الفصل السادس وعشرين - الدرس الرابع - حوار ٣
- مساء الخير أعزائي المشاهدين النهارده بيشرفنا الدكتور جلال عبد الغني، أسباذ التاريخ في جامعة أسيوط واللي هيكلمنا عن الصعيد وسكانه باعتبارهم بيمثلوا حوالي تلت سكان مصر، يعني ٣٠ مليون مواطن، نحب نعرف عنهم كتير. أهلا يا دكتور.
- أهلا وسهلا يا فندم. في الحقيقة أهل الصعيد، وأنا واحد منهم، زي مهما مشهورين بلهجتهم المميزة، بيتميزوا برضه بصفات كتيرة حلوة زي الكرم والشهامة والطيبة الشديدة، ده غير تمسكهم بالعادات والتقاليد القديمة زي احترام الكبير، كبير العيلة وسماع كلامه وحماية الراجل لأسرته وتلبية كل احتياجاتهم.
- طيب يا دكتور، فيه ناس بتسأل عن موضوع التار وهل لسه منتشر زي زمان؟
- لأ طبعاً، الموضوع ده قل جداً الأيام دي، الناس تفكيرها اتغير وطبعاً جهود المصالحة بين العائلات المتخاصمة أدت لانحسار العادة السخيفة دي دلوقتي.
