A legendary singer
وفا: أنتي كنت تغني إشي قبل ما شفتك اليوم؟ سارة: كنت عم..مني عم بغني.. بس هيك عم بغني شوي لفيروز. وفا: مين فيروز, سمعت الإسم بس مابعرفش؟ سارة: فيروز هي يعني مغنية كثير قديمة يعني لما بقولولك من عملاقة المغنيين بلبنان بقولك فيروز, صباح, وديع الصافي. فيروز مثل legend يعني مثل كأنها اسطورة بلبنان, صوتها كثير حلو, بتغني لألحان الرحباني. الرحباني, هن عيلة الرحباني, كلهن موسيقيين وملحنين وفي منهن حتى مغنيين. ابنها تقريبا بيعملها الألحان وزوجها كمان بيعملها الألحان, فيروز كل سنه بتعمل مهرجان بلبنان. وفا: إن شاء الله أحضر واحد. سارة: آيه إن شاء الله ليه لأ.
