(4) حياة عيلتنا: لا تفقدي الأمل يا سالي - YouTube
بس قولي لي، كيف هيك صار معك؟
مش عارفة، هداك اليوم كان يزن عنده امتحان قبلي بالظبط بالظبط
وتأخر بتسليمه و بس خلص بديت على طول
يعني إنتي عملتي سبميت؟
آه، بس كثير كنت ملخومة
طب إنتي بعثتي للمس؟ سألتيها؟
آه آه بعثت لها الصبح وبستناها ترد
معقول آخذ صفر بامتحان نهاية السنة؟
حكت معي المس هلأ وبتقول إنك كثير متأخرة بتسليم الامتحان
واتطرت ما تحط علامة على الشهادة
شو؟ كيف يعني؟ كل هذا لأني تأخرت؟
شو شو ذنبي أنا؟ يزن كان عنده امتحان وما عنا غير كومبيوتر واحد
يعني دراسة كل الفصل راحت على الفاضي؟
ومعدلي، معدلي شو رح يصير فيو؟
ما تقلقي ماما، أنا رح أحاول أتواصل مع المديرة وأشوف شو منقدر نعمل
رنا ولا يهمك أكيد في حل
سالي شوفتي طابتي القدم؟
سند، مش شايفني منهمكة في الكتابة؟ زحلق
أعتذر على مقاطعة شيكسبير
يييي ما أزنخك
عم بكتب إشي كثير مهم مقال يحاكي مشاكل العصر
عم بكتب عن الدراسة عن بعد
الدراسة عن بعد؟ إنتي شو مفكرة حالك؟ معلمة ولا خبيرة نفسية؟
سند إطلع وسكر الباب وراك
طيب جاوبيني، شوفتي الطابة؟
ماما شوفي سند
طالع طالع
أين كنا؟ أها، نعم، معالجة ثغرات التعليم عن بعد
شو في؟ شو في سالي؟
سند عم بيزعجني وأنا عم بكتب مقال مهم كثير
رح يساعد رنا بمشكلتها
أحلا كاتبة في العالم
أنا رايحة أعمل لك إشي زاكي بس تخلصي إبعتي لي المقال عشان أقرأه
أديش بتدفعي؟ هاهاهاها
شكراً سالي
بس بصراحة ما أظن رح يعمل فرق
رح تشوفي رح أنزله على صفحة المدرسة
وأكيد المديرة رح تقرأه وتتجاوب معه كمان
سالي الكل بيعرف إنك صاحبتي وما رح يسمعولك
أصلاً هلأ بيطلعوا لك مليون غلطة
مليون؟ كل المقال ٥٠٠ كلمة حرام عليكي
شكراً، بس عنجد ما تغلبي حالك
رح أبعته اليوم وخلينا نشوف
سالي المقال مش معقول كثير متزن
وفي نقاط كثير حلوة لتحسين التعليم عن بعد
ماما ما تغلبي حالك المقال انرفض
شو؟ عنجد؟ ليش؟
مين هذا اللي رفض لك المقال؟ بس أعطيني اسمه
ما بعرف
يمكن زي ما قال سند أنا مش مختصة بالموضوع
وزي ما قالت رنا المقال ما رح يعمل فرق أصلاً
خلص بطلت بدي أكتب
لا يا بابا، كيف مش مختصة؟
هذا الموضوع بخصك ونص كطالبة جربت التعليم الإلكتروني
ورأيك لازم تحكيه
معه حق أبوكي
شو رأيك نزبط عليه ونبعته للجريدة
سمعت إنه عم بيشجعوا الشباب على كتابة مواضيع مثل هيك، شو رأيك؟
ماما، إذا المدرسة ما قبلته، الجريدة بدها تقبله يعني؟
سالي إنتي موهوبة بالكتابة وحابة تساعدي رنا، صح؟
مش بس رنا، أنا حابة أساعد كل الطلاب اللي عم بيدرسوا عن بعد
طيب خلينا نجرب، شو رح نخسر؟
أوكي موافقة
سالي ماما حتى لو رفضوه الجريدة مش مهم
إنتي موهوبة بالكتابة ما تتفشلي أبداً
وتذكري دايماً إنو قيمتك أكبر من الأشياء اللي بتعمليها، اتفقنا؟
اتفقنا
ألو؟
مرحبا
أهلاً، مين معي؟
ممكن أحكي مع سالي؟
تفضل أنا سالي
سالي أنا اسمي عبدالله
محرر الجريدة اللي بعثتي بها المقال وأنا قرأت المقال
بصراحة حلو جداً بس بدو تعديل
أوكي شكراً عمو
بس إحنا شوفنا فيكي قدرات رائعة
وحابين تيجي تتدربي عنا شهر بالجريدة
وأول إشي رح تعمليه إنك رح تزبطي المقال مع أحد الزميلات المختصين
عشان ننشره في الجريدة، بصراحة أفكاره كثير قيمة
وخصوصاً المبادرة اللي اقترحتيها عن تصليح الكمبيوترات القديمة
وتوزيعها على الطلاب
عنجد؟ شكراً شكراً كثير
يعني بقدر أداوم بكرة؟
هاهاهاها بكرة؟ شو؟ شكلك مستعجلة
آه لأ بس بصراحة حابة المقال ينزل بسرعة
خلص منستناكي بكرة
ممكن أحكي مع أهلك وأرتب التفاصيل معهم؟
ماما!
يا جماعة حاب أخبركم إنو هلأ إجاني تيلفون من المدير العام
لشركة الكمبيوتر بناء على مقال سالي
قرر التبرع بمية جهاز كمبيوتر للمدارس
عشان التعليم عن بعد
إذا عندكم حلم أو فكرة تمسكوا فيها
وإذا فشلتوا أول مرة ما تستسلموا استمروا واشتغلوا عليها
طوروها منيح لحد ما تزبط
وإنتوا كأهل لازم تشجعوا ولادكم دايماً إنو ما يستسلموا
ولاقوا طرق تساعدوهم فيها حتى يحققوا أحلامهم ويطوروا قدراتهم
