في محطة البنزين
موظف محطة البنزين: مسا الخير، ممكن اساعدك؟
سامية: مسا النور، بدي احط بنزين بسيارتي.
موظف: بتحبي بنزين عادي او ممتاز؟
سامية: حط بنزين عادي من فضلك.
موظف:اكمن جلن بنزين بدك؟
سامية: عبيلي التنك لو سمحت
موظف: طيب، لحظة من فضلك، هايني خلصت.
سامية: قديش بكلف؟
موظف: بكلف متين شيكل.
سامية: بتوخذ كردت كارد؟
موظف: طبعا، وهاي الوصل، امضي عالوصل من فضلك.
سامية: لحظة وحدة
موظف: بدك اياني افحص زيت الموتور؟
سامية: ايوة، من فضلك، افحص الزيت، من زمان ما فحصنا.
موظف: مبين منيح، اجزاز السيارة القدماني وسخ، بتحبي انظفلك اياه؟
سامية: ايوة نظفو لو سمحت، وبرضو افحص الهوا في عجلات السيارة.
موظف: عاراسي تكرمي، مستوى الهوا واطي كثير في العجلات
سامية: من فضلك، انفخ العجالت منيح
سامية: بدي اروح عالقنصلية الأمريكية، دلني من فضلك كيف اروح لهناك.
موظف: انت قريبة كثير عالقنصلية الأمريكية اطلعي باتجاه اليمين من محطة البنزين، وسوقي دوغري لحدما توصلي اول رمزون.
بعدين دوري عالشمال في شارع صلاح الدين وسوقي دوغري لحوالي نص كيلومتر ورح تشوفي بناية القنصلية الأمريكية عيمينك، وقفي سيارتك في موقف السيارات تبع الزوار.
سامية: شكراً كثير عامساعدتك، وهاي اكرامية الك
موظف : العفو، مع السلامة.
