احمد عايز يعمل عيد ميلاد لنور.
وعايز يجيبلها هدية.
هو مش متعود على جو اعياد الميلاد.
قلقان ومحتار ومش عارف هيجيب ايه.
نور بتحب المجوهرات والحيوانات واللون الأزرق.
احمد قرر انه يروح يبص في محل المجوهرات.
وهو في محل المجوهرات لقى سلسلة فضة حلوة اوي.
السلسلة كان عليها قطة زرقا.
احمد كان مبسوط جدا وهو بيشتري السلسلة.
وبيتمنى ان السلسلة تعجب نور.
ودي نفس القصة بيحكيها احمد بنفسه.
انا عايز اعمل عيد ميلاد لنور.
وعايز اجيبلها هدية.
انا مش متعود على جو اعياد الميلاد.
انا قلقان ومحتار ومش عارف هجيب ايه.
نور بتحب المجوهرات والحيوانات واللون الأزرق.
انا قررت اروح ابص في محل المجوهرات.
وانا في محل المجوهرات لقيت سلسلة فضة حلوة اوي.
السلسلة كان عليها قطة زرقا.
انا كنت مبسوط جدا وانا بشتري السلسة.
وبتمنى ان السلسلة تعجب نور.
الأسئلة:
دلوقتي فيه شوية اسئلة حاول تجاوب عليها, او اسمع الاجابات.
السؤال الأول: احمد عايز يعمل عيد ميلاد لنور.
هل احمد عايز يعمل عيد ميلاد لنور؟
أيوة. احمد عايز يعمل عيد ميلاد لنور ويجيبلها هدية.
السؤال التاني: احمد مش متعود على جو اعياد الميلاد وقلقان.
احمد قلقان ومحتار ليه؟
احمد قلقان ومحتار عشان هو مش متعود على جو اعياد الميلاد.
السؤال التالت: نور بتحب المجوهرات والحيوانات واللون الأزرق.
نور بتحب ايه؟
نور بتحب المجوهرات والحيوانات واللون الأزرق.
السؤال الرابع: احمد قرر انه يروح يبص في محل المجوهرات.
هل نور راحت محل المجوهرات؟
لأ. نور ماراحتش محل المجوهرات. احمد راح لوحده.
السؤال الخامس: احمد لقى سلسلة فضة حلوة اوي واشتراها.
هل احمد اشترى خاتم فضة؟
لأ. احمد ماشتراش خاتم فضة, هو اشترى سلسلة فضة.
السؤال السادس: السلسلة عليها قطة زرقا.
هل السلسلة عليها كلب ازرق؟
لأ. السلسلة عليها قطة, مش كلب.
