الرجل العربي
المذيعة: النهارده هنتكلم عن تعبير بنسمعه من وإحنا صغيرين وبنردده سواء فهمنا أو مفهمنهوش، النهارده هنشوفه من وجهة نظر المتخصصين، معنى الرجل الشرقي ، من أسس هذا المصطلح هل الأهل أم الرجل؟
النهارده معانا ضيفتنا الدكتورة هبه ياسين وهي الكاتبة والدارسة في مجال التنمية البشرية.
صباح الخير يادكتور
دكتور: صباح الخير.
المذيعة ٢: صباح الخير يادكتور، وهسألك أول سؤال عن مصطلح الرجل الشرقي اللي إتكلمت عنه ريم.
الرجل الشرقي ده أو الكلمة نفسها بتدل عن الرجولة العزة والكرامة والكبرياء والغيرة. النهارده بتستخدم كتير جدا لتوصيف ناحية سلبية. البنت تقولك عقليته عقلية رجل شرقي ، ليه التغير ده حصل؟
الدكتورة: هي رجل شرقي بتوصف حالة على بعضها، هو له مميزات وله عيوب، زي برضو ما الست الشرقية ليها مميزات وليها عيوب.
إحنا خلينا إيجابيين يعني خلينا نقول إن الرجل الشرقي فيه مميزات كويسة لكن المفروض إن هو يتطور مع الوقت يعني إحنا بنقول خليك شرقي زي ما إنت بمواصفاتك الكويسة بس جاري العصر اللي إنت فيه، زي ما الست مطلوب منها انها متفضلش هي هي بتاعة خمسين سنة فاتوا.
فالرجل الشرقي دلوقتي، أه لازم يكون محافظ على عزته وكرامته بس لازم يفهم إن الست إتغيرت، فبالتالي أسلوب التعامل إتغير والسيطرة اللي إحنا بنقول عليها الرجل المسيطر ده لازم يختلفت في الشكل وفي المضمون.
المذيعة: اللي هي فكرة الرجل الحمش؟
الدكتورة: الرجل الحمش، اه يعني هو ممكن يكون حمش وكل حاجة بس بمعنى كويس حمش يعني يخاف عليها يحافظ عليها.
المذيعة: تمام.
الدكتورة: يعني هو الست دلوقتي مسؤولة جوه البيت وبره البيت وبتخرج وبتسوق عربيتها.
النشاط الخامس
المذيعة: متفهمينا يادكتورة كده من البداية يعني إيه رجل شرقي علشان بعض الناس بتتعامل مع المفهوم على إنه المسؤول الملتزم الناضج، والبعض الأخر بيتصوروا إن الرجل الشرقي هو محدود التفكير.
الدكتورة: هو رجل شرقي بالمعني اللي إحنا كلنا واخدين عليه، ان هو الرجل الي بيحاول يبقى بيخاف على مراته .
الفكرة إن هو دلوقتي لازم يطور تفكيره إن هو يبقى فيه جانب من الرعاية بس بشكل مختلف.
المذيعة: دكتور هبة ياسين بنشكر جداً وجودك معانا النهارده.
