20 - الروحى عالشغل
سحر بتحاول تروح عشغلا.
عم تحاول تشغل سيارتا،
بس الجو كتير برد برة،
عشان هيك، سيارتا ما عم تشتغل.
سحر بتشيك على جدول الباصات أول شي،
بس باصات المدينة كتير بطيئة.
بعدين، بتشيك على جدول القطار بداله.
القطارات شغالة عالمواعيد.
فبتقرر سحر تركب القطار للشغل.
وبتتمنى إنو ما تتأخر على شغلا.
هاي هي نفس الئصة منئالة بطريئ مختلفه.
أنا كنت بدي أروح عشغلي.
حاولت شغل سيارتي،
بس الجو كان كتير برد برة،
عشان هيك، سيارتي ما اشتغلت.
فشيكت على جدول الباصات أول شي،
بس باصات المدينة كتير كانت بطيئة.
بعدين، شيكت على جدول القطار بداله.
القطارات كانت شغالة عالمواعيد.
فقررت أركب القطار للشغل.
تمنيت إنو ما أتأخر على شغلي.
الأسئلة :
واحد: سحر بتحاول تروح عشغلا.
بتحاول سحر تروح عشغلا؟
أي ، سحر بتحاول تروح عشغلا.
اثنان: الجو كتير برد برة.
شوب الجو برة؟
لأ، الجو برة مش شوب، الجو برة برد.
ثلاثة: سيارة سحر ما بتشتغل، لإنو الجو برة برد.
بتشتغل سيارة سحر ؟
لأ، سيارة سحر ما بتشتغل، لإنو الجو برة برد.
أربعة: سحر بتشيك على جدول الباصات أول شي.
بتشيك سحر على جدول القطار أول شي؟
لأ، سحر ما بتشيك على جدول القطار أول شي، سحر بتشيك على جدول الباصات أول شي.
خمسة: باصات المدينة كانت كتير بطيئة.
كانت باصات المدينة بطيئة؟
أي ، باصات المدينة كانت كتير بطيئة.
ستة: القطارات كانت شغالة عالمواعيد.
كانت القطارات متأخرة؟
لأ، القطارات ما كانت متأخرة، القطارات كانت شغالة عالمواعيد.
سبعة: سحر قررت تركب القطار للشغل.
قررت سحر تركب الباص للشغل؟
لأ، سحر ما قررت تركب الباص للشغل، سحر قررت تركب القطار للشغل.
تمانة: تمنت سحر إنو ما تتأخر على شغلا؟
كانت بدا سحر تتأخر على شغلا؟
لأ، سحر ما كان بدا تتأخر على شغلا، سحر تمنت إنو ما تتأخر عليه.
