(1) حياة عيلتنا: من سيربح المليون - YouTube
ييي ليش راجعة بكير اليوم من الشغل؟
معقول تركت الشغل ولا روحوها ؟
خليني ارن عليها أشوف
شو هذا الرقم الغريب !
الو
الو مرحبا
ست ليلى ؟
ايوا تفضل مين معي ؟
احنا اليوم رح نفاجئك باحلى خبر ممكن تسمعي بكل بحياتك
انت فزتي معنا بالجائزة الكبرى للبرنامج
شو
شو بتحكي!
الجائزة الكبرى
نعم وقيمتها مليون دولار
ملييييون دولار!!
انت سعيدة الحظ يا ست ليلى
واحنا جاهزين نسلمك الجائزة بأي وقت
بس بدنا منك شوي معلومات
اكيد اكيد
دقيقة
ابو انصاف
الحقني
الو ست ليلى
ست ليلى انت معي؟
ماما.. وين سند؟
هيو بغرفته
شو ماما ؟
وين وقعت؟
اشوف اشوف رجلك
اخ اخ شوي شوي ماما
شو بدينا نتدلع على الماما
نشكر الله صورناها ما مالها اشي
لازم يرتاح يومين ما يدعس عليها
بس الشوتة شكلها كانت قوية
المشكلة انها ما دخلت جول
اخ اخ
نشكرالله المهم انك منيح ماما
هلا رح اعملك غدا كثير زاكي
تفضل سيد سند
شكرا
ممكن شلمونة
الاوردر رقم ٢٩ من وقت ما اجيت
خف علينا شوي
قاعد بلعب جيمز وبتطلب
معلش ماما بس عبل ما يصير يقدر يمشي
طولي بالك عليه
اخ اخ يا رجلي اخ
ولا اشي بزبط
كيف بكرا بدي اروح استلم الجائزة الكبرى بهالبهدلة
لا لا لا
انا لازم اغير كل خزانتي اليوم
وكمان كل الخواتم اللي عندي فالصة
انا ام انصاف
شو ام انصاف
ام انصاف اولد فاشين
لولو
انا لولو صاحبة الملايين البس اكسسوار
لا لا لا لا لا
بدي اشتري خاتم الماس اليوم
حلوة حلوة وبتأعدي يا لولو
يعني بس بدك شوي بوتوكس هون
وشوية وشفط دهن هون وبرجع شباب
وانفتحتلك طاقة السما يا للوشة
وهاي تحويشة العمر بطل الها لزوم
الا للشوبينغ والتجهيز للمليون !!
شو ام انصاف
شو كل هذا
يعطيك العافية
معلش بليز تناديني لولو من يوم وطالع
بعدين انت ما عرفتي انا فزت بالجائزة الكبرى
فزت بمليون دولار
معقول !!
الف الف مبروك ام انصاف
قصدي لولو
جائزة شو ؟
من مين ؟
مش مهم مش مهم
المهم اني رح استلم الجائزة بكرا
فرحت اشتريت اواعي جديدة على الموضة
وكمان طبعاً
اشتريت اكم خاتم الماس
يعني هيك بس للزوم التصوير
مبروك مبروك فرحلتلك كثير
هاتي هاتي احمل معك
يوه لا لا لا ما بدي اغلبك حبيبتي
يلا بكرا الشوفير بصير يطلع معي
ما انا رح اشتري سيارة جديدة طبعاً
شو السيرة الجيران لبعض
لا لا لا
بس لانه اكيد اكيد اكيد ما رح اضل بهالعمارة
رح نبدا ندور على فيلا فيها بركة سباحة
وحدائق معلقة وجاكوزي وشلالات
هيك رح تصرفي المليون بيوم يا ام انصاف
قلتلك لولو
يسلمو غلبتك ... باي
مش معقول هذا الفيتشر
علاء كيف نزل عندك
ليش ما عندي اياه
اسمع اسمع
انت بس ابعتلي اليوسرنيم والباسورد
وانا بنزلك اياه ولا يهمك يا زلمة عندي
اوكيه
هيني بعتلك
هي كاسة مي
سالي معلش تجيبلي صحن فيه مكسرات وتشبس
لا هيك زودتها
قوم جيب لحالك
ماما
الف الف مبروك
معقول هذا بصير بالحقيقة
هلا وصلتني هديتك
بس ام انصاف هذه كثير غالية
ما كان في داعي تغلبي حالك
بليز بليز ما في اشي اسمه غالي من اليوم وطالع
انا اللي بدي اياه بشتريه
هيني جاهزة وبستنى يرجعوا يحكوا معي
حكوا رح يحكوني تاني يوم عشان اعرف كيف استلم الجائزة
بس صار يعني ٤ ايام ولسى ما حكوا
اه انت لسى ما استلمتيها
هاد كيف لو استلمتيها
هههه طيب بس تستلميها بدنا نطلع كلنا نحتفل
بدي اعزمكم انتي وام يزن على الفطور
لا لا حبيبتي ام سند
انا بطلت اقدر اكل خبز وحمص وفول وفلافل وهالشغلات
بدايقوا معدتي وهيك
بقدر اكل سوشي اذا بدكم
سوشي؟
طيب ام انصاف برجع بحكي معك
والف الف مبروك مرة ثانية
كيف هيك صار انا مش فاهم
شو صار شو في؟
لسى بتتخانفوا ؟
ماما
سند اعطى ولد ما بعرفه منيح اليوسرنيم والباسورد تبعه
وعمله هاك لكل العابه
وحتى ايميله كمان
شو
كيف بتعطي حد ما بتعرفه معلومات مثل هيك
حتى لو بتعرفه مش لازم تعطي اي معلومة بتخصك لحدا
ما بتسمع عن الناس اللي بضحكوا على العالم
وبحكولهم ربحتوا عشان يوخدوا معلوماتهم ويسرقوهم
مزبوط
شو حكيت !
معقول هيك عم بصير مع ام انصاف !!
اخدوا اسمي وتاريخ ميلادي ورقم حسابي
ورقمي السري بس ضل اعطيهم نمرة رجلي
معقول اني صدقت!!
معلش ام انصاف روقي روقي ما تزعلي حالك
سحبوا شوية المصاري اللي بالحساب
وانا صرفت كل اللي معي
قال شو عم بحضر حالي للمليون يا حسرة
كيف كنت افكر!
ولا يهمك الواحد بتعلم ما يعطي معلوماته لحدا
وما يصدق مين ما كان
واي اشي بدك ياه احنا جاهزين
لا انا رح ارجع كل الاشياء اللي شريتها
واشوف كيف بدي ادبر حالي
اي اشي بتحتاجي ام انصاف من عيونا احنا جاهزين
تسلمولي جاراتي حبيباتي اللي ما بستغني عنهم
بس بالنسبة للهدايا اللي بعتلكم اياهم
اذا ما فيها ثقلة بقدر ارجعهم للمحل
اكيييييد
بالنسبة لسند
هاي المرة قدرنا نرجعله أكاونته
بس اتعلم انه ولا عمره يشارك أي معلومات
أو كلمات سر مع أي حدا
الواحد مش لازم ابداً يشارك رقمه الوطني
وتاريخ ميلاده وعنوانه ورقم تليفونه وتوقيعه
مع أي شخص انت مش متأكد منه
واذا وصلكم ايميل من واحد بده يعطيك ورثة
أو حتى صديق بطلب منك مبلغ مالي
أو معلومات شخصية
احكي تليفون مع هذا الصديق
وتأكد انه هو اللي بعت الرسالة
ولا هاكر سرق ايميله أو تليفونه وبعتلك
معلوماتنا الشخصية مهم انحافظ عليها منيح
عشان سلامتنا وخصوصيتنا!
واتذكروا تعملولنا لايك وسابسكرايب!
