تعاون بين مصر وتركيا
إحنا هنزور سفارة تركيا. مصر وتركيا بينهم تعاون وسفارة تركيا أقامت سوق خيري للمنتجات التركية وبعض الأطعمة التركية، على فكرة إحنا بناكل أطعمة تركية كتيرة جداً في حياتنا وإحنا مش عارفين إنها تركية زي المحشي والضلمة وحاجات كتير زي السحلب تركي.
ده يمكن كمان من أشهر الأطمعة دي، البقلاوة، بالتركي بيئولوا عليها بكلافه، وفي المطار تلائيها موجودة. بتبئى جميلة.
السوئ ده إتعمل لمساعدة الأطفال ومرضى السرطان، السوئ ده حضره مجموعة من الشخصيات المهمة جدا ، شخصيات عامة وصحفيين وإعلاميين .
إقامة مثل هذه الأسواق الخيرية بتحفز الناس، على فكرة جميلة جداً وهي إن من أفكار بسيطة أوي وبإمكانيات ممكن تكون بسيطة نئدر نساعد ونغير في المجتمع اللي إحنا عايشين فيه.
تعالوا نشوف التقرير هذا التقرير من سوق تركيا الخيري.
أقمنا هذا السوق;
أولا لنستضيف وأحبائنا المصريين.
ثانيًا: لجمع التبرعات لصالح مرضى السرطان ، كما قمنا بدعوة رجال الأعمال الأتراك و المصريين وعدد من المستثمرين الأتراك في مصر لنحفِّز الجميع على التبرع وبالفعل كانت هناك الإستجابة.
إنهارده كان يوم سعيد جداً، والحئيئة أنا حسيت بمدى عمق العلاقة بين شعب مصر وشعب تركيا، وهم قريبين جداً مننا في التقاليد و العادات، وهذه العلاقة بتأوي الصداقة بين مصر وتركيا.
إحنا إنهارده بنحاول نبيع منتجات تركية والدخل منها هيكون لمستشفى السرطان ولعائلات الشهداء اللي في تركيا.
أنا فرحانة أوي إني بساعد معاهم وفي ناس كتير بتشتري وبالفلوس دي هيفيض كتير هيروح للمستشفيات والناس العيانين ولدار الأيتام و انا فرحانة إني بقوم بالعمل ده.
أعتقد إن أجواء كانت جميلة جداً في هذا السوق وعكست كمان علاقات قوية وأديمة وإشتراكات حضارات وتاريخ بين مصر وتركيا.
