حياة عيلتنا: سند طيّر العصافير - YouTube
الو اهلين سالي
شو وين انتي
طالعة بدوني
لا لا انا بالبيت بس عم بدير بالي على بنات خالتي
من امتى ؟ وبالعطلة كمان
ما تقلقي خالتي بتعطيني مبلغ مرتب
بقعد معهم يوم وبضل اصرف باقي الاسبوع
وبعدين الولاد الصغار بسلو يعني
بسلو كثير ما بتصدقي
اخ اخ
سالي برجع بحكي معك باي
بابا انا بدي اشتغل
بدي اعتمد على حالي وبدي اعبي وقتي
كيف يعني
هي رنا بتدير بالها على قرايبها وبتوخد مصاري كمان
اه
قرايبها
بس احنا ما عنا قرايب صغار
طب شو اعمل يعني ؟؟
مرحبا يا جماعة
هاي ماما
كيف حماتي ؟
لسى مش قادرة تمشي منيح
ونفسيتها مش بزيادة
اضطريت انظف لها كل البيت غصبن عنها
يعطيك العافية ليش ما حكيتي كان اجينا ساعدناك
خلص سلكت
بدنا لازم نشوف شو بدنا نعمل الايام الجاي
اذا بنلاقي حدا يجي يساعدها ويسليها بيكون ممتاز
عندي فكرة
ما كنت قبل شوي قاتلة حالك بدك تعبي وقتك؟
اه بس مع صغار
انا ما بدي اضل اسمع نفس القصص
وتضل تحكيلي عبنت خالتي وكيف هي أحسن مني
واصلا التيتا ما بعجبها العجب
وبصراحة بصراحة انا كنت عم بدور على اشي اعمله بمصاري
مش اشي أعمله ببلاش
طيب خلص انا رح اعطيك مبلغ اخر الشهر
منيح هيك
انت شو عم تحكي بدك اياها تساعد ستها عشان المصاري
خلص انت ما عليك
مرحبا تيتا
لشو كل هالاغراض
عفكرة انا وقفت اشتراك النت من زمان
شووو
قصدي تيتا انا جاي اساعدك واحنا اصلا كثير بنتسلى مع بعض
اكيد اكيد ما رح يوافق
ليش لا ؟
اصلا احنا بنعرف عن الطيور اكثر منه
وبعدين احنا رح نقوله انه رح نساعده
بعدين هو بس ينبهر فينا اكيد رح يعطينا مبلغ
صح سالي ورنا مش احسن منا
أذكر أنه في مثل هذا اليوم بات قلبي يرقص فرحاً بقدومك
فقد أتيت إلى منزلنا لنوثق حبنا ونسير في هذه الحياةِ معاً
ممسكةً بيدك
ليتك تعلم كم أحبك و أشتاق لك فلا شيء يكمل أو يكون دونك
كل عام وأنت بخير حبيبي
زوجتك
تيتا
انت بتحبي الكتابة
هوايتي المفضلة لحد اليوم
بكتب نثر وشعر وقصص
عن جد
يعني انا طالعة الك كثير بحب الكتابة
تيتا احكيلي اكثر عن كتاباتك
لا عمو
الدراسات الجديدة بتقول انه لازم تطعمي العصافير
توت وكرز وتفاح كل يوم
اووف كل يوم
زي ما قلنالك عمو في نظام غذائي معقد للطيور
بعدين انا ملاحظ انك انت مش محمم العصافير
الطيور يجب ان تستحم يوميا برذاذ الماء
يوميا
اي احنا البشر ما بنتحمم كل يوم
مش معقول تيتا
ما كنت اعرف انك هلقد رومانسية وشاطرة بالكتابة
صحيح كل سنة وانت سالمة اليوم ذكرى خطوبتكم صح
اخ على هذا اليوم
اجا جدك معجوق ولابس بدلة جاره
وكان جاره قصير كثير
يعني البدلة اجت عليه شورت بس الحمدالله الكلسات كانوا طوال
هههههه
بس المشكلة كان لونهم اخضر هههههه
احزري امتى اخر شعر كتبته
امتى ؟
يوم عيد ميلادك
عيد ميلادي انا ؟؟
عن جد تيتا
عن جد بتحبي تسمعيه
اكيد
شوي شوي اجري بتوجعني
عمو معلش تسمحلنا نفرجيك الطريقة الحديثة في تنظيف الاقفاص
تفضل
احنا لازم نطلع كل شئ وبفرشاية الاسنان بنظف القفص بالكامل
احنا دارسين كل شي عن العصافير عمو مثل ما قلتلك
يزن افتح القفص وانا بنقل العصافير
اخ ايدي
يا ولاد شو عملتو
تعالوا لهون رجعوا العصافير
انا مش عارفة شو اللي عملتيه مع التيتا
بس بتقول لو تشوفي سالي ولو تشوفي سالي
متكتكة مرتبة شطورة
مش لهدرجة صراحة خجلتوني
برافو عليك بابا
التيتا صارت تحس اليوم قصير
ونفسيتها صارت احسن
بصراحة بتستاهلي المكافأة
بابا وماما
التيتا اعطتني اشي اهم كثير من المصاري
واكتشفت اني ما اعطيت حالي فرصة اني امضي وقت كفاية معها واتعلم منها
واحزروا شو ؟
شو
رح اضل كل يوم اروح عند التيتا واتفقنا نصير نكتب قصص انا واياها
