدة القديمة. وهذا المكان او

هذا المدخل هو حارة الغرب. طبعا هذا المكان اللي بميزه وجود هذا

المسجد القديم. اسس تقريبا قبل اكثر من مية وثلاثين سنة. اه في

العهد العثماني. والمسمى بمسجد الخضر. راح ندخل معكم القديمة.

من هون لحتى نتعرف على اهم حاراتها واحواشها. وزقاقها.

تفضلوا معنا.

متابعينا بنرحب بالاخ كيان المصري وهو احد شباب مدينة نابلس

المهتمين في البلدة القديمة. راح يرافقنا بهاي الجولة لحتى يعطينا

معلومات اكتر عن البلدة القديمة في نابلس. مرحبا اخ كيان. اهلا

وسهلا شرفتونا بمدينة نابلس ونورتونا. اخ كيان اه ممكن

تعطينا فكرة عن المبنى الموجود احنا جنبه الان. اه حاليا جنب

صبانة. هاي الصبانة كانت اه احد اساسات مدينة نابلس حارة الغرب.

اه تميز نابلس من اه زمان الصبانة. كان عنا ايش يعني مصنع

صابون? مصنع للصابون. نعم. اوك. معروف دايما النابلسية. الصابون

النابلسية من اجود الانواع على بديش ابالغ بس بمستوى العالم

عشانها مصنوعة من مواد عضوية. من زيت الزيتون هاد بيميزها عن باقي

الصابون الموجودة حول العالم انه اشي طبيعي. الان هاي الصبانة

شغالة. حاليا لأ. حاليا بدها تتحول لمطعم سليم افندي. بده

يعيد احيائها من جديد بعد ما كانت اه شبه مهجورة. فحاليا

المفروض تتحول لمزار سياحي كمان. طيب الان بدي اسألك بشكل عام عن

الصبانات في البلدة القديمة مشهورة فيها. هل لا زال اه مصانع

صابون او زي ما بيسموها صبانات موجودة شغالة للاسف الشديد لم

يعد الكثير من الصبانات موجودة بمدينة نابلس. اه بسبب قلة

التجارة. كانت نابلس مدينة تجارية واسعة. فكان يجي عليها

التجار من انحاء العالم. نعم. كان يجوا من العراق ومن سوريا

كانوا بييجوا من مركز تجاري. فاحنا بنلاحز لانه شوي في منطقة

اسمها كان التجار. بشكل بالكامل مؤسس للتجار بشكل عام انهم

يسكنوا نابلس اليوم ويومين ياخدوا يتبضعوا من مدينة نابلس

خصوصا موضوع الصابون. ويرضوا يسافروا على دولهم. تمام. طبعا

الخان هو يا اخوان هو كان قديما يعني اسمه خان وهو كان بمكان

يعني نزول للتجار زي الفندق حاليا يعني او زي الاوتيل.

مزبوط. طيب. ممكن نحكي لكم قصة اه قصة سريعة عن التراث الشعبي.

اه زي ما بنلاحز عنا كتير مؤسس موضوع وفوقيه المنازل. هون كانت

مبنية على الجيرة والمحبة. مثلا منيجي هذا الجار اللي هون للجار

اللي جنبه. بقول له بدنا نجوز الصبي. بقول له تعطيني كتفك

ولا كتفي الك. يعني بتسمح لي اني ابني على القوس على الضهر

تاع بيتك ابني القوس بنبني فيها غرفة للصبي عشان نتجوز فيها.

فهون بنات على مبدأ المحبة والجيرة بين الجيران. بتبنت اغلب

اقواس مدينة نابلس عالمحبة والجيرة. ما شاء الله. جميل جدا.

طبعا يا اخوان اه مدينة نابلس او البلد القديمة فيها تتميز بوجود

العديد من الحمامات التركية. ما بعرف ازا اليوم شغالة هاي

الحمامات حمامات تركية من التراث الشعبي لهلأ احنا محافزين عليه.

كان في اله ايام معينة ايام معينة للنساء. كان يجي يتحمم

عليه بشكل استمرار. لليوم شغالين. كل يوم شغالين. بنقام

فيها الاعراس والاحتفاليات. والشباب لهلأ محافزين عهاد

التراث لهلأ بتحمموا بنفس الحمامات. بنكمل معكم. الان

نتوجه من حارة الغرب في البلد القديمة. الى خان الوكالة اللي

كان يجي عليه التجار. في البلد هون. تفضلوا معنا. طبعا احنا

خلال طريقنا رح نشوف اه بعض المعالم الاساسية او المحلات

الشعبية او الى اخره. اه هاي احنا عمالنا هون بنلاحظ اه يا

اخي كيان هاي الزاوية صوفية. صحيح. الزوايا الصوفية موجودة

بنابلس. يعني طب هاي ايش الان هاي يعني? اه مكان للصلاة ولا

ايش? مكان للتعبد. صحيح. وبنفس الوقت اه هي عبارة عن مجموعة من

الناس المتصوفين. بطلعوا بالاعياد وبالمناسبات الدينية.

بحيوها هاي الذكرى. ازا بتلاقي في عندهم اه اه طبل الخاصة. هون

يا اخوان يعني الصوفيين هم طائفة اه اسلامية. اه ولكن الهم مكان

يعني هو باعتبار مسجد يسمى بالزاوية. فهذا المكان موجود في

البلدة القديمة في نابلس. اسمه زاوية الشيخ نظمي.

اه متابعينا الكرام اه احنا من مدينة الخليل وجينا اليوم نزور

مدينة نابلس والبلدة القديمة في نابلس. اه سجلنا عدة حلقات في

البلدة القديمة مدينة الخليل. وهينا اليوم في نابلس. حقيقة

في اه يعني وجه تشابه كبير ما بين اه المدينتين من حيث التصميم

اه المعماري. من حيث الاحواش قصبة السوق. مثلا القناطر.

يعني هون هون شارع رئيسي بوسط البلدة القديمة بالشارع الرئيسي

الموجود في الخليل والمسمى بحارة الازازين في هناك شيء بنسميه

القصبة اللي هي السوق الطريق الرئيسي وهون نفس الشيء. وكمان

الاقواس الموجودة هون والطريقة المعمارية نفس الطريقة المتبعة

في الخليل. وهاي هون اللي الطريق جينا منها. هي باعتباره بنسميها

احنا قنطرة او قنطرة. اه نفس المبدأ الموجود في مدينة الخليل.

طبعا احنا في مدينة الخليل اللي قام يعني بناء اغلب المباني

القديمة اه تم بناءها في العصر المملوكي وتم التحديث عليها

والاضافة عليها بالعصر العثماني واللي اليوم موجودة الاثار بشكل

واضح اه المتميزة من الفن المعماري العثماني والمملوكي في

مدينة الخليل. وهون اه نفس المبدأ الموجود بالخليل موجود

هون. رح نكمل معكم. طبعا يا اخوان احنا اليوم يعني هو يوم

السبت في اغلاق مدينة نابلس جميع الغربية بسبب الوضع وباء

كورونا. اه الدنيا هي مسكرة بشكل عام. ولكن احنا حبينا اه ناخدكم

بهاي الجولة لحتى تعرفوا الاساسيات. هو بالايام

العادية. هذا السوق بكون يعج يعني بالحياة هو وسط مدينة

نابلس. الحركة فيه كتير قوية. على عكس للاسف مدينة الخليل.

اللي السوق فيها دائما يعني مغلق ومهمل بسبب الاحتلال الاسرائيلي.

اللي بميز البلدة القديمة في نابلس انه يعني ما مستوطنين او

ما فيها احتلال اسرائيلي بوسط السوق. طبعا هون حمام خان

الوكالة. وتأسس اه تقريبا الف وتمنمية وتمنية وستين زي ما هو

مكتوب. هيو. اه كان اول اشي كان موجود لايواء الجندي التركي

العثماني. كان هو بتكون من طاقات زي ما انتم ملاحظين. الطابق

العلوي اه بستخدم للسكن لنزل الجنود او كانت للتجار. والطابق

التحتاني كان مكان زي المحلات الزغيرة. كل محل ينحط فيه بضاعة.

ينصف في الاحصنة عشان يبيتوا الليلة والليلة التانية يكونوا

مسافرين. طبعا زي ما بنعرف اه اه زلزال عام الف وتسعمية وسبعة

وعشرين اثر عمدينة نابلس بالاخص. فتهدمت اغلب الحارات الغربية

ومنها كان خان الوكالة. وبعديها اه بالالفين وخمسة رد اعادة

ترميمه بالفين واطنعش ترميمه. اه وتاسس عنا مكانه حاليا اه اوتيل

خاص اه اه بقوى السياح عند اه زيارة مدينة نابلس. متابعينا راح

نكمل معكم. رح نتوجه من خان الوكالة. الى حارة الياسمين في

البلدة القديمة في نابلس. تفضلوا معنا.

احنا يا اخوان متوجهين حارة الياسمينة. ولكن من اه سوق

البصل. اخي يعني احنا الان جينا من خان الوكالة سوق البصل. هون

مفترق موجود في وسط السوق. هون احنا بنسميه المصلب. جاي بشكل

الصليب. هون بعتبره زي مفترق طرق بوديك على اكثر من جهة. هون عنا

مثلا حارة عنا سوق البصل. هون بكون الخانة الخام التجاري. هون

اغلبه كله محلات تجارية. نعم. واللي باتجاه توجه حاليا من هاي

الجهة لحارة الياسمين. يلا.

رح نتوجه الان الى حارة الياسمين. من هاي القنطرة من

هون. تفضلوا معنا لحتى نتعرف على احد اهم الاحياء الرئيسية في

البلد القديمة.

هذه الحلقة برعاية قصر الابواب. الخليل طريق بئر المحجر مقابل

جمعية الاحسان.