حياة عيلتنا: عيدك مش عيدهم
مين عيد ميلاده قرب؟
عيد سنود حبيبي، كيف رح نحتفل فيك هاي السنة؟
زي كل سنة بيعزم صاحبين ثلاثة على البيت
لا هاي السنة حابب أعمل إشي مختلف
قررت أعزم كل ولاد الصف
أربعة عشر ولد
أربعة عشر ولد؟
قصده البابا أنه البيت ما رح يوسع حبيبي
دقيقة شوي دقيقة
يعني إيجار قاعة ألعاب، قطعة كيك لكل واحد
عصير وواحد ماي وقطعة بيتزا
شو قطعة؟ هدول صاروا أكيلة
قطعتين بيتزا
لا لا لا يابا ما بزبط
طيب شو رأيكم أعزمهم على السينما؟ السينما بتوسع
سينما؟
حبيبي ما أظن في أفلام مناسبة لعمركم عم بيعرضوها هالفترة
طيب عندي فكرة، شو رأيكم نعمله في ملعب القدم اللي جنب البيت
ومنجيب معنا كيك وعصير. موافقين
تمام أنا داخل أكتب كروت العيد
وأنا رح أساعدك
وهذا الكرت لك فارس
شكراً، ما أحلى هالفكرة
وهذا لك عمر
ملعب قدم رهيب! شو رأيكم نوزع حالنا فريقين من هلا
ونلعب ضد بعض لعبة حامية
ما هو هاي الفكرة يا عبقري
ستنا ضل كرت كريم بدي أعطيه إياه
هاهاها كريم؟ انسى انسى
ليش؟
ما بطيقه وبعدين هو جديد نقل على صفنا
ومش شكله لعيب كرة قدم
عادي ما هو هذا عيد ميلاد مش الدوري
مش ضروري يكون كثير لعيب
اسمع سند إذا بتعزمه أنا وفارس مش جايين
أوكي ماشي
يييي وين سندويشتي؟ شكلي نسيتها
يلا سند على الملعب يلا يلا
مرحبا كريم، أهلاً سالي، شفت سند؟
نسي سندويشته معي الصبح
أظن شفتهم بوزعوا حالهم فريقين لعيد سند
وليش أنت مش معهم؟
أنا مش معزوم
مش معزوم؟!
سند أنت نسيت كرت كريم بالبيت؟
لا لا لا ما نسيته
طب ليش ما أعطيته إياه؟
مش كتبنا له كرت أنا وياك.
بطلت بدي أعزمه
أصلاً أنتي شو عرفك؟
عنجد بدك تعزم كل ولاد الصف إلا كريم؟
شو بيكون شعورك لو واحد من ولاد الصف عزم الكل ما عداك يا سيد سند
أصلاً هو جديد على الصف ومش شكلو بحب القدم كثير
يعني ما أظن رح تفرق معاه
يا سلام أنا شفته بالفرصة وكان فارق معاه
وكثير مش فاهمة ليش هيك سويت
وأنتي ليش هالقدة شادة على حالك يا ست سالي؟
أتذكر لما لمى قبل ثلاث سنين عزمت كل الصف ما عداي أنا ورنا
ما بنسى أديش كنت زعلانة وكيف رجعت على البيت بكيت يومها
صراحة عمر وفارس قالوا لي
أنه إذا إجا كريم هم ما رح يجوا وهدول صحابي
أنا بحب يجوا على عيدي
أظن هذا مش عيد عمر ولا عيد فارس هذا عيدك
وأنت اللي لازم تقرر
يييي ليش كريم هون؟ أنت عزمته؟
آه عزمته لأنه هذا الصح
تخيل لو عزمت كل الصف ما عداك أنت، شو بيكون شعورك؟
يلا نبلش المباراة
يلا كريم تعال إلعب بفريقنا
سنة حلوة يا جميل
سنة حلوة يا جميل
سنة حلوة يا سند
سنة حلوة يا جميل
كل عام وأنت بخير بابا
هاهاهاها كل سنة وأنت سالم
إذا عندكم مناسبة قريبة وحابيين تعزموا صحابكم
اعملنا لكم كرت دعوة بتقدروا تطبعوه عشان تعزموهم
اكبسوا هون عشان تنزلوا
وما تنسوا تكونوا لطيفين وتفكروا بمشاعر الكل
وقولوا لصحابكم يعملوا لنا سبسكرايب
عشان نوصل المليون
