فيلم المواطن Citizen movie Film obywatelski

**محمود سعد: إنتم عرفتم مين ضيفنا، زي ماقلتلكم الذي أبهرني في فيلم المهاجر .... نزلت رحت الفيلم إمبارح في السينما وشفته، حاجة الحقيقة رائعة، وده مكتوب في صحف أجنبية. مساء الخير يا خالد. **

**خالد النبوي: مساء النور يا محمود. **

**محمود: أهلا بيك. **

**خالد: إزيك؟**

**محمود: أُحييك. **

**خالد: مرسي. **

**محمود: وأحسنت، وتألقت وشرفتنا، يعني شرفتنا هنا وشرفتنا في في الفيلم الحقيقة. **

**خالد: متشكر جدا، إنت اللي عينيك حلوة. **

**محمود: ربنا يخليك. إحكيلي بقى إيه هي حكاية المواطن؟ وإيه اللي وداك هناك تعمل فيلم بالشكل ده، وإزاي جالك الفيلم؟ وتعمل فيلم كله .... يعني فيلم... ده فيلم أمريكاني بيتعرض في السينمات الأمريكية. **

**خالد: كلمني سام علشان زا سيتزين وقالي أنا عايز ....**

**محمود: مين سام؟**

**خالد: سام كادي هو مخرج فيلم زا سيتزين. **

**محمود: هيم. **

**خالد: وقالي "أنا عايز نتقابل" فتقابلنا وقالي "أنا ...**

**محمود: هنا في مصر؟**

**خالد: هنا في مصر. **

**محمود: أه. **

**خالد: قالي "أنا عايز إنك تعمل الفيلم ده معايا" فقريت الإسكربت السيناريو، عجبني جدا، وإشتغلناه. **

**محمود: هيم. **

**خالد: والحقيقة لازم أقول ...**

**محمود: هو مستوحى من قصة حقيقية؟**

**خالد: نـ نـ ناس كتير حصلها كده. **

**محمود: أه. **

**خالد: ناس كتير من العرب، المواطنين العرب إتبهدلوا بعد حداشر ستمبر. **

**محمود: هيم هيم. **

**خالد: فـ فـ وده اللي عجبني يعني إنه إنت بتدي صورة صحيحة عن الموطن العربي. بس الحقيقة اللي أنا عجبني أوي، وده كان سؤال قعدت أسئله إيه المواطن؟ مين زا سيتزين؟**

**محمود: هيم**

**خالد: فلقيت، بصي... وليه هذا المواطن بيحتمل كل هذه المعاناة في وطن تاني غير وطنه؟**

**محمود: هيم. **

**خالد: فلقيت إن الوطن التاني ده بيديله أمل، بس هو ليه المواطن يا محمود بيبحث عن أمل في وطن أخر؟ لآنه بيفقد الأمل في وطنه. فعلينا كلنا وعلى من يديرون أوطانا . **

**محمود: هذه الأوطان. **

**خالد: العربية. **

**محمود: آه. **

**خالد: إنهم يخلقوا مناخ يشعر فيه كل شاب ...**

**محمود: هيم. **

**خالد: بإن مجهوده وطموحه هيوصلوه لشئ. **

**محمود: هيم. **

**خالد: إنما أول ما تشعر إنك... مافيش أمل يبقى الحياة مالهاش معنى يبقى تمشي. في أكتر من عشرة مليون عربي في أمريكا. **

**محمود: هيم. **

**خالد: ليه؟ ما ده سؤال لازم نسأله! لأن هما لقوا هناك أمل لقوا حلم علطول كده. **