افراد العيلة
ماجدة: مين عالباب؟
ليلى: انا جارتك ليلى. جيت ازورك واشرب قهوة معاك.
ماجدة: اهلا وسهلا ليلى؛ تفضلي. ادخلي، انا لسة كنت اطلع عصور عيلتي.
ليلى: ممكن اشوف الصور؟
ماجدة: طبعا. ورح احكليك عنهم.
ليلى: هاذي الصورة لما العيلة اجتمعت مع بعض؟
ماجدة: ايوة؛ بحري؛ هون في الوسط ابوي وامي؛ ابوي كان جندي بالجيش وتقاعد قبل احدعشر سنة؛ وامي كانت معلمة تاريخ وتقاعدت قبل سنتين؛ وهم هلا مبسوطين بحياتهم مع بعض هم بحبوا يسافروا وخاصة يزوروا اولادهم واحفادهم.
ليلى: الله يخليهم؛ مين هذول الاثنين اللي قاعدين عاشمال ابوك؟
ماجدة: هذا اخوي نبيل ومرة اخوي وفاء؛ نبيل مهندس الكتروني بشتغل ابشركة كبيرة وهم عايشين بالكويت. نبيل مهندس الكتروني بشتغل ابشركة كبيرة وهم عايشين بالكويت.
ليلى: وهذول اولادهم اللي قاعدين قدامهم؟
ماجدة: ايوة؛ بنت اخوي سناء تخرجت من الجامعة وهي هلا معيدة بالجامعة. وابن اخوي اسمو عادل درس طب وتخصص بالقلب وهلا هو دكتور مشهور.
ليلى: ماشالله ومين هذول الاثنين اللي قاعدين عايمين امك؟
ماجدة: هذي اختي سعاد وجوز اختي سامي. سعاد بتشتغلش وجوزها بشتغل ميكانيكي وعندو كراج.
ليلى: ممتاز!
ماجدة: وهلا بدي افرجيك صورة سيدي وستي وخالي وخالتي؛ هذا سيدي كان يشتغل بوسطجي؛ تصوري كان يمشي كل يوم ويوزع المكاتيب عكل البيوت بالبلد؛ وستي كانت خياطة شاطرة كانت تخيط فساتين حلوة. وهذا خالي رمزي هو مزارع ودايما بجيبلنا خضرة وفواكه طازة. وهذه خالتي سامية هي محامية مشهورة وبتعرف كيف تحكي منيح.
ليلى: نيالك انت محظوظة!
ماجدة: وهذي صورة عمي وعمتي؛ هذا عمي نادر هو بوليس ودايما بحكيلنا نتبع القوانين. وهذه عمتي نور وهي صحفية وبتشتغل ابمحطة
ليلى: ما شالله
ماجدة: وهلا يلا نشرب القهوة.
