Addressing One's Teacher

الرجل: العلاقه بين الطلبه في جميع انحاء الاردن هذا، في منطقة الشرق الاوسط بشكل عام، العلاقة ما بين الطالب والمدرّس علاقة رسميه أو شبه رسميه. بحيث انو الطالب باستمرار بنادي المدرس تاعوا دكتور، وهذا جزء من الإتيكيت في التعامل مع المدرس. اذا كان المدرس لا يحمل درجة P.h.D فبناديه أستاذ، وطبعا يُلحق دائما هذا اللقب مع الاسم. فقضية اللقب هاي كثير مستعملة في داخل الاردن، حتى بين المدرسين انفسهم بستخدموا ايضا اللقب . فلما بستخدموا اللقب مثلا لما بدي اتكلم انا مع زميلي بناديه باللقب مع الاسم، هذا في غالب الحالات. الا اذا طبعا علاقتي فيه قويه جدا جدا فبناديش باللقب، بستخدم الكلمات العادية او الاسم العادي بشكل مباشر. فغالبا الطلبه بحرص انو ينادي عضو هيئة التدريس في الجامعة بلقبو كدكتور، حتى لو ما عرفش اسمو بناديه بأسمو كدكتور. فهذه كثير فيها رسميات بالرغم انو في العلاقه يعني منفتحة نوعا ما بين الطلاب وما بين المدرسين، نوعا ما، مش بشكل كبير جدا لكنها منفتحة. في علاقات ودّ كبيره بين الطالب وبين المدرس.