الحرية الصغيرة
أول فيلم هنتكلم عليه ، الحرية الصغيرة The Little Mermaid
حراااام، حرااام ـ الماسونية ، بيلعبوا بدماغ العيال الصغيرة ، حراام، حراام
في إيه؟؟ إهدوا شويه .. مجرد فيلم أطفال .. إزاي فيلم أطفال؟؟ هيبوظ العيال إيه عشان هي عريانة طول الفيلم .. عادي ما هي في البحر فلازم تلبس البيكيني.. سيبوكوم سيبوكوم من الكلام دا بجد مفيش حاجه اسمها فيلم يبوظ العيال خاصة البنات أن الفيلم دا معمول ليهم ، خلونا دلوقتي نعرف قصة الفيلم ونشوف الفيلم بيكلم عن إيه..
إريل هي بنت ملك البحار ومهتمة جدا بالعالم الخارجي فبتشوف ولد فبتحبه من أول نظره فبتقررإنها تسيب البحر وتروح للولد إللي شافته مرة واحدة بس، فأبوها بيرفض فهي بتروح للساحرة الشريرة إللي بتقولها هاخد صوتك علشان تخليكي تطلعي لعالم البشر، فهي بتوافق عشان الساحرة قالتلها إن هي مش لازم تتكلم عشان الولد يعجب بيها ، بس يعجب بيها عشان شكلها...
إريل: بس من غير صوتي... إزاي؟؟؟
الساحرة الشريرة: عندك نظرات ووشك حلو وإوعي تنسي اهمية التعبير الحركي..... هاااااا
بس عادي الواد أبيض وحليوه إستحاله يكون مجرم يعني .. بعد كل دا الواد محبهاش عشان صوتها مش موجود ولكن هما الإتنين بيحاربوا عشان يرجعوا صوتها وبيحبوا بعض والساحرة بتتغلب، وفي الآخر إريل بتعمل إللي في دماغها بردو مبتسمعش كلام أبوها وبتروح لعالم البشر... شوفوا إزاى فيلم زي دا هيبوظ عقل عيال! !
بصراحه أنا متعلقتش بالفيلم دا أوي، حتي محستش بحاجه كده لما رجعت أتفرج عليه، هي المزيكا حلوه بس أنا مفتكرتهاش ولا إتعلقت حتي بالشخصيات هي قصة البرنسيسه اللي عايزه حبيبها
ملك البحار: إنتي بنتي الصغيرة متعلقه في صنارة أكلة لحوم السمك دول
طب ما في سمك بياكل سمك هل دا يعد cannibalism ! !
طب ماحنا نعتبر حيوانات إحنا ثدييات وإحنا بناكل حيوانات تانيه هل دا يعد cannibalism! !
سيبكوا إنتوا من الكلام دا وخلونا ناخد ثانية ونقدر أد إيه إريل جميلة......
إريل: أنا عندي 16 سنة.............
عثمان أكيد هو أحسن شخصية في الفيلم والشيف الفرنساوي إللي هو بيعمل صوته واحد لبناني دا كان أكتر حاجه ضحكتني في الفيلم كله
الشيف: عارف انى رجاال.
بعد ما إريل بتفشل إن هي تخلي الملك يعبر عن حبه أورسيلا بتسحر الملك عشان يتجوزها وبتحول نفسها لبشريه ، إيه يا جيمي إنت بتعمل إيه؟؟؟ فيلم أطفال إزاى دا !! !
أورسيلا كشريره مش واضحه أوي باين إن في تاريخ ما بينها وما بين ملك المحيط، بس مش عارف إيه هو إللي مخليها شريرة فعلا كدا .. إيه دا ثانية ثانية رجاء الجداوى!!!!!! Is that you? ?
إيه إيه إيه؟؟؟؟ مش إهانه على فكره بجد شبه أورسيلا حاجه عاديه، يعني أنا عارف دلوقتي لو حصل في يوم وهيتعمل ريبورت لفيلم The Little Mermaidويبقي لايف أكشن أنا عارف مين أورسيلا
فيلم كلاسيك جدااا كان من أوائل أفلام الكرتون إللي إحنا إتفرجنا عليها والديزنى بعدها فضلت تطلع كتير من أفلام قصص البرنسسيات ولكن إللي بعد ده كان جاي بشكل مختلف شوية.....
