الفصل السادس وعشرين - الدرس التالت - حوار ٢

يمكن إحنا السنة دي في ٢٠١٧ عام المرأة وشفنا إنجازات كتير حصلت، يمكن السنة دي إن إحنا كان عندنا مثلاً أول محافظة سيدة تكون مصرية، فدي من الأخبار اللي كانت حلوة . إحنا ف الأهم بنشتغل على السيدات على في كل المراحل العمرية، يمكن الست الفقيرة الست الغنية المتعلمة الغير متعلمة الصغيرة والكبيرة في السن. أنا دايماً بقول المرأة عددياً نص المجتمع بس هي فعلياً بتربي وتتحكم في النص التاني، لو ‘نت حبيت تصلح المجتمع أبدأ مع الست أبدأ معاها من أول هي صغيرة لغاية ما هي تكبر، لإن هي دي بعد كده هي اللي هاتربي ولّدك وهتقدر إن هي تغير المجتمع كله. يعني بقول لو الراجل هو وزير المالية فالست هي وزيرة الدفاع والخارجية والتعليم والصحة يمكن عشان كده بنقول الرجالة في مصر بيسموا الست "الحكومة"، هي فعلاً هي اللي متحكمة في كل حاجة فعشان كده بنقول دايماً إن إحنا لو ركزنا مع الست من وهي بنت هنقدر إن إحنا نغير المجتمع كله.