(2) حياة عيلتنا: تعليمات الوقاية من الكورونا - YouTube
مرحبا يا جماعة
عم نسمع عن أمراض و فيروسات أشكال و ألوان
انفلونزا الطيور و انفلونزا الخنازير
و هلأ الكل بحكي عن فيروس كورونا
بالنسبة إلنا عيلة أبو سند
عملنا اجتماع طارئ
و قررنا نعمل اللي علينا و نتكل على ربنا
مثلاًً، سند دايماً دايماً بنسى يغسل ايديه
فقررنا إنو يكون عنا قاعدة
ممنوع حد يوكل أي إشي إلا بعد ما يغسل ايديه منيح
ممنوع حدا يمسك وجهه أو أنفه أو ثمه أو عينيه
من دون ما يكون مغسل ايديه
هلأ منيجي للطريقة الصحيحة لغسل الايدين
لازم نغسل ايدينا كثير منيح عالقليلة ٢٠ ثانية
و ننظف منيح بين اصابعنا و تحت اظافرنا
و ايدينا من قدام و من ورا
ثانياً
قررنا إنو ما نروح على تجمعات كبيرة
و إذا اضطرينا نطلع
بلاها عادة التبويس لما نسلم على بعض
و نتذكر نغسل ايدينا منيح بعد المشوار
و لازم نأكد عاولادنا
إنو ما يمسكوا أي أسطح
أو يحطوا وجوههم أو ثمهم على أي اشي بمكان عام
ثالث اشي
سالي لما تعطس بتحممنا كلنا هههههه
فقررنا إنو أي حدا بعطس
لازم يستخدم محرمة و بعدين يكبها بالزبالة
و يغسل ايديه منيح
و سالي صارت تعمل هيك
و خبرت صاحباتها يعملوا نفس الإشي
عشان نمنع إنتشار العدوى
و إذا في حدا مريض لا سمح الله
لازم يلبس كمامة طبية
عشان ما ينقل العدوى للي حواليه
و الكمامة لازم تتغير و تنكب كل ٨-١٠ ساعات
إذا لا سمح الله أي حدا فينا صار عنده حرارة، وجع بالحلق
وجع راس و قحة أو حس بالغثيان أو تقيؤ أو ضيق بالتنفس
لازم نوخده على الطوارئ بسرعة
و ما يروح على الشغل أو المدرسة
حتى يحمي حاله و ما ينقل العدوى للآخرين
مسؤوليتنا إنو نحمي حالنا و نساعد بعدم إنتشار الأمراض المعدية
ما تشوفوا شر نشالله
و بتمنى السلامة للجميع
