حياة عيلتنا: زواج مبكر - YouTube
سالي
شوفي مين عالباب
ماما...هاي آنتي ليلى جارتنا
ليلى؟
طب افتحي افتحي هيني جاي
مرحبا سالي
كيف حالك حبيبتي؟
منيحة آنتي
وين إنصاف؟
ليش ما جبتيها معك؟
ايهه اه إنصاف؟ هه
شوي مشغولة حبيبتي
يا مية أهلا و سهلا بجارتنا
تفضلي تفضلي
الله يزيد فضلك حبيبتي
سالي... روحي جيبي عصير بسرعة
لا لا ما تغلبي حالك جارتي
أنا لازم أطلع
بس اجيت اجيبلكم كرت حفلة إنصاف بإيدي هاه
ضروري ضروري نشوفكم
كرت عرس؟
ايييه يعني...
بنتي إنصاف إجاها النصيب
و انشالله عرسها الخميس الجاي
إنصاف؟!
بس يا ليلى إنصاف لسا صغيرة
ما كمّلت ال١٦
طب عالقليلة خليها تكمل دراستها بالأول!
ما هو العريس
شافها بعرس أختها سهى السنة الماضية
و عجبته كتييير كتير
و وعدنا إنو يشيلها على كفوف الراحة
يا ليلى
سهى جوزتوها قبل ما تخلص مدرسة
و هلأ إنصاف كمان؟
حرام! بناتك لسا صغار
بعرف! بس مانتي شايفة وضعنا
أبوهم قاعد بالبيت ما بشتغل
وخايف عالبنات
هاااااه
بعدين ماشالله عنا خمسة
مسؤولية كبيرة
تفضلي آنتي
هاد العصير أنا عملته
هاه يسلمو حبيبتي
أكيد طيب كتير
دايمة
ليش مستعجلة؟ طب كملي عصيرك
اه لازم اطلع
علي شغل كتير
بنشوفكم يوم الخميس
انشالله انشالله
سند سالي، بكفي لعب
بلاش توقعوا إشي هلأ
ماما معلش اجيب هاي؟
روحي جيبي الحجم الأصغر
أم سند! معقول شو الدنيا صغيرة
أهلاً أهلاً أم نضال
كيفك؟
كيف ابن عمي أبو سند و كيف الولاد؟
جبت هادا
مين هاي الصبية الحلوة؟
اه هادي سالي
ماما سلمي على آنتي أم نضال
بنت عم البابا
مرحبا آنتي
ماشالله ماشالله معقول هاي سالي
شو كبرانة! صايرة عروس
آه شفتي، الولاد بكبروا بسرعة ههه
سالي، روحي انتي و أخوكي جيبوا علبة لبن
ييي لو تشوفي نضال حبيبي
شيخ الشباب و بشتغل مع أبوه بالمصلحة
كبر و صار عريس
خلص خلص إحنا جايين عندكم يوم الخميس الجاي
زمان ما زرناكم و شفنا ابن عمي
حبيبي هههه و رح نجيب معنا نضال أكيد
سلام سلام
اه؟
شو!!
وطّي صوتك! بلاش تسمع سالي
شو بتحكي هاي الست!
مجنونة؟!
بعرف بعرف
بس أنا بقُلك شو صار
شو مالهم الناس!
البنت لازم تخلص دراستها!
و تصير قادرة تعتمد على حالها
وواثقة من قراراتها
قبل ما تفكر تتزوج و تربّي عيلة
طب طوّل بالك
أكيد أنا معك
هاد الموضوع ما فيو نقاش
بس أنا ما بقدر اقُلها ما تيجوا تزورونا
يعني... بتعرف قرايبك
بلاش يزعلوا منا
اسمعي.. بتحكي معها و بتقوليلها إنو ما عنا بنات للجيزة
بحبوا ييجوا يزورونا زيارة عادية
أهلاً و سهلاً
غير هيك ما عنّا!
مالها الناس!
خلص رح أعتذر منها
و أصلاً أنا نسيت
إنو عنا عرس إنصاف بنت ليلى يوم الخميس
هاي كمان قصة!
مش قادر استوعبها
الله يعين البنات على هيك قرارات
طب بس انتي فهميني
صار اشي على عرس إنصاف؟
لا لا لا
لاه
بنتي سُهى
مالها سهى!
صارلها فترة عندها مضاعفات بالحمل
و امبارح إجت عنا عالبيت
وراحت يا حبيبتي ما تروح من بين ايدينا
سلامتها ألف سلامة
مش بس هيك
عيشتها مرار
طلع زوجها بضربها
و مانعها تزورنا
و احنا منقول البنت مالها بطلت تطل علينا؟
وشو؟
رجع بكلمته
ضايل عليها سنة بالمدرسة مانعها تكمل دراستها
وهي يا عيني مش عارفة كيف تتصرف
يا علي أنا يا حبيبتي
شو هالخبرية هاي!
شايفة شايفة يا أم سند!
شايفة شو صار فينا!
طلع معاكي حق
البنات لسا صغار عالزيجة
بس...هاد اللي تربينا عليه
و هاد اللي منعرفه
حبيبتي ليلى
مش كل اشي اتعودنا عليه هو الأحسن لاولادنا
مرات خوفنا عبناتنا وظروفنا
بتخلّينا نوخد قرارات صعبة
لكن لازم ننتبه شو تأثير هالقرار على حياتهم
ممكن هالقرار ما يكون لصالحهم
كلنا مرات بنغلط
بس هلأ عندك فرصة ما تكرري الغلط
و توخدي القرار الصح حتى لو كان صعب
يلا يا جماعة، حضروا حالكم
جاي عنا ضيوف
أم سند
مش انتي لغيتي زيارة أم نضال؟
لغيتها
هدول ليلى و زوجها و البنات جايين يزورونا
قرروا إنو إنصاف بعدها صغيرة
و لغوا عرسها!
هظا أحلى خبر! أيوا!
سالي... هاي إنصاف جاي تلعب معك
عنجد!
اشتقتلها كتييير
إذا بدكم تعرفوا أكثر عن الزواج المبكر
و تأثيره على العائلة، اكبسوا هون
و ما تنسوا تشاركوا الفيديو و تعملولنا سبسكرايب
