- أ - حازم متحمس لأجازة الشتا.
عنده أجازة من الشغل لمدة اسبوعين.
حازم عنده وقت فاضي كتير في الشتا.
هو عايز يخرج ويتفسح..عايز يغير جو.
بس مش عارف هيروح فين.
حازم نفسه يروح فرنسا.
بس فرنسا غالية.
وتذاكر الطيران غالية أوي.
وحازم أصلا مابيعرفش يتكلم فرنساوي.
فقرر انه يتعلم فرنساوي.. ويوفر فلوسه ويقعد في البيت.
ودي نفس القصة بيحكيها حازم بنفسه.
انا متحمس لأجازة الشتا.
عندي أجازة من الشغل لمدة اسبوعين.
وعندي وقت فاضي كتير في الشتا.
انا عايز اخرج واتفسح..عايز اغير جو.
بس مش عارف هروح فين.
انا نفسي اروح فرنسا.
بس فرنسا غالية.
تذاكر الطيران غالية أوي.
وانا أصلا مابعرفش اتكلم فرنساوي.
فقررت اني اتعلم فرنساوي.. واوفر فلوسي واقعد في البيت.
الأسئلة:
ودي شوية أسئلة حاول تجاوب عليها.. أو اسمع الأجابات.
السؤال الأول: حازم متحمس لأجازة الشتا وعنده أجازة من الشغل لمدة اسبوعين.
أجازة الشتا مدتها قد ايه؟
أجازة الشتا مدتها اسبوعين.
السؤال التاني: هو عايز يخرج ويتفسح..عايز يغير جو.
حازم عايز يعمل ايه في الأجازة؟
هو عايز يخرج ويتفسح..عايز يغير جو.
السؤال التالت: حازم نفسه يروح فرنسا.
حازم نفسه يروح فين؟
حازم نفسه يروح فرنسا.
السؤال الرابع: بس فرنسا غالية وتذاكر الطيران غالية أوي. وحازم أصلا مابيعرفش يتكلم فرنساوي.
هل فرنسا رخيصة؟
لأ.. فرنسا غالية.
السؤال الخامس: ليه حازم ماراحش فرنسا؟
لأن فرنسا غالية و هو اصلا مابيعرفش يتكلم فرنساوي.
السؤال السادس: فقرر انه يتعلم فرنساوي.. ويوفر فلوسه ويقعد في البيت.
حازم قرر يعمل ايه في الأجازة؟
حازم قرر انه يتعلم فرنساوي.. ويوفر فلوسه ويقعد في البيت.
