(5) حياة عيلتنا: شكلي مش عاجبني - YouTube
عاجبك اللي صار!
شو صار يعني؟
ما صار اشي
بس عمتك بتسألني إذا حامل
ما انتي بتعرفي
الختايرة بحبوا يعرفوا آخر الأخبار
لأ مش هيك قصدها!
أنا بعرف إنّي نصحانة
وصايرة قد البرميل
بس فش داعي تحكي معي هيك
عاد أنا مش شايفك نصحانة
هههههههههه
أصلاً الحق كله عليك
قلتلك فش اشي بالخزانة جاي على أدّي
و جربت عشر فساتين قدامك
شو بتحبي يعني؟
ننزل عالسوق نشتريلك فستان
قبل العزومة بربع ساعة!
لأ! بس ما تقلّي
بيبي طالع بجنن عليكي
بس بدك تريّح راسك
ما تكبري الموضوع
إذا هالقد مضايقة وقفي الأكل بتضعفي
اوقف أكل؟!
هاد اللي طلع معك
يعني أنا نصحانة
قول قول عادي!! أنا نصحانة
شايفني نصحانة صح؟!
هاه احترنا يا قرعة من وين نبوسك
سند بابا
تعال ساعدني نجيب الأغراض من السيارة تعال تعال
ماما ما تزعلي..أصلاً شوفي كرش بابا
كأنو الشهر التاسع
وبعدين صاحبتي عملت دايت
نزلت ٣ كيلو بيومين
ايه! عنجد بتحكي؟
احكيلي معها هلأ هلأ ضروري
وجيبيلي اياه بسرعة
شو حبيبي
طمنّي، فزتوا؟
لأ خسرنا
هاه ليش؟
ما بعرف
بس بآخر المباراة
شاتلي تامر الطابة و ركضت
إجا صالح كان أسرع مني
و أخدها و شاتها و ما دخلت
لو كنت بس أسرع شوي كان فزنا
معلش حبيبي
المرة الجاي أكيد بتفوزوا
بابا، فكرك ليش صالح كان أسرع مني؟
معقول إني عم باكل كثير
عشان هيك عم بكون بطيء
شو دخل الأكل؟
يعني يمكن أكون نصحان شوي
و مش عم بقدر أكون سريع زي قبل
نصحان؟!
ألو حنين
اه اسمعي
شو هاد الدايت اللي قلتيلي عنه
اللي نزلتي عليه ١٠ كيلو بثلاث أيام؟
آه
امهمم هيك معقول
معلش نستعجل شوي
الناس عم بستنونا
سند...سالي
جهزتوا؟
سالي؟
شو بتعملي؟
لسا ما جهزتي!
ماما، أنا مش رايحة معكم
هاه خير؟ شو في؟
مافي اشي بالخزانة زابط علي
شكلي مو حلو و طالعلي كرش
طالعلك كرش!!
اي من وين بتجيبوا هالحكي؟!
يلا عيدوا وراي أشوف
شكلي حلو مثل ما أنا
شكلي حلو مثل ما أنا
أحب نفسي مثل ما أنا
أحب نفسي مثل ما أنا
يجب أن تكون حياتي صحية
يجب أن تكون حياتي صحية
يلا! كمان مرة ومن الأول
