كلنا بلشنا من الصفر بشي والبدايات دائما صعبة
والبدايات غريبة فتخيل تبلش تعيش حياتك وبعدها تقرر
تغير كل شيء وتبلش مهنة جديدة تبلش من
الصفر مرة تانية مرة جديدة مرحبا ،أنا حسن
أهلا وسهلا بكم معي في Arabic all the
time اليوم رجعت مرة جديدة مع ضيفتنا المحبوبة
مها ،أنا ومها عملنا أكثر من فيديو
سوا وهي الفيديوهات الحمد لله نالت الإعجاب والحب
فقررنا أنا ومها نكمل نعمل فيديوهات مع بعض
نعمل collaborations نحكي بلغة سهلة وبسيطة نشارك تجاربنا
بالحياة وكيف وصلنا لهون كيف وصلنا لحتى نعلم
العربي اليوم فاليوم أنا ومها بدنا نحكي شو
عملنا قبل بداية تعليم اللغة العربية مها أهلا
وسهلا فيك شكرا لحضورك معنا من جديد أنا ميرسي ميرسي -
سعيد سعيد جدا جدا أهلا فيك مها نحن
هاد الموضوع نحن تنيناتنا بلشنا بمهن مختلفة نحن
مانا مدرسين اللغة العربية بالأساس ولكن قررنا بنقطة
من حياتنا أنه نغير شغلنا و نعلم نبدأ بتعليم
اللغة العربية فاليوم سؤالي الأول إلك هو أنه
ممكن تحكي لنا شو كان أول شغل إلك
وكيف كانت هي التجربة ؟أكيد أكيد مرة تانية -
بدي أشكرك على هي الاستضافة وأنا كتير حبيت
هيدا النوع من الفيديوهات في كتير ناس حبوا
أنه نحنا نحكي مع بعض بطريقة كتير سهلة
وواضحة ومفهومة صراحة أنا اشتغلت كذا شي قبل
ما أوصل لهون إذا بدي أخبرك عن أول
شغل اشتغلته هو كان كاشير يعني كنت أشتغل
على الصندوق بسوبر ماركت كبيرة كانت قريبة على بيتي
هيدا الحكي كان عمري 19سنة يعني هيدا كان
أول شغل حقيقي لألي كنت أول مرة بشتغل
رسمياً يعني عند حدا وبقبض معاش وإيه فإيه
هيدا كان أول شغل كنت بوقتها بالجامعة 19
يعني كنت تاني سنة جامعة وكنت بحاجة لمصاري بيي
ما كان عم بيشتغل بهيداك الوقت وكنت
خلص جامعة الساعة 3وقلت لحالي يلا بشتغل
شي بعد الضهر قريبة على البيت و هيدي السوبر ماركت
كانت كتير قريبة 5دقايق و بلشت أشتغل هونيك
على الصندوق اشتغلت سنة ونص بس سنة ونص
بس منيحة برافو سنة ونص فترة منيحة يعني
هي كانت كتير متعبة صراحة لأن تخيل كل
يوم جامعة من 8إلى 3وشغل من
3إلى العشرة فكنت أكيد بالصيفية ما في
جامعة بس كل السنة هيك كانت يعني ما
بعرف أنا كيف كنت ما كنت أدرس كتير للامتحانات
كنت أعتمد على الشي اللي أستوعبه بالصف يعني
والحمدلله يعني جبت علامات منيحة بس أنه هيك صار
مها انت شو درستي بالجامعة ؟
شو كان اختصاصك ؟
أنا درست ما خبرتك على فكرة أنا درست
مختبر يعني هو اسمه علوم مخبرية اشتغلت
يعني لما تركت الكاشير أو تركت السوبر ماركت كانت
يعني ثالث سنة جامعة أو آخر سنة جامعة
تقريبا كان صار في عندي فرصة أنه أعمل
استاج يعني استاج يعني نحنا منقول استاج
يعني تدريب بالمستشفى فكيف صارت عن جد القصة
كتير حلوة أنه كنت أنا بالشغل يعني ومين
إجا بده عم يشتري غراض يعني بده يحاسب
بدو يدفع الكاش دكتوري بالجامعة ما كان عارف
أنه أنا عم أشتغل هون فلما شافني كتير
نصدم لأنه نصدم يعني تفاجأ شو أنت شو
عم تعملي هون وأنا شاطرة يعني أنه تلميذة
شاطرة عنده بالصف كيف أنا عم
بشتغل يعني بالسوبر ماركت وأنا عم بدرس مختبر فتفاجأ
فكر بالموضوع وبعدين عرض عليي عرض علي أشتغل
بالمستشفى اللي هو فيها عنده هو مسؤول المختبر
يعني كان بهيداك الوقت بس لأنه كان بعدني
يعني تلميذة وما معي شهادة يعني فقالي بتشتغلي
متل شغل مانه رسمي يعني متل تدريب بس
أنه مندفعلك نص معاش
لبين ما تخلصي جامعة بتتوظفي يعني أو أنه لو
ما توظفتي يعني لو ما بعدين أخدتي هيدي
الوظيفة على القليلة هيدي الفترة بتكتسبي خبرة يعني
بتاخدي خبرة من هيدا المجال أو بهيدا المجال
أحسن ما تشتغلي بالسوبر ماركت ما لها علاقة يعني
بالمجال فقلت أنا أكيد ليش لا وكتير نبسطت
وبلشت هيك يعني فأيه
آخر سنة جامعة بلشت وتركتا هديك السوبر ماركت أيه
هيك صار اشتغلت على فكرة بالمستشفى اشتغلت واو قصة مثيرة -
10 سنين بالمختبر يعني هيدا المجال وبعدين تعبت ماشالله واو -
كتير كتير وكرمال هيك قررت أني بدي أترك
وبدي شوف أنا بدي أعمل شي يعني تاني
مختلف كليا وكيف يعني أنت بلشت مثلاً تتعبي -
من الشغل وبلشتي تفكري أنه بدك شي تاني
كيف يعني احكيلنا أكتر ... هل كان عندك أفكار
كتير لشغلات مختلفة ممكن تجربيا كيف يعني شفتي
أنه كيف وصلتي لتعليم اللغة العربية صح على -
فكرة أنا أكيد يعني لو لو قلتلي من
10 سنة أو من 15 سنة أنه أنت
بيوم الأيام رح تعلمي عربي بقلك مستحيل مستحيل
مستحيل قدي أنا بحب كتير اللغات بس أبداً
ما كنت شوف حالي يعني بهيك شي
صراحة أنه درست مختبر وكتير بحب هيدا الاختصاص
وكنت كتير ناجحة فيه الحمدلله يعني اتطورت أنا
بالشغل بس وصلت لمحل يعني بعد 10 سنين
وصلت لإدراك يعني بلشت تفكر أنه أنا إذا
بيشتغل بها المستشفى 10 سنين أو 20 سنة
هي زاتها هي زاتها يعني هي نفسها هي
نفس الشي ما فيه شي رح يتغير أنا
رح ضل محلي إنه أوكي لأنه أتعلمت كتير أشياء
بس وصلت لمحل ما بقى أتعلمت شي جديد
خلص صرت أعرف كل شي بالشغل صارت قصة
بس أنه أنا عم بتروح طاقتي مني وعم
ببذل جهد كتير كبير يعني عم بعمل وعم
بشتغل كتير لأقدر أخلص وآخر النهار يعني
بالنهية كل هيدا التعب وهيدا الخبرة صاحب المستشفى
أو صاحب المختبر هو اللي عم بيستفيد منه
على ضهري نحنا هيك بنقول باللبنان على ضهري
يعني أنا كأنه في حدا قاعد على ضهري
أنا عم بيشتغل كل شي وهيدا الشخص هو
بالواجهة أنه نحنا عم بيشتغل بطريقة كتير محترفة
وموظفين كتير مناح ونحنا أنه الجند المجهول جند
المجهول يعني ما حدا بيعرف نحنا مين لأنه أنا
بطبيعة شغلي بالمختبر طول النهار قاعدة بغرفة وحدة
ما بشوف حدا وشغل شغل ليوم الشغل نحنا بنقول
كتير فيه شغل يعني كمية مرضى كتير كبيرة
مستشفى كبيرة ف وصلت لمحل أنه أنا شو
عم بعمل بحياتي بحب هالاختصاص وكل شي بس
ظروف الشغل مش كتير مريحة ل بالنسبة خاصة
لألي أنا كمرة عندي ولد يعني وصلت
لمحل صرت قصر شو يعني قصر يعني عم
حس أنه أنا عم بجي على البيت تعبانة
كل الوقت ما قادرة أشتغل شي ما قادرة
أهتم ببيتي بإبني حسيت أنه لا أنا لازم
فكر منيح ورتب أولوياتي يعني نظم أولوياتي شو
أولوياتي يعني شو الأهم بالنسبة لألي بيتي، عيلتي
إبني، شغلي مش بالعكس وصراحة هيدا الشي يلي
عطاني الشجاعة أنه أنا أترك الشغل لأنه خطوة
كتير صعبة أبداً مش سهلة يعني أنا من
عمر 19 سنة لعمر تقريباً 31 سنة أنه
كل شهر معودة عندي راتب يعني عندي معاش
عندي مصاري كيف بدي أترك أنا شو بدي أعمل
شو بدي أشتغل كيف بدي أجيب مصاري يعني
كلنا بحاجة لمصاري يعني ما في حدا باعتقد
بهيدي الأيام بيقول أنه أنا بقدر أعيش بدون
شغل ومصاري ما بعرف ممكن فترة أيه بس
إنه عطول يعني نياله نياله الشخص اللي بيقدر
يعيش بدون هذا المعاش فـ أي - أكيد والله قصة -
مثيرة جداً وأنت شخص شجاع جداً يعني في كتير
ناس بيشوف اللحظات هي اللي عم تحكي عنها
بيحسوا بالتعب بيحسوا أنهن مقصرين بالبيت بس قلال
الناس اللي عندن الجرأة والشجاعة إنه ياخدوا قرار
يغير هذا الشي يعني بحس أنا هي التجربة
لكل الناس يعني ممكن كتير من الناس بيعيشوها
بس قلال جداً اللي عندن الشجاعة الكافية إنه
فعلاً ياخدوا شي خطوة لحتى يغيروا هذا الشي
لأنه كمان صح بيجوز فيه تعب بس صح
بيجوز فيه ضغط على البيت بس الشغل بنفس
المكان براتب ثابت إلو جمالية هي الراحة إنه
خلص أنا بعرف عندي هذا الراتب ينزل بآخر
الشهر عندي كذا فيها الاستقرار المالي دائماً فيه
اعتماد على هذا الراتب فما فيه الواحد يعني
الواحد خلص حياته محكومة مربوطة بهذا الشغل للأبد
فبيطلب الموضوع شجاعة كبيرة للواحد ياخذ خطوة
إنه خلاص أنا بدي أغير، فـ كيف انتي كانت
هالخطوة يعني كيف بالضبط انتي قررتي وليش تعليم
العربي بالضبط ليش ما عملت شي تاني مثلاً
online ما بعرف يعني هل كان عندك أفكار تانية
صح - ليش تعليم اللغة العربية كيف بلشتي فيها -
والله عنجد .. مظبوط هي كان خطوة
كتير صعبة هلأ ما رح أحكي كتير تفاصيل
إنه فيه أشياء ساعدتني إنه أنا أخذ هيدي
الخطوة بس السبب يعني الرئيسي كان الوضع بالبلد
لأنه صارت نهارت العملة اللبنانية الليرة اللبنانية نزلت
كتير وبالنتيجة نزلت المعاشات كتير صارت المعاشات كتير
قليلة فأنا هالشي سهل علي يعني إنه أنا
أترك خلاني أنا حس إنه أنا حتى لو
تركت إنه already المعاش صار كتير قليل يعني
بس هيدا كان شي مؤقت يعني أكيد مهم أكيد
ما رح أحكي بالتفاصيل بس ليه عربي بالذات
كان معي زميل لألي بيشتغل معي اسمه مصطفى
هيدا صراحة هو الشخص يلي الهمني إنه أنا
بلش أشتغل هيدا الشغل هو بلش قبلي على
بريبلي نفس الموقع بس بلش يعلم بيولوجي لأنه
نحن عم نشتغل بمختبر وأصلاً هو دارس بيولوجي
كان شي مختلف عن المختبر وبلش وصار يجي
لعنده كتير تلاميذ وصار يحكي قدام كل الموظفين
بالمختبر ويشوف حاله علينا إنه أنا عم
بيشتغل على بريبلي والله عم بقبض 25 دولار
عالساعة وأنتو شو عم تشتغلوا أو إنه يلا
شو ناطرين إنه أعملوا شي أعملوا صفحة ما
بتعرفوا يمكن يجي يجيكم تلاميذ فوالله يعني كل
الوقت صار يحكي عن هذا الموضوع لدرجة إنه
صار مزعج يعني شوي وكل الموظفين خلص شو
بدك تضلك تحكي بنفس الموضوع إنه أوكي الله
يوفقك مبروك برافو بس إنه صراحة مش كل
الناس بتحب هيدا الشغل فأنا ضل يحكي يحكي
يحكي كأنه عن جد أثر علي بيني وبين
حالي قلت يا عمي إنه إيه عن جد
ليش لا يعني لي ما بعمل صفحة كان عندي
جواتي إنه خوف أو إنه قلة ثقة يعني
عدم ثقة بحالي إنه أنا كيف بدي بلش وشو
علّم وطب ما عندي وقت و already أنا يعني
كانت تحت كتير كتير أتعب تحت يعني أنا
بقول تحت يعني بصيدا بهيدي المدينة إنه أنا
على عايشة فوق صيدا على جبل المهم وهيك
بس قلت لحالي إنه بدي علم بيولوجي مين
بدو يدرس بيولوجي يعني اللي بدو يدرس معي
بدو يكون مثلاً بدو يدرس فترة مؤقتة يعني
فترة قصيرة مثلاً عنده امتحان بده مساعدة بالامتحان
هيك شي أو مثلاً طلاب بالمدرسة صغار بدي
أرجع أنا أتذكر كل شي تعلمته بالمدرسة لأنه
قلت خلص بعلم عربي هو قال لي كمان
هيدا نفس الشخص نصحني أعلم عربي لأنه أخته
بلشت هيك صارت تعلم عربي قال لي هيها
أختي عم بتعلم عربي في كتير تلاميذ عم
بيجوا لعندها بدهن يتعلموا العربي لأنه بدهن يفهموا
المسلسلات السورية بدهم يفهموا العبارات الصعبة أنا وقتها
فكرت قلت يا عمي عنجد معقول حدا يدفع
مصاري ليفهم مسلسلات أو ليفهم عبارات باللهجة السورية
أنه عنجد أنه نحنا وين عايشين أنه فيه
هيك ناس كتير تفاجأت وقلت إنه أوكي مازال أنه فيه
هيدا الشخص عم يعلم وعم يشتغل بهالمجال
وماشي حاله وأنا ليش ما أنا بعمل هيك
كمان قلت إيه يلا بعمل profile عملت الprofile
والله من ورا هيدا الشخص بسببه نحنا هيك
منقول من وراه يعني بعد ما هو قلي
وأول شهرين ما أجاني ولا تلميذ لدرجة أنه
حتى في بربلي سكرولي الصفحة قالولي
أنت ما عندك تلاميذ ما عندك شغل رح
نعملك hide يعني لل profile بس don't worry إذا
أنت بدك تشتغلي فيك تعمل unhide فأنا قلت
انو أوكي unhide بدي أشتغل unhide أول مرة
ثاني مرة نفس الشي هني عندهن هيدي السياسة
وتالت شهر مش الحال بلش يجيني تلاميذ
معناها هلا أول شي يعني بدنا نوجه التحية
لمصطفى وين ما كان يكون - عنجد ميرسي مصطفى ميرسي -
ميرسي مصطفى شكرا إنك ضليت صرعت مها - اي والله صح -
وأزعجتها بموضوع تعليم اللغة حتى اقتنعت بالأخير
وبرافو مها طبعا على الخطوة الجريئة وعلى الخطوة
الشجاعة والشي التاني اللي بدي أقوله إنو أنا
لفتني جدا لما قلت إنو في ناس بدا
تتعلم بسبب المسلسلات السورية هلا أنا لما
بقول للناس اللي بشتغل معا للطلاب اللي بيتعلموا
عندي بقلن المسلسلات الدراما السورية هي ممكن أقوى دراما
عربية يمكن فكروني هيك إنو أنا منحاز بس
لا هي فعلا دراما السورية وتحديدا ما قبل
الحرب في سوريا كان مستوها كتير كتير عالي
اللي صار بعد الحرب هو إنو كتير من
الممثلين انتقلوا لبلدان تانية - هجوا على لبنان وعلى مصر وهذا -
الشي رفع مستوى الدراما - فعلا ارتفع كتير بس -
منرجع لحديثنا اللي هو مهنتك وكيف قررتي إنو
يعني تاخدي هالخطوة فأنتي يعني ضليتي 3 شهور
عمليا عم تحاولي إنو عملتي بروفايل برابلي وعم بتحاولي
وكنتي طبعا متوقفة عن الشغل صح الفترة ما
كنتي عم تشتغلي - لا لحظة لحظة لما أكون -
كذابة بلشت الصفحة قبل ما أترك الشغل وبس
إجت أول تلميذة وإجتني تلميذة رجعت إجتني تلميذة
تانية صاروا 2 بعتقد لما صاروا 2 أو 3
هون أنا تركت الشغل إجوا هيك ورا
بعضهن يعني وحدة ورا وحدة ورا وحدة كان
عندي 3 تلاميذ بس إنو يعني بعدني كنت
بالبداية وهون قلت إنو هيك عندي هيك باب
صغير إنو مثل بقعة أمل أو شي ما
أقدر بلش منه ما بعرف كان عندي إيمان
عن جد جواتي إنو أنا رح أقدر ما
بعرف في شي جواتي قال لي إنو ما
تخافي خلص إنو خدي هيدي الخطوة إذا أنتي - شي كتير حلو عنجد
عن جد مش مرتاحة إنو أنتي عندك الخيار
الواحد لازم هو يعني يستلم هو زمام الأمور
متل ما منقول يعني هو يسيطر على حياته
ما يكون إنو كتير بس إنو إي أنا
بدي أشتغل حتى لو مش مبسوط بشغلي بس
ما فيي أترك الشغل مين قال ما فيي
فيي وأنا بقرر انا شو بدي أشتغل إنو
ليش أنا بدي كون عايشة حياتي هيك بطريقة
عن جد كتير بشعة وكتير صعبة إنو لا
مش متطرة ليش بدي كون هيك فيي جرب
شي جديد شو راح يصير يعني مش راح
موت من الجوع بالآخر يعني فأنو الحمدلله برابو -
برابو كتير على الخطة الجريئة والحلوة عن جد
يعني مها هلأ تقريبا صرلك سنتين انت
عم تشتغلي بهاد المجال لما تطلعي
هيك تتذكري هالذكريات لما هيك عم نحكي على
من لما بلشتي تشتغلي بالكاشير لما رحتي على
المخبر قضيتي وقت طويل بالمخبر نميتي بهالمهنة يعني
أكيد كان صعب ترك بعد عشرة سنين ولو
صار انهيار العملة وبعدين مع أول ما صار
هيك شوية بريق أمل انت فورا أخدتي القرار
وقررتي بأنه خلص أنا بدي بلش بهاد المجال
هلأ لما هيك تتذكري هاد كلو شو بتشعري
شو بتحسي يعني انه اليوم هل تندمي هل
انتي سعيدة وفخورة بهاد القرار شو إحساسك بالضبط
صراحة عنجد صراحة بدك الصراحة الصراحة صراحة أكيد
فيه شوية ندم - لا والله العظيم كل -
يوم وحياة الله عنجد لكل الناس بقولها يمكن
ما حدا بيصدقني والله كل يوم يعني بفيق
الصبح وبقول أحسن قرار عملته بحياتي كان أنه
أنا تركت شغلي القديم وعملت يعني تشجعت أنه
أعمل شي جديد ضهرت من الـ comfort zone تبعيتي
لأنه كتير أنا كشخص يعني كتير تغيرت كتير
تعلمت أشياء وكأنه هيك يعني هاد التغيير البسيط
بحياتي خلاني اكتشف حالي أو اكتشف أنه أنا
كنت بمحل غلط ما كان لازم كون فيه
بالعكس بقول شي اللي بندم عليه أنه أنا
ما تركت قبل يعني أنا تأخرت أنه أنا يعني
10 سنين هنيك كانوا أحلى سنين حياتي اللي
هن العشرينات يعني من عمر الـ22 أو 21
بلشت تقريباً الـ31 ف بس أكيد ما بندم أنه
أنا اشتغلت هونيك لأنه كمان هونيك كتير تعلمت
أشياء وهيدا يعني صار هيدا المكان جزء من
حياتي ما فيه يقول هلا أنه خلص شي
خلص يعني عشر سنين وين بدهن يروحوا يعني
موجودين بعدن بذاكرتي وفيه أشخاص بقلبي وأكيد عندي
كتير رفقة بعدني لهلا أنا بتواصل معهن بس
أكيد أنا طويت هيدي الصفحة يعني هيدا الشي
صار وراي سكرت على هيدي الصفحة طويتها بلشت
فصل جديد يعني من حياتي وكرمال هيك أنا
بقول عنجد الواحد ما يستسلم إذا كان هو
بمحل مش مرتاح فيه حتى لو كان متطر
يعني نحنا كلنا بالنهاية متطرين وكلنا بحاجة
نشتغل وبحاجة لمصاري لنعيش يعني بس إذا كان
هالشي بده يجي على حسابنا نحنا على حساب
صحتنا النفسية على حساب أعصابنا وعلى حساب أولوياتنا
ف لا لازم يعني هون نحنا نرجع نفكر منيح أنه
دايماً في حل يعني أنه نفكر بطريقة نغير
شوي حياتنا مش ضروري بطريقة جذرية يعني بطريقة
مختلفة كليا 180 درجة بس أنه فيه الواحد
يبلش ياخد خطوة ويشوف هيدي الخطوة يعني لوين
رح توصل أنا حتى نفسي أنا لما تركت
الشغل وبلشت ما كنت أبداً متخيلة أنه أوصل
لهون أوكي أنا بعدني ما حدا يعني مش عاملة
شي أنه ما فيه هالإنجازات الكبيرة بس الإنجاز
بالنسبة لألي يعني هو كان أنه أنا على
القليلة هلأ بمحل أنا مرتاحة فيه مع حالي
أو مرتاحة بالشي اللي أنا عم بعمله وحاسة
حالي أنه أنا نوعاً ما يعني مبسوطة مش
نوعاً ما مبسوطة مبسوطة مقارنة مع قبل كثير
فيه فرق بين يعني أنا من جوا غير
عن جد قبل كنت أنه عايشة حياتي في
شوية تعيسة يعني أنه كل يوم بدي فيه
أروح على الشغل بدي أروح على محل أنا ما
بحبه مش مبسوطة فيه مش مبسوطة مع الناس
اللي عم بشتغل معهن ضليت فترة هيك سنين
يعني لأنه ما فيي يعني عشر سنين ممكن
أول أربع سنين كنت مبسوطة وعم بتعلم وآخر
ست سنين كنت عم بروح غصب عني يعني لأنه
ما فيي أترك الشغل فهيدا هيدا اللي صار
ألف الحمد لله يعني على هالشي وإنك مبسوطة
وسعيدة وبالعكس أنت الشي اللي عملتيه شي كتير
كبير وطبعاً بتمنالك التوفيق أكتر وأكتر
إنشاء الله بتوصلي بتنجحي وفيكي تنشري يعني تستمري
بهاد المجال وتنجحي فيه أكتر وأكتر إن شاءالله
يعني هيك تنشري العربية بهالطريقة اللطيفة اللي
بتقدميها أنتي مها شكراً شكراً كتير لحضورك معنا
اليوم كتير استمتعت أنا أو بتشكرك على مشاركتك
تجربتك معنا لأي حدا عم بيشوفنا للمرة الأولى
بدعوكم لتشوفوا مقابلاتي الأخرى أنا ومها نحن عملنا
أكتر من مقابلة مع بعض ورح نحط الروابط
بالوصف وإن شاء الله إذا إجتنا لايكات وكومنتات
كتيرة رح نستمر أكتر وأكتر فمنقدر الدعم شكراً
مها مرة تانية شكراً لكل من تابعنا بشوفكم
بفيديوهات تانية وإلى اللقاء باي باي السلامة
