الفصل السابع وعشرين - الدرس الرابع - حوار ٢
المتكلم الأول: طبعا الوضع في سوريا بقاله دلوقتي سنتين وأكتر من مليون واحد لاجئين في العالم العربي يعني في الدول المجاورة، واحنا بنطالب إن العالم كله لازم يتحرك، وإن يبقى فيه حل سلمي للازمة في سوريا، عشان ننهي المعاناة اللي بيعانوا فيها السوريين، وخصوصاً الأطفال والنساء... دور بلد زي مصر يعني مفروض إنه لها دور محوري في العالم، إنها تحاول إنها تضغط على كل الأطراف إن هم ينهوا الصراع، بحيث إن السوريين يقدروا يرجعوا بلادهم ويعني يبنوا البلد تاني.
المتكلم الثاني: النهارده بداية السنة التالتة لذكرى العنف على سوريا، فدي حركة ضرورية مش بس في مصر علشان نذكر بالعنف اللي بيحصل على سوريا... مش بنقول لك إننا بنهدد النظام بنقول للسوريين إن احنا معاهم، وإن احنا ضد العنف اللي بيحصل على أي سوري من أي ناحية، بس مفروض إن هو على بالليل هتكون الوقفة إننا هنمسك شموع وتبقى كده في كل أنحاء العالم... تبقى وقفة بالشموع عشان نفكر الناس.
