اخبار العيلة
نادية: الو؟
سعاد: الو نادية؛ كيف حالك.؛ شو اخبار العيلة؟
نادية: الحمدلله؛ احنا مناح. اشتقنالك كثير من زمان ماسمعنا صوتك. كيف حالك؟
سعاد: الحمدلله انا مبسوطة.؛ مبروك تخرج بنتك. انا لسة كنت بتفرج عاصور حفلة تخرج نهى.
نادية: الله يبارك فيك‘ احنا انبسطنا كثير عانجاحها.
سعاد: سمعت انها طلعت الاولى بصفها.
نادية: ايوة؛ واحنا فخورين كثير فيها؛ معدلها طلع اثنين وتسعين بالمية. وهدية التخرج رحلة عاليونان شمة هوا لاسبوعين.
سعاد: نهى بتستاهل هذا، شو اخبار ابنك امير؟
نادية: الحمدلله هو منيح؛ هو هلا في الصف العاشر، بس ياخسارة بدرس كثير دايما ملتهي بلعب فوتبول مع اصحابو. تصوري الاسبوع الفات؛ اندب وهو يلعب فوتبول وانجرح وما راحش يومين عالمدرسة؛ بس هلا هو احسن.
سعاد: مسكين اميرء وشو اخبار ابو امير؟
نادية: جوزي اخبارو منيحة. هو مشغول كثير بالتدريس بالجامعة؛ وزي ما انت عارفة هو بحب يزرع خضرة وفواكه بالبستان؛ عافكرة بعد ثلث تشهر رح يسافر عالمانيا انشالله؛ ويعمل ابحاث هناك لمدة شهرين.
سعاد: انشالله يروح ويرجع بالسلامة! وكيف ابوك هلا خاصة بعد ماتت امك الله يرحمها؟
نادية: كان وقت صعب كثير عليه بعد ماتت اميس افتقدها كثير. بس هلا هو احسن كثيرؤ زي مابتعرفي اخوي اجا ولد وسما عاسم ابوي؛ وهلا ابوي بقضي وقت مع حفيدو.
سعاد: هذي اخبار منيحة؛ انا متأكدة انو ابن اخوك بحب سيدو كثير عشان هو بدللو كثير.
نادية: ايوة هذا مزبوط؛ احكيلي وينتة رح تيجي تزورينا؟
سعاد: انا هلا مشغولة كثير بس انشالله السنة الجاي.
نادية:انشالله بنشوفك عاخير؛ مع السلامة
سعاد: الله يسلمك.
النشاط الخامس:
هالة: مرحبة امل؛ كيف حالك؟
امل: انا منيحة؛ الحمدالله.؛ انا دايماً مشغولة بشغل البيت والبستان.
هالة: ممتاز؛ وشو زرعت بالبستان؟
امل: زرعت خضرة وفواكه كثير.
هالة: منيح؛ شو اخبار بنتك نوال. وبأي صف هي هلا؟
امل: نوال منيحة وهي بالصف العاشر وبتدرس كثير.
هالة: ممتاز. وشو اخبار ابنك خالد؟ وشو اخبار ابنك خالد؟
امل: خالد تخرج من المدرسة الثانوية واجتة بعثة يروح عالجامعة لأنه بلعب الفوتبول كثير منيح.
هالة: مبروك؛ وشو اخبار جوزك ابو خالد؟
امل: الحمدلله؛ زي ما انت عارفة جوزي دايما مشغول بالتدريس.
هالة: كيف صحة امك؛ انشالله تكون بخير؟
امل: موت ابوي كان صعب كثير عليها بس هي احسن هلا. عشان بتقضي وقت مع احفادها. هي بتحبهم وبتدللهم كثير.
هالة: سلمي عليها كثير؛ وخلينا دايماً نسمع صوتك.
امل: انشالله؛ مع السلامة
هالة: الله يسلمك
