باسل هينضف أوضته.
عنده حاجات كتير يعملها.
أول حاجة هيلم هدومه المتوسخة.
وبعدها, هيغسل هدومه في الغسالة.
هينضف تحت سريره كمان.
هيلاقي لعب كتير تحت السرير.
هيحط كل اللعب في الدولاب.
و اخر حاجة، هينضف مكتبه وهيحط حاجة المدرسة على مكتبه.
هو شايف ان امه هتكون مبسوطة جداً.
ودي نفس القصة بيحكيها باسل بنفسه.
أنا كنت بنضف أوضتي.
كان عندي حاجات كتير اعملها.
اول حاجة لميت هدومي المتوسخة.
وبعدها, غسلت هدومي في الغسالة.
نضفت تحت سريري كمان.
لقيت لعب كتير تحت السرير.
حطيت كل اللعب في الدولاب.
و اخر حاجة نضفت مكتبي وحطيت حاجة المدرسة على مكتبي
بيتهيألي ماما هتكون مبسوطة جداً.
الأسئلة:
و دلوقتي فيه شوية أسئلة. جاوب عليها، أو اسمع الاجابات.
واحد: باسل هينضف أوضته.
باسل هيعمل إيه؟
هو هينضف أوضته.
اتنين: باسل عنده حاجات كتير يعملها.
هو عنده شوية حاجات يعملها؟
لأ، معندوش شوية حاجات يعملها.
هو عند حاجات كتير يعملها.
تلاتة: أول حاجة هيلم هدومه المتوسخة.
ايه أول حاجة هيعملها؟
أول حاجة هيلم هدومه المتوسخة.
أربعة: بعد كدة هيغسل هدومه في الغسالة.
هيعمل ايه بعد كدة؟
بعد كدة هيغسل هدومه في الغسالة.
خمسة: باسل هينضف تحت سريره.
باسل هيعمل ايه؟
باسل هينضف تحت سريره.
ستة: باسل لقى لعب كتير تحت سريره.
ايه اللي لقاه باسل تحت سريره؟
باسل لقى لعب كتير تحت سريره.
سبعة: باسل حط اللعب بتاعته كلها في الدولاب.
باسل حط اللعب فين؟
هو حط اللعب كلها في الدولاب.
تمانية: اخر حاجة باسل نضف مكتبه وحط حاجة المدرسة عالمكتب.
ايه اخر حاجة عملها باسل؟
أخر حاجة، باسل نضف مكتبه وحط حاجة المدرسة عالمكتب.
تسعة: باسل شايف ان امه هتبقى مبسوطة جداً.
باسل شايف ان امه هتبقى مالها؟
باسل شايف ان امه هتبقى مبسوطة جداً.
