Daily Routines - Lesson 10
مرحبا وأهلا وسهلا فيكم ب The Arabic We Speak. اليوم أنا وزيد رح نلعب أدوار في مقابلة عن الروتين اليومي البسيط.
أماني: أي ساعة بتصحى الصبح؟
زيد: بصحى الساعة ٦ الصبح.
أماني: وأي ساعة بتفطر؟
زيد: بفطر الساعة ٧ الصبح.
أماني: أي ساعة بتطلع من البيت؟
زيد: بطلع من البيت الساعة ٨ الصبح.
أماني: شو بتشتغل؟
زيد: بشتغل مدرس للصفوف الأساسيّة.
أماني: شو المادة اللي بتدرسها؟
زيد: أنا معلم صف. بدرس لغة عربية ورياضيات وعلوم.
أماني: أي صف بتدرس؟
زيد: أنا أستاز للصف الأول.
أماني: أي ساعة بتخلص شغلك؟
زيد: بخلص شغلي الساعة ١ الضهر.
أماني: شو أكتر إشي بتحبه بشغلك؟
زيد: بحب الطاقة والبراءة اللي موجودة عند الأطفال.
أماني: وأي ساعة بتنام؟
زيد: بنام الساعة ٩ بالليل.
أماني: شكراً زيد.
زيد: عفواً أماني.
