حياة عيلتنا: ليش هـيك؟ - Our Family Life
أشارت طقس العرب بأن موجة قطبية
من الدرجة الخامسة تجتاح معظم مناطق
المملكة ومديرية الامن العام تهيب المواطنين
بالاستعداد لمواجهة موجة من البرد القارص
هذا حبيبي للي مش متبعين... اللي مش مهتمين
اللي ما بفكروا لبعيد
احنا مش بس مستعدين
احنا جهوزتينا ٢٠٠ بالمية
السولار معبى وصوبة الغاز مليانة
ويا هلا بالمنخباب
شوف شوف الاستهتار والانتقائية والعشوائية
مين اللي ضاوي البويلر والشمس طالعة
ييي نسيت البيض
!بحتاجه لكل حلويات اللي رح اعملها بالثلجة
طيب طيب
خذي الاغراض وانا بروح بجيب على السريع
ماما اعمليلنا ليزي كيك بليز
أنا بدي سينامون رول
يا ماما يا ماما
وهي البيض
يسلمو
عصام بعتوا على الجروب انه عطا جاي يشيك على البويلرات
قلت يلا بشيك على البويلر تبعنا كمان
خليه يجي يشيك
يشوف كيف أبو سند دايما جاهز
البويلر شغال ما شاء الله عليه
بعرف
بس بده تنظيف وشوية صيانة
وكمان عزيزي مش ضايل عندك سولار
على هالتشغيل يادوب يكفيك يومين
شوووو
!اكيد انت غلطان
لا حبيبي انا مشيك على تنكات العمارة
انت اقل واحد عندو سولار
احكيلك مع تبع السولار؟
!صحابي هدول بيجوك بنفس اليوم
لا لا لا حبيبي
لا بدي اصلح ولا بدي اعبي يسلمو ايديك
انا بعرف شو رح اعمل
قال شو
قال حطوا قفل على تنكهم
شو قصدهم يعني
اصلا السولار تبعهم مش بمستوى البويلر تبعنا
بعدين بعبوا دايما من محطات شعبية... انا بشوفهم
طولي بالك ام انصاف
ما تكوني حساسة هلقد
يروح يشوف قديش بشغلوا البويلر
مهو البويلر تبعهم طول انهاره شغال
صوته بوصل لعندي
واصلا انا حاسبتلهم يومين ولازم يرجعوا يعبوا
حلو كثير
طيب بناء على ما تم اكتشافه مؤخرا
لن يتم تعبئة السولار أو شراء جرة غاز
واللي موجود رح يكفينا لنهاية الموجة
وعليه
قوانين تشغيل التدفئة رح تكون كما يلي
اولا: التشغيل يتم فقط عندما تكون الحرارة الخارجية
٤ درجة مئوية
ومثبتة من اكثر من مصدر رسمي
ثانيا
تواجد ما نسبته ١٢٠% من افراد العائلة في البيت
بابا كيف يعني ١٢٠%؟
!ما بعرف دبر حالك
ثالثا
اذا تحقق هذان الشرطان
لا يتم تشغيل التدفئة الا اذا اثبت افراد العائلة
لبسهم لملابس دافئة
وقيامهم بالتمارين الرياضية المتفق عليها
!شووووو
بدي الكل يحكي بصراحة وشفافية
بابا انا بصراحة الوحيدة اللي بحب اتحمم الصبح
بضطر اني اشغل التدفئة ٣ ساعات عشان تسخن المي
وانا هذه البلوزة بحب البسها كل يوم
وهي ما بتنشف الا اذا حطيتها على التدفئة
عشان هيك بشغل البويلر شوي بعد الظهر
خلص
بنشغل صوبة الغاز إذا هيك
عصام
نسيت أحكيلك انه غاز الصوبا خالص
كيف يعني!؟
صراحة
صارلي كل صبح بضويها مشان أغلي القهوة عليها
طعم القهوة عليها كتير زاكي
بابا هذا الحكي مش منطقي ابدا
ليش
هيكم دفيانين وما احلاكم
يعني انا لابسة ٥ بلايز
و٤ بنطلونات
و٣ جربات
ما عم بقدر اتحرك ولا اكتب ولا حتى اشرب
يمااا البرد! شو هاد البرد دخل لعضامي
!عصام انا ما عم بدفا
لانك ما عم تتحركي دينا
قلتلك
ضلك اتحركي
اركضي حولين البيت
ارفعي اثقال
جسمك بصير يحرق وبطلع طاقة
وهذه الطاقة بدفي وصديقة للبيئة كمان
مش مثل السولار
هيك يعني !! طيب انا ماخذة سامر
وطالعة عند ام يزن اشرب قهوة وادفى عندهم شوي
ماما خديني معك
وانا كمان
!سكروا الباب وراكم بلاش تطيروا الدفيات
!!يييي غطوا حالكم منيح يا ولاد بلاش تلتفحوا
عصااام! عصام وينك؟
أنا هون
!!دبرولي غاز للصوبة الله يرضى عليكم
كيف هيك احسن
احسن
انا شكلي بالغت شوي
بابا
احنا رح نشعر معكم ورح ننتبه أكتر للمصاريف
ورح انظم حالنا
ونضوي التدفئة بس لما يكون في داعي
طيب جيبولي موبايلي احكي مع تنك السولار
واهلا وسهلا باللي جاي
فل يابا فل
ايو يمين يمين يمين
