خدمات البنك
الموظفة: صباح الخير، ممكن اساعدك؟
رانيا: بحب افتح حساب، انا توظفت جديد، وطلبوا مني افتح حساب عشان يحطوا معاشي بالبنك بشكل اتوماتيكي كل شهر.
الموظفة: مبروك الوظيفة، وشكرا الك كثير اللي اخترت هذا البنك. شو نوع الحساب اللي بتحبي تفتحي؟
رانيا: بحب افتح حساب جاري.
الموظفة: من فضلك عبي هاي الاستمارة وامضيها، اسأليني اذا عندك اي سؤال.
رانيا: تفضلي هاي الاستمارة
الموظفة: من فضلك خليني اشوف هويتك.
رانيا: هاي هويتي والباسبور تبعي وبرضو رخصتي السواقة
الموظفة: مبين عليك مستعدة، طيب، كلشي تمام.
رانيا: قديش لازم احط مصاري لفتح الحساب؟
الموظفة: لازم تحطي خمسين شيكل عالاقل لفتح الحساب
رانية: تفضلي هاي خمسين شيكل، بتحتاجي ألي اشي ثاني؟
الموظفة: لأ، كلشي تمام، وهلا الك حساب عنا بالبنك. وبعد اسبوع رح تستلمي دفتر شيكات ودبت كارد بالبوسطة.
الموظفة: مسا الخير، اي خدمة ممكن اقدمها؟
سها: مسا النور، وفرت شوية مصاري ومفكرة افتح حساب توفير، قديش نسبة الفايدة اللي بعطيها البنك؟
الموظفة: نسبة الفايدة هلا قليلة كثير، بس واحد بالمية، ومش رايحة تطلع الا بعد فترة.
سها: بس.
الموظفة: بس في عنا اشي افضل، عنا سي دي لمدة سنتين وبتحصلي عاربعة بالمية فوايد، وهذا مضمون اذا ما سحبت الفلوس خلال هاي الفترة.
سها: هذا احسن كثير، انا وفرت هاي الفلوس لتعليم اولادي، ومش بحاجة الهم هلا، بتعرفي؟ انا موافقة عاخطة السنتين.
الموظفة: عظيم، لو سمحتي عبي هذا الطلب وفرجيني هويتك.
سها: شكرا
نادية: بدي اسحب مصاري من حسابي بالبنك.
الموظفة: هاي استمارة عبيها وامضيها وبعدين لازم نشوف هويتك وكرت البنك
نادية: هاي الاستمارة، وهاي هويتي والكرت، بدي اسحب متين شيكل من حسابي الجاري.
الموظفة: تفضلي هاي المصاري، بحب احكيلك لما تيجي مرة ثانية بتقدري دايما تستعملي اي تي ام ماشين وهذا بريحك كثير.
نادية: يي، بس صعب علي اتعامل مع الالات الالكترونية.
الموظفة: سحب المصاري منها سهل، ورح نساعد، بتقدري تعملي اشياء كثيرة مثل تحطي وتسحبي مصاري، وتشوفي رصيدك بالبنك.
نادية: شكرا ، بيجي مرة بالاسبوع بس عشان اسحب مصاري، استعمال الاي تي ام ماشين رح يريحني شوية.
الموظفة: وحتى نسهل عليك العملية اكثر بتقدري تحصلي عاكردت كارد من البنك، ومعظم المحلات بتقبلو.
نادية: فكرة عظيمة. خليني احكي مع جوزي وبعدين بنقرر.
الموظفة: خذي وقتك.
نادية: شكرا الك عاهاي المساعدة.
